സിറ്റിക്ക്​ ചരിത്രനേട്ടം, ചാമ്പ്യൻസ്​ ലീഗ്​ യോഗ്യത നേടാനാകാതെ ചെൽസി

ലണ്ടൻ: അവസാന മത്സരത്തി​​െൻറ അവസാന മിനിറ്റിൽ പിറന്ന ഗോളുമായി മാഞ്ചസ്​റ്റർ സിറ്റി ഇംഗ്ലീഷ്​ പ്രീമിയർ ലീഗിലെ പുതു ചിത്രത്തിന്​ അവകാശികളായി. സീസണി​​െൻറ കൊട്ടിക്കലാശത്തിൽ സതാംപ്​ടണെതിരെ 94ാം മിനിറ്റിൽ ഗബ്രിയേൽ ജീസസിലൂടെ നേടിയ ഗോളിൽ സിറ്റി ജയിച്ചപ്പോൾ പോയൻറ്​ നേട്ടം 100ലെത്തി. ഇതാദ്യമായാണ്​ ഒരു ക്ലബ്​ സെഞ്ച്വറി തികക്കുന്നത്​. മിന്നൽ കുതിപ്പ്​ നടത്തിയ പെപ്​ ഗ്വാർഡിയോളയു​ടെ പടയാളികൾ നേരത്തെതന്നെ ലീഗ്​ കിരീടം സ്വന്തമാക്കിയിരുന്നു. പോയൻറ്​ നേട്ടത്തിൽ ചെൽസിയുടെ റെക്കോഡും (95) മറികടന്നു. 

തോറ്റ ചെൽസി പുറത്ത്​
നിർണായക മത്സരത്തിൽ ന്യൂകാസിൽ യുനൈറ്റഡിനോഡ്​ 3-0ത്തിന്​ തോറ്റ ചെൽസി ചാമ്പ്യൻസ്​ ലീഗിൽനിന്നും പുറത്തായി. അതേസമയം, ലിവർപൂൾ അവസാന മത്സരത്തിൽ ബ്രൈറ്റൻ ആൽബിയോണിനെ 4-0ത്തിന്​ തോൽപിച്ച്​ ചാമ്പ്യൻസ്​ ലീഗ്​ ബർത്തുറപ്പിച്ചു. ആഴ്​സൻ വെങ്ങറുടെ വിടവാങ്ങൽ പോരാട്ടത്തിൽ ആഴ്​സനൽ ഒരു ഗോൾ ജയത്തോടെ മാനം കാത്തു.

അതേസമയം, സ്വാൻസീ സിറ്റി (33), സ്​റ്റോക്​ സിറ്റി (33), വെസ്​റ്റ്​ബ്രോംവിച്​ (30) ടീമുകൾ അടുത്ത സീസൺ പ്രീമിയർ ലീഗിനുണ്ടാവില്ല. 17ാം സ്​ഥാനക്കാരായ സതാംപ്​ടൺ കഷ്​ടിച്ച്​ സ്​ഥാനം നിലനിർത്തി. ഇവർക്കു പകരം രണ്ടാം ഡിവിഷനിൽനിന്നും വോൾവർഹാംപ്ടനും കാഡിഫ്​ സിറ്റിയും പ്രീമിയർ ലീഗിനെത്തും.