ഒഴിഞ്ഞ ഗാലറി സാക്ഷി; സിറ്റിയോട്​ യാത്രപറഞ്ഞ്​ സിൽവ

ലണ്ടൻ: പതിറ്റാണ്ടുകാലം ഒരു ക്ലബി​​െൻറ ജഴ്​സിയണിഞ്ഞ്​ പടിയിറങ്ങു​േമ്പാൾ നിറഞ്ഞ ഗാലറിയുടെ സ്​നേഹവായ്​പേറ്റുവാങ്ങി വിടവാങ്ങാനാവും ഏതൊരു ഫുട്​ബാളറുടെയും മോഹം. പക്ഷേ, കോവിഡ്​ കാലത്ത്​ ആളില്ല ഗാലറിക്ക്​ മുന്നിൽ കളിച്ച്​, കിരീടമണിയാൻ വിധിക്കപ്പെട്ട തലമുറയെ പഴിച്ച്​ യാത്രപറയാനേ ഡേവിഡ്​ സിൽവക്ക്​ കഴിയൂ. 

എന്നിട്ടും, ഞായറാഴ്​ച രാത്രിയിൽ മാഞ്ചസ്​റ്ററിലെ ഇത്തിഹാദ്​ സ്​റ്റേഡിയത്തിൽ കാലി കസേരകളെ നോക്കി കൈകൊട്ടി അദ്ദേഹം യാത്രചോദിച്ചു. 2010 മുതൽ സിറ്റിയുടെ ഉയർച്ച താഴ്​ചകളിൽ മധ്യനിരയുടെ നെടുനായകനായി നിലയുറപ്പിച്ച സ്​പാനിഷ്​ താരം ക്ലബി​​െൻറ നായകവേഷത്തോടെയാണ്​ യാത്രപറയുന്നത്​. 

2010ൽ ലോകചാമ്പ്യന്മാരായ സ്​​പാനിഷ്​ അർമഡയുടെ ഭാഗമായ താരമെന്ന പെരുമയുമായാണ്​ സിൽവ ഇംഗ്ലണ്ടിലെത്തുന്നത്​. 10 വർഷത്തിനു ശേഷം പടിയിറങ്ങു​േമ്പാൾ നാല്​ പ്രീമിയർ ലീഗ്​ കിരീടവും, രണ്ട്​ എഫ്​.എ കപ്പും ഉൾപ്പെടെ 14 കിരീട നേട്ടത്തിൽ പങ്കാളിയായി. ഇൗ പട്ടികയിൽ ഇല്ലാത്ത ചാമ്പ്യൻസ്​ ലീഗിലൂടെ അദ്ദേഹം സിറ്റി​േയാട്​ വിടപറയും. അടുത്തയാഴ്​ച ആരംഭിക്കുന്ന ചാമ്പ്യൻസ്​ ലീഗിലെ കിരീടമാണ്​ ഇൗ വിടവാങ്ങലിൽ സിൽവയുടെ സ്വപ്​നം.

വിൻസൻറ്​ കൊംപനി പടിയിറങ്ങിയപ്പോൾ ടീമി​​െൻറ ആംബാൻഡ്​ ഏൽപിക്കാൻ കണ്ടെത്തിയത്​ ഇൗ 34കാരനെയായിരുന്നു. സിറ്റിയുടെ ആദ്യ മോഡേൺ വേൾഡ്​ക്ലാസ്​ ടാലൻറ്​ എന്നായിരുന്നു ഗാരി നെവില്ലെയുടെ വിശേഷണം. സിറ്റിക്കായി 309 മത്സരങ്ങളിൽ ബൂട്ടണിഞ്ഞ്​ 60 ഗോളുകൾ നേടി.