Top
Begin typing your search above and press return to search.
keyboard_arrow_down
Login
exit_to_app
exit_to_app
കെവിൻ ​ഡി ബ്രൂയ്​നെ ജെറാർഡിനെയും ഗിഗ്​സിനെയും ഓർമിപ്പിക്കുന്നു -വെയ്​ൻ റൂണി
cancel
Homechevron_rightSportschevron_rightFootballchevron_rightകെവിൻ ​ഡി ബ്രൂയ്​നെ...

കെവിൻ ​ഡി ബ്രൂയ്​നെ ജെറാർഡിനെയും ഗിഗ്​സിനെയും ഓർമിപ്പിക്കുന്നു -വെയ്​ൻ റൂണി

text_fields
bookmark_border

ലണ്ടൻ: മാഞ്ചസ്​റ്റർ സിറ്റിയുടെ ബെൽജിയൻ മിഡ്​ഫീൽഡർ കെവിൻ ഡി ബ്രൂയ്​നെ വാനോളം പുകഴ്​ത്തി വെയ്​ൻ റൂണി. ഡിബ്രൂയ്​നെ മാഞ്ചസ്​റ്റർ യുണൈറ്റഡ്​ ഇതിഹാസം റ്യാൻ ഗിഗ്​സിനോടും ലിവർപൂൾ ഇതിഹാസം സ്​റ്റീവൻ ജെറാർഡി​നോടുമാണ്​ റൂണി ഉപമിച്ചത്​.

സിറ്റിയുടെ ഏറ്റവും വലിയ ആയുധം ഡിബ്രൂയ്​നെയാണ്​. ലോകത്തെ ഏറ്റവും മികച്ച മൂന്നുതാരങ്ങളിലൊരാളെന്ന്​ നിസംശയം പറയാനാകും.

ഡിബ്രൂയ്​നെക്കെതിരെ കളിക്കുന്നത്​ ഒരിക്കലും എളുപ്പമായിരുന്നില്ല. എവർട്ടണ​​ുവേണ്ടി സിറ്റിക്കെതിരെ കളത്തിലിറങ്ങിയത്​ ഇപ്പോഴും ഓർമയുണ്ട്​്​. ഡിബ്രൂയ്​നെയും കൂട്ട​രും ഞങ്ങളെ അപ്രസക്തരാക്കി. കളി 37 മിനിട്ട്​ പൂർത്തിയായപ്പോഴേക്കും സിറ്റി മൂന്നുഗോളിന്​ മുമ്പിലെത്തി. 18 ശതമാനം പന്തുമാത്രമാണ്​ ഞങ്ങളുടെ കൈവശമുണ്ടായിരുന്നത്​.

ഡി ബ്രൂയ്​നെ സ്​റ്റീവൻ ജെറാർഡിനെ ഓർമിപ്പിക്കുന്നു. അദ്ദേഹം അവസരങ്ങൾ സൃഷ്​ടിക്കുകയും ബുദ്ധിമുട്ടുകൾ ഏറ്റെടുക്കുകയും ചെയ്യും. എളുപ്പപണിക്കായി പോകില്ല.

ഡിബ്രൂയ്​നെയുടെ കാലിൽ പന്തെത്തു​േമ്പാൾ താരങ്ങൾ ഓടിത്തുടങ്ങുന്നത്​ കാണാം. ഒരു മിഡ്​ഫീൽഡർക്ക്​ ഇതിൽ പരം എന്ത്​ അംഗീകാരമാണ്​​ വേണ്ടത്​. റ്യാൻ ഗിഗ്​സിനൊപ്പം കളിക്കു​േമ്പാൾ അദ്ദേഹത്തിന്​ പന്തുകിട്ടു​േമ്പാൾ ഞാൻ ഓടുമായിരുന്നു. കാരണം അദ്ദേഹം എന്നിലേക്ക്​ കൃത്യമായി പന്തെത്തിക്കും. ഡിബ്രൂയ്​നെയും അതുപോലെയാണ്​ -റൂണി അഭിപ്രായപ്പെട്ടു.

മാഞ്ചസ്​റ്റർ യുനൈറ്റഡി​​െൻറ എക്കാലത്തേയും മികച്ച ഗോൾ സ്​കോററായ റൂണി 'ദി ടൈംസിൽ' എഴുതിയ കോളത്തിലാണ്​ ത​​െൻറ അഭിപ്രായം പങ്കുവെച്ചത്​.

Show Full Article
TAGS:wayne rooney De Bruyne football news 
Next Story