ചാമ്പ്യൻസ്​ ലീഗിൽ ഗോൾ ആറാട്ട്​; സിറ്റിക്കും പി.എസ്​.ജിക്കും ടോട്ടൻഹാമിനും അഞ്ചു​ ഗോൾ ജയം

ലണ്ടൻ: ബാലൺ ഡി ഓർ നാമനിർദേശം ലഭിച്ച സന്തോഷം ഹാട്രിക്​ ഗോളടിച്ച്​ ആഘോഷമാക്കി പി.എസ്​.ജിയുടെ കെയ്​ലിയൻ എംബാ പ്പെയും മാഞ്ചസ്​റ്റർ സിറ്റിയുടെ റഹിം സ്​റ്റർലിങ്ങും. യുവേഫ ചാമ്പ്യൻസ്​ ലീഗ്​ ഗ്രൂപ്​​ റൗണ്ടിലെ മൂന്നാം പാദത് തിൽ വമ്പൻ ടീമുകൾ കളത്തിലിറങ്ങിയ​പ്പോഴാണ്​ സൂപ്പർതാരങ്ങൾ ഗോളടി മേളംകൊണ്ട്​ കളംനിറഞ്ഞത്​. തുടർച്ചയായി മൂന ്നാം ജയവുമായി പി.എസ്​.ജി, മാഞ്ചസ്​റ്റർ സിറ്റി, ബയേൺ മ്യൂണിക്​ ടീമുകൾ പ്രീക്വാർട്ടർ സാധ്യത ശക്തമാക്കി. യുവൻറസ്​, റയൽ മഡ്രിഡ്​, ടോട്ടൻഹാം ടീമുകളും ജയത്തോടെ നില ഭദ്രമാക്കി. ചൊവ്വാഴ്​ച പ്രഖ്യാപിച്ച ബാലൺ ഡി ഓർ 30 പേരുടെ പട്ടിക യിലാണ്​ എംബാപ്പെയും സ്​റ്റർലിങ്ങും ഇടംപിടിച്ചത്​.

എംബാപ്പെ ഹാട്രിക്​
ഗ്രൂപ്​​ ‘എ’യിൽ റയൽ മഡ്രി ഡിനെ പിന്നിലാക്കി മുന്നേറുന്ന പി.എസ്​.ജിക്ക്​ തുടർച്ചയായ മൂന്നാം ജയമായിരുന്നു ബെൽജിയം ക്ലബ്​ ബ്രൂജിനെതിരെ (5-0). എതിരാളിയുടെ തട്ടകത്തിലിറങ്ങിയ ഫ്രഞ്ചുകാർക്ക്​ ആദ്യ പകുതിയിൽ ഒരു ഗോളേ നേടാനായുള്ളൂ. എന്നാൽ, രണ്ടാം പകുതിയിൽ എംബാപ്പെ ഇറങ്ങിയതോടെ കളി മാറി. മൈതാനംതൊട്ട്​ ഒമ്പതു​ മിനിറ്റിനുള്ളിൽ ആദ്യഗോൾ. പിന്നെ, 20 മിനിറ്റിനുള്ളിൽ ഹാട്രിക്​ (61, 79, 83). മൗറോ ഇകാർഡിയുടെ വകയായിരുന്നു മറ്റു രണ്ടു​ ഗോളുകൾ. മൂന്നു​ ഗോളിന്​ വഴിയൊരുക്കിയ എയ്​ഞ്ചൽ ഡി മരിയയുടെ ബൂട്ട്​ ടീമി​​െൻറ വിജയച്ചരടിനെ നിയന്ത്രിച്ചു. ഇതേ ഗ്രൂപ്പിൽ റയൽ മഡ്രിഡ്​ ചൊവ്വാഴ്​ച ആദ്യ ജയവും സ്വന്തമാക്കി. തുർക്കി ക്ലബ്​ ഗലറ്റസറായെ 1-0ത്തിനാണ്​ മുൻ ചാമ്പ്യന്മാർ വീഴ്​ത്തിയത്​. ടോണി ക്രൂസി​​െൻറ ബൂട്ടിൽനിന്നായിരുന്നു വിജയഗോൾ.

ടോട്ടൻഹാം റി​ട്ടേൺസ്​
മൂന്നാഴ്​ച മുമ്പ്​ ബയേൺ മ്യൂണിക്​ ഏൽപിച്ച ഏഴു ഗോളി​​െൻറ ആഘാതം വി​ട്ടെറിയുകയായിരുന്നു ടോട്ടൻഹാം. സ്വന്തം ഗ്രൗണ്ടിലേറ്റ നാണക്കേടി​​​െൻറ കണക്ക്​ അവർ സെർബ്​ ക്ലബ്​ റെഡ്​സ്​റ്റാറിനെതിരെ തീർത്തു. കളിയുടെ ഇരു പകുതികളിലുമായി ഹാരി കെയ്​നും ഹ്യൂങ്​ മിൻ സണും നടത്തിയ മിന്നലാക്രമണങ്ങളിൽ മറുപടിയില്ലാത്ത അഞ്ചു​ ഗോളിനായിരുന്നു ടോട്ടൻഹാമി​​െൻറ ജയം. ഒരു ഗോൾ എറിക്​ ലമേല സമ്മാനിച്ചു. ഗ്രൂപ്​ റൗണ്ടിൽ ഇംഗ്ലീഷ്​ ടീമി​​െൻറ ആദ്യ ജയംകൂടിയാണിത്​. ആദ്യ മത്സരത്തിൽ ഒളിമ്പിയാകോസിനോട്​ സമനിലയും പിന്നീട്​ ബയേൺ മ്യൂണികിനോട്​ തോൽവിയുമായിരുന്നു ‘സ്​പേഴ്​സി​​െൻറ’ സമ്പാദ്യം.

അതേസമയം, ബയേൺ മ്യൂണികിനെ വിറപ്പിച്ചായിരുന്നു ഒളിമ്പിയാകോസ്​ കീഴടങ്ങിയത് (3-2)​. 23ാം മിനിറ്റിൽ യൂസുഫ്​ അറാബിയിലൂടെ ഗ്രീക്കുകാർ ആദ്യം വലകുലുക്കി. പിന്നീടാണ്​ റോബർട്ട്​​ ലെവൻഡോവ്​സ്​കി ഇരട്ട ഗോളിലൂടെ (34, 62) ബയേണി​​െൻറ രക്ഷകനാവുന്നത്​. ​കൊറ​െൻറിൻ ടോളിസോ (75) മൂന്നാം ഗോൾ നേടി. എന്നാൽ, ബ്രസീൽ താരം ഗ്വിയേർമയിലൂടെ (79) ഒളിമ്പിയാകോസ്​ തിരിച്ചടിച്ചെങ്കിലും ഒപ്പമെത്താനായില്ല. ബയേണിന്​ ഒമ്പതും ടോട്ടൻഹാമിന്​ നാലും പോയൻറാണ്​ സമ്പാദ്യം.

സ്​റ്റർലിങ്​ ട്രിക്​
ഗ്രൂപ്​​ ‘സി’യിൽ റഹിം സ്​റ്റർലിങ്​ ഹാട്രിക്കും സെർജിയോ അഗ്യൂറോ ഇരട്ട ഗോളും നേടി മാഞ്ചസ്​റ്റർ സിറ്റിയെ നയിച്ചപ്പോൾ ഇറ്റലിക്കാരായ അറ്റ്​ലാൻറ ചിത്രത്തിലേ ഇല്ലാതായി. 5-1ന്​ ജയിച്ച സിറ്റി, മൂന്നിൽ മൂന്നും പാസായി പ്രീക്വാർട്ടറിലേക്ക്​ അടുത്തു. 28ാം മിനിറ്റിൽ അറ്റ്​ലാൻറ നേടിയ ആദ്യ ഗോൾ ഗ്വാർഡിയോളപ്പടയെ പ്രകോപിപ്പിച്ചപോലെയായിരുന്നു കാര്യങ്ങൾ. പിന്നെ കണ്ടത്​ ഗോളടി​പൂരം. ആദ്യ പകുതി അഗ്യൂറോ (34, 38) സ്വന്തമാക്കിയപ്പോൾ, രണ്ടാം പകുതി റഹിം സ്​റ്റർലിങ്ങി​േൻറതായി (58, 64, 69). ​ഗ്രൂപ്പിലെ മറ്റൊരു മത്സരത്തിൽ ഷാക്​തറും-ഡിനാമോ സഗ്രെബും സമനിലയിൽ (2-2) പിരിഞ്ഞു.

ഡിബാല രക്ഷകൻ
ക്രിസ്​റ്റ്യാനോയെ സാക്ഷിയാക്കി പൗലോ ഡിബാല നിയന്ത്രണമേറ്റെടുത്തപോലെയായിരുന്നു ഗ്രൂപ്​ ‘ഡി’യിൽ ലോകോമോട്ടിവിനെതിരെ യുവൻറസി​​െൻറ പടയോട്ടം (2-1). 30ാം മിനിറ്റിൽ ​ലോകോമോട്ടിവ്​ മോസ്​കോ മുന്നിലെത്തിയപ്പോൾ യുവ​ൻറസ്​ തോൽവി ഭയന്നു. ഒന്നാം പകുതിയും രണ്ടാം പകുതിയും പൊരുതിയിട്ടും തിരിച്ചടിക്കാൻ വൈകി. ഒടുവിൽ 77, 79 മിനിറ്റുകളിൽ ഡിബാല യുവെയുടെ രക്ഷകനായി മാറി. ആദ്യം നടന്ന അങ്കത്തിൽ അത്​ലറ്റികോ മഡ്രിഡ്​ 1-0ത്തിന്​ ബയർ ലെവർകൂസനെ തോൽപിച്ചു. മൂന്നു​ കളിയിൽ രണ്ടു ജയവുമായി യുവ​ൻറസും അത്​ലറ്റികോയും ഏഴു​ പോയൻറുമായി ഒപ്പത്തിനൊപ്പമാണ്​.