ചാമ്പ്യൻസ്​ ലീഗ്​: ലിവർപൂൾ-റയൽ ഫൈനൽ

റോം: നീണ്ട 11 വർഷത്തെ ഇടവേളക്കുശേഷം ഇംഗ്ലീഷ്​ ഗ്ലാമർ ടീം ലിവർപൂൾ ചാമ്പ്യൻസ്​ ലീഗ്​ ​ഫൈനൽ പോരിന്​. എ.എസ്​ റോമയുടെ തട്ടകത്തിൽ നടന്ന രണ്ടാം പാദ പോരാട്ടത്തിൽ ആതിഥേയർ 4-2ന്​ ജയം നേടിയെങ്കിലും ആദ്യ പാദത്തിലെ വമ്പൻ ജയത്തി​​​​െൻറ (5-2) പിൻബലത്തിൽ 7-6ന്​ കളി​ ജയിച്ചാണ്​ യുർഗൻ ക്ലോപ്പും സംഘവും ചാമ്പ്യൻസ്​ ലീഗി​​​​െൻറ കലാശക്കളിയ​ിൽ ഇടംനേടിയത്​. ഇതോടെ, യുക്രെയ്​നിലെ കിയവിൽ ഇൗ മാസം 27ന്​ നടക്കുന്ന ഫൈനലിൽ നിലവിലെ ചാമ്പ്യന്മാരായ റയൽ മഡ്രിഡുമായി ഏറ്റുമുട്ടും. സാദിയോ മനെയുടെയും ജ​ിയോർജിയോ വെയ്​നാൾഡുമി​​​െൻറയും ഗോളുകളാണ്​ ലിവർപൂളിന്​ ഫൈനലിലേക്കുള്ള വഴിയുറപ്പിച്ചത്​. റോമക്കായി റാഡ്​ജ നിയാൻഗോലാൻ രണ്ടുവട്ടം വല കുലുക്കിയപ്പോൾ എഡിൻ സെ​ക്കോ ഒരു ഗോൾ നേടി. ഒരു ഗോൾ ജെയിംസ്​ മിൽനറുടെ ദാനമായിരുന്നു. 

ഒരുക്കം കരുതലോടെ 
ബാഴ്​സലോണക്കെതിരെ തിരിച്ചുവന്നതി​​​​െൻറ വിശ്വാസത്തിൽ അവസാന വിസിൽ വരെ പൊരുതാനുറച്ചാണ്​ റോമ സ്വന്തം തട്ടകമായ സ്​റ്റേഡിയോ ഒളിമ്പികോയിൽ ബൂട്ടുകെട്ടിയത്​. 5-2ന്​ ആദ്യ പാദം തോറ്റതിനാൽ തിരിച്ചുവരവ്​ അതിവിദൂരമാണെന്ന്​ ആരാധകർ പോലും വിശ്വസി​ച്ചെങ്കിലും റോമക്കാർ പൊരുതി. ആദ്യ പാദത്തിൽ വിന്യസിച്ച 3-4-2-1 ശൈലിക്കു പകരം അതിവേഗ ​ആക്രമണത്തിനായി 4-3-3 ശൈലിയിലാണ്​ റോമ കോച്ച്​ യുസേബിയോ ഡി ഫ്രാൻസിസ്​കോ ടീമിനെ ഒരുക്കിയത്​. മറുവശത്ത്,​ ഒരു മാറ്റവുമില്ലാതെ (4-3-3) ലിവർപൂളും. 

കളി വരുതിയിലാക്കി ലിവർപൂൾ 
മുന്നേറ്റനിരയിലെ എം-എസ്​-എഫ് ​(മനെ-സലാഹ്​-ഫിർമീന്യോ) സഖ്യത്തെ മെരുക്കിയാൽ തിരിച്ചുവരാമെന്ന് റോമക്കുറപ്പായിരുന്നു. മുഹമ്മദ്​ സലാഹിനെ പിടിച്ചൊതുക്കിയെങ്കിലും റോമയുടെ തന്ത്രം ആദ്യംതന്നെ പാളി. ഒമ്പതാം മിനിറ്റിൽ റഡ്​ജ നിയാൻഗോലാ​​​​െൻറ പിഴവ്​ മുതലാക്കിയാണ്​ ലിവർപൂൾ വിലപ്പെട്ട ആദ്യ ഗോ​ൾ നേടുന്നത്​. റോബർ​േട്ടാ ഫിർമീന്യോയിൽനിന്ന്​ പന്തു ലഭിച്ച മനെ ബോക്​സിൽ കയറി ബ്രസീലിയൻ ഗോളി അലിസണിനെ കാഴ്​ചക്കാരനാക്കി വലയിലാക്കി. അപ്രതീക്ഷിത ഗോളിൽ റോമക്കാർ തകർന്നു. എന്നാൽ, 15ാം മിനിറ്റിൽ ലിവർപൂളിന്​​ സെൽഫ്​ ഗോൾ കുടുങ്ങിയതോടെ​ റോമക്ക്​ ജീവൻ​െവച്ചു. വിർജിൽ വാൻഡിക്കി​​​​െൻറ ഷോട്ട്​ ​മിൽനറുടെ തലയിൽതട്ടി വലക്കകത്താവുകയായിരുന്നു. 25ാം മിനിറ്റിൽ റോമയുടെ പ്രതീക്ഷക്ക്​ വീണ്ടും മങ്ങലേറ്റു. കോർണർ കിക്കിൽനിന്ന്​ ഹെഡറിൽ വെയ്​നാൾഡ്​ പന്ത്​ വലയിലേക്ക്​ തിരിച്ചുവിട്ടു. ഇതോടെ റോമക്കാരുടെ നീക്കങ്ങൾ തണുത്തു. 
.

ജീവൻ​െവച്ച്​ രണ്ടാം പകുതി
ഡ്രസിങ്​ റൂമിൽ കോച്ചി​​​​െൻറ വാക്കുകളിൽനിന്ന് ഉൗർജം സംഭരിച്ച പ്രകടനമായിരുന്നു രണ്ടാം പകുതിയിൽ റോമയുടേത്​. മൂന്ന്​ ഗോളുകൾ മടക്കി സമനിലയുടെ വക്കിലേക്കുവരെ എത്തിയാണ്​ റോമക്കാർ ഞെട്ടിച്ചത്​. സെക്കോയും (52) ആദ്യ ഗോളി​​​​െൻറ പിഴവിന്​ പ്രായശ്ചിത്തമായി നിയാൻഗോലാനുമാണ്​ (86, 94 പെനാൽറ്റി) തിരിച്ചുവരവി​​​​െൻറ ഒാരത്തെത്തിച്ചത്​​. ഒടുവിൽ അവസാന വിസിലെത്തിയപ്പോൾ 7^6​‍​​​െൻറ ജയവുമായി ഇംഗ്ലീഷ്​പട കിയവിലേക്ക്​.