സലാഹിനും വാൻഡിക്കിനും ഗോൾ; ഒന്നിൽ ഇളക്കമില്ലാതെ ലിവർപൂൾ

​ലണ്ടൻ: മുഹമ്മദ്​ സലാഹി​​െൻറയും പ്രതിരോധനിര വന്മതിൽ വാൻഡിക്കി​​െൻറയും ഗോളുകളിൽ ലിവർപൂളി​ന്​ വിജയക്കുതിപ ്പ്. ഇൗ സീസണിൽ ഇംഗ്ലീഷ്​ പ്രീമിയർ ലീഗിലേക്ക്​ സ്​ഥാനക്കയറ്റം ലഭിച്ച വോൾവർഹാപ്​റ്റണിനെ യുർഗൻ ക്ലോപ്പി​​െൻറ പോരാളികൾ 2-0ത്തിന്​ തോൽപിച്ചു. ആഴ്​സനലിനോട്​ സമനിലവഴങ്ങിയതിനുശേഷം ലിവർപൂളി​​െൻറ തുടർച്ചയായ ആറാം ജയമാണിത്​ . തോൽവിയറിയാതെ കുതിക്കുന്ന ആൻഫീൽഡുകാർക്ക്​​ ഇതോടെ, 48 പോയൻറായി. ഒരു കളി കുറവ്​ കളിച്ച സിറ്റിക്ക്​ 44 പോയൻറാണ്​.

മികച്ച പ്രകടനവുമായി മാഞ്ചസ്​റ്റർ യുനൈറ്റഡിനു താഴെ ഏഴാം സ്​ഥാനത്തിരിക്കുന്ന വോൾവർഹാംപ്​റ്റണിനെതിരെ സലാഹിനെ മുന്നിലിട്ട്​ 4-2-3-1 ശൈലിയിലായിരുന്നു ക്ലോപ്പി​​െൻറ പടനീക്കം. ആക്രമണ മുന്നേറ്റവുമായി നീങ്ങിയ എതിരാളികൾക്കെതിരെ, തുടക്കത്തിൽ ലിവർപൂൾ താളം കണ്ടെത്താനാവാതെ വിയർത്തെങ്കിലും 18ാം മിനിറ്റിൽ എതിർ പ്രതിരോധം പിളർത്തി.

സാദിയോ മാനെയും ഫാബീന്യോയും വലതുവിങ്ങിൽ നടത്തിയ നീക്കത്തിനൊടുവിൽ മുഹമ്മദ്​ സലാഹാണ്​ ​സ്​കോർ ചെയ്​തത്​. പ്രീമിയർ ലീഗിൽ സലാഹി​​െൻറ 11ാം ഗോളാണിത്​. രണ്ടാം പകുതി ക്ലോപ്പി​​െൻറ വിശ്വസ്​ഥൻ വിർജിൽ വാൻഡിക്കും (68) സ്​കോർ ചെയ്​തതോടെ, ലിവർപൂൾ ജയം ഉറപ്പിച്ചു. മുഹമ്മദ്​ സലാഹി​​െൻറ പാസിൽ നിന്നായിരുന്നു വാൻഡിക്കി​​െൻറ ഗോൾ. ബാറിനു കീഴിൽ അലിസൺ ബക്കർ ഉറച്ചുനിൽക്കുകയും ചെയ്​തതോടെ വോൾവർഹാംപ്​റ്റണിന്​ ഒരു ഗോൾ പോലും തിരിച്ചടിക്കാനായില്ല.