​പ്രീമിയർ ലീഗ്​: ചെൽസിക്ക്​ സമനില; ജയത്തോടെ ടോട്ടൻഹാം മൂന്നാമത്

ലണ്ടൻ: പോരാട്ടങ്ങൾ അവസാനിക്കാനിരിക്കെ ഇംഗ്ലീഷ്​ പ്രീമിയർ ലീഗിൽ വമ്പന്മാർക്ക്​ ഇടർച്ച. കിരീട നിർണയം നേരത്തെ നടന്നെങ്കിലും ചാമ്പ്യൻസ്​ ലീഗ്​ യോഗ്യത നേരിട്ടുനേടാനുള്ള കുതിപ്പിനിടെ ചെൽസി അപ്രതീക്ഷിത സമനിലയിൽ കുടുങ്ങി. ഹഡേഴ്​സ്​ഫീൽഡ്​ ടൗണിനോട്​​ 1-1നാണ്​ മുൻ ചാമ്പ്യ​ന്മാർ സമനിലയിൽ കുരുങ്ങിയത്​. ഇതോടെ അവസാന മത്സരത്തിൽ ലിവർപൂൾ തോൽക്കുകയും ചെൽസി ജയിക്കുയും ചെയ്​താൽ മാത്രമേ ആ​േൻറാണിയോ കോ​​​െൻറയുടെ സംഘത്തിന്​ ​ചാമ്പ്യൻസ്​ ലീഗ്​ കാണാനാവൂ.

ചെൽസിക്ക്​ 70ഉം ലിവർപൂളിന്​ 72ഉം പോയൻറാണ്​. ഹഡേഴ്​സ്​ഫീൽഡിനായി ലോറൻറ്​ ഡിപോയിട്രെയും (50) ചെൽസിക്കായി മാർകസ്​ അലോസോയുമാണ്​ (62) ഗോൾ നേടിയത്​.ന്യൂകാസിൽ യുനൈറ്റഡിനെ 1-0ത്തിന്​ തോൽപിച്ച്​ ടോട്ടൻഹാം ഹോട്​സ്​പർ പോയൻറ്​ പട്ടികയിൽ മൂന്നാമതെത്തി ചാമ്പ്യൻസ്​ ലീഗ്​ യോഗ്യത ഉറപ്പാക്കി. സൂപ്പർ താരം ഹാരി കെയ്​ൻ (50) നേടിയ ഗോളിലാണ്​ ടോട്ടൻഹാമി​​​െൻറ വിജയക്കുതിപ്പ്​. സീസണിൽ താര​ത്തി​​​െൻറ 28ാം ഗോളാണിത്​. 74 പോയൻറാണ്​ ടോട്ടൻഹാമി​ന്​.

അതേസമയം, പടിയിറങ്ങാനിരിക്കുന്ന ആഴ്​സൻ വെങ്ങറി​ന്​ വീണ്ടും ഷോക്ക്​ നൽകി ആഴ്​സനൽ തോൽവി വഴങ്ങി. അരങ്ങേറ്റത്തിനിറങ്ങിയ ഡിഫൻഡർ കോൺസ്​​റ്റ​​െൻറിനോ മാവ്​റോപാനോസിന്​ ചുവപ്പു കാർഡ്​ കണ്ട്​ 10​ പേരായി ചുരുങ്ങിയ ആഴ്​സനലിനെ ലെസ്​റ്റർ സിറ്റി 3-1ന്​ തോൽപിച്ചു. കലേച്ചി ഇഹനാച്ചോ (14), ജാമി വാർഡി (പെനാൽറ്റി 76), റിയാദ്​ മെഹ്​റസ് ​(90) എന്നിവരാണ്​ ലെസ്​റ്ററിനായി ഗോൾ നേടിയത്​. ഒബൂമയാങ്ങാണ്​ ആഴ്​സനലിന്​ ആ​ശ്വാസഗോൾ ഒരുക്കിയത്​. മറ്റൊരു മത്സരത്തിൽ ചാമ്പ്യന്മാരായ മാഞ്ചസ്​റ്റർ സിറ്റി ബ്രൈറ്റൻ ഹോവനെ 3-1ന്​ തോൽപിച്ചു. ഡാനിലോ, ബെർണാഡോ സിൽവ, ഫെർണാണ്ടീന്യോ എന്നിവരാണ്​ സിറ്റിക്കായി ഗോൾ നേടിയത്​. സീസണിൽ സിറ്റിയുടെ 31ാം ജയമാണിത്​.