ബു​ണ്ട​സ്​ ലി​ഗ: ജ​ർ​മ​ൻ ക്ലാ​സി​കോ​യി​ൽ ഡോ​ർ​ട്​​മു​ണ്ടി​നെ വീ​ഴ്​​ത്തി ബ​യേ​ൺ

ബ​ർ​ലി​ൻ: കി​രീ​ട​ത്തി​ലേ​ക്കു​ള്ള കു​തി​പ്പി​ന്​ വേ​ഗം​കൂ​ട്ടി ബ​യേ​ൺ മ്യൂ​ണി​ക്കി​​െൻറ ജൈ​ത്ര​യാ​ത്ര. ജ​ർ​മ​ൻ ബു​ണ്ട​സ്​ ലി​ഗ ചാ​മ്പ്യ​ന്മാ​​രു​ടെ നി​ർ​ണ​യ​ത്തി​ൽ നി​ർ​ണാ​യ​ക മ​ത്സ​ര​മെ​ന്ന്​ വി​ശേ​ഷി​പ്പി​ച്ച ‘സൂ​പ്പ​ർ ഫൈ​റ്റി​ൽ’ ര​ണ്ടാം സ്​​ഥാ​ന​ക്കാ​രാ​യ ബൊ​റൂ​സി​യ ഡോ​ർ​ട്​​മു​ണ്ടി​നെ തോ​ൽ​പി​ച്ച്​ ബ​യേ​ൺ സീ​സ​ണി​ലെ 20ാം ജ​യ​ം പോ​ക്ക​റ്റി​ലാ​ക്കി. ​ബു​ണ്ട​സ്​ ലി​ഗ​യി​ലെ ടോ​പ്​ സ്​​കോ​റ​ർ റോ​ബ​ർ​ട്ട്​​ ലെ​വ​ൻ​ഡോ​വ്​​സ്​​കി​യും ബൊ​റൂ​സി​യ​യു​ടെ ​ഗോ​ൾ​മെ​ഷീ​ൻ എ​ർ​ലി​ങ്​ ഹാ​ല​ൻ​ഡും മു​ഖാ​മു​ഖ​മെ​ന്ന നി​ല​യി​ൽ ശ്ര​ദ്ധ​നേ​ടി​യ മ​ത്സ​ര​ത്തി​ൽ പ​ക്ഷേ, വി​ജ​യ​ഗോ​ൾ ജോ​ഷ്വ കി​മ്മി​ഷി​​െൻറ ബൂ​ട്ടി​ൽ​നി​ന്നാ​യി​രു​ന്നു. സൂ​പ്പ​ർ​താ​ര​ങ്ങ​ള​ട​ങ്ങി​യ ഇ​രു​നി​ര​യും എ​ണ്ണ​മ​റ്റ മു​ന്നേ​റ്റ​ങ്ങ​ൾ​കൊ​ണ്ട്​ ആ​വേ​ശ​ഭ​രി​ത​മാ​ക്കി​യ പോ​രാ​ട്ട​ത്തി​ൽ ഒ​രു ഡ​സ​നോ​ളം ഗോ​ൾ അ​വ​സ​ര​ങ്ങ​ൾ​ത​ന്നെ പാ​ഴാ​യി. ഇ​തി​നി​ട​യി​ലാ​യി​രു​ന്നു 43ാം മി​നി​റ്റി​ൽ കി​മ്മി​ഷി​​​െൻറ ബൂ​ട്ടി​ൽ​നി​ന്ന്​ ച​ന്ത​മേ​റി​യ ഗോ​ൾ പി​റ​ന്ന​ത്.

കോ​വി​ഡ്​ ഭീ​തി​യി​ല്ലാ​യി​രു​ന്നെ​ങ്കി​ൽ ഡോ​ർ​ട്​​മു​ണ്ടി​​െൻറ ‘മ​ഞ്ഞ മ​തി​ൽ’ ഇ​ര​മ്പി​യാ​ർ​ക്കേ​ണ്ട ഇ​ഡു​ന പാ​ർ​ക്കി​ലെ ഗാ​ല​റി ശൂ​ന്യ​മാ​യ​ത്​ ബ​യേ​ണി​നാ​ണ്​ ആ​ശ്വാ​സ​മാ​യ​ത്. ഹാ​ല​ൻ​ഡും തോ​ർ​ഗ​ൻ ഹ​സാ​ഡും റാ​ഫേ​ൽ ഗ്വ​രീ​റോ​യും ന​ട​ത്തി​യ മൂ​ർ​ച്ച​യേ​റി​യ മു​ന്നേ​റ്റ​ത്തെ ഡേ​വി​ഡ്​ അ​ലാ​ബ​യും ജെ​റോം ബോ​​ട്ടെ​ങ്ങും ചേ​ർ​ന്ന്​ പാ​ടു​പെ​ട്ടാ​ണ്​ പി​ടി​ച്ചു​കെ​ട്ടി​യ​ത്. ഗോ​ൾ​കീ​പ്പ​ർ മാ​നു​വ​ൽ നോ​യ​റു​ടെ മി​ന്നും ഫോം​കൂ​ടി​യാ​യ​തോ​ടെ ഒ​രി​ക്ക​ലും കൈ​വി​ടാ​ത്ത ഇ​ഡു​ന പാ​ർ​ക്കി​ൽ മ​ഞ്ഞ​പ്പ​ട​ക്ക്​ താ​ളം​തെ​റ്റി. ഇ​ട​വേ​ള​ക്കു പി​രി​യു​ന്ന​തി​ന്​ ര​ണ്ടു​ മി​നി​റ്റ്​ മു​മ്പാ​യി​രു​ന്നു ഗോ​ളി​​െൻറ പി​റ​വി. ബോ​ക്​​സി​നു​ മു​ന്നി​ൽ കി​ങ്​​സ്​​ലി കോ​മാ​നി​ലും അ​ൽ​ഫോ​​ൻ​സോ ഡേ​വി​സി​ലും തെ​ന്നി​ക്ക​ളി​ച്ച പ​ന്ത്​ ‘ഡി’ ​ബോ​ക്​​സി​ന്​ പു​റ​ത്തു​നി​ന്നും കി​മ്മി​ഷി​ന്​ ല​ഭി​ച്ച​പ്പോ​ൾ വ​ല​ക്കു​ള്ളി​ലേ​ക്ക്​ ഒ​രു ‘ചി​പ്പ്​’.

20 വാ​ര അ​ക​ലെ​നി​ന്നും പ​റ​ന്നു​വ​ന്ന പ​ന്ത്​ ഗോ​ളി റോ​മ​ൻ ബു​ർ​കി​യു​ടെ ക​ണ​ക്കു​കൂ​ട്ട​ൽ തെ​റ്റി​ച്ച്​ വ​ല​കു​ലു​ക്കി. ര​ണ്ടാം പ​കു​തി​യി​ൽ ബൊ​റൂ​സി​യ ജാ​ഡ​ൻ സാ​ഞ്ചോ, ജി​യോ​വ​നി റെ​യ്​​ന, മ​രി​യോ ഗോ​ട്​​സെ എ​ന്നി​വ​രെ ഇ​റ​ക്കി​യെ​ങ്കി​ലും ല​ക്ഷ്യം​ക​ണ്ടി​ല്ല. ഒ​രു ഗോ​ളി​ൽ തൂ​ങ്ങി ബ​യേ​ൺ അ​പ​രാ​ജി​തം എ​ന്ന റെ​ക്കോ​ഡ്​ നി​ല​നി​ർ​ത്തി. ഇ​തോ​ടെ 28 ക​ളി​യി​ൽ ഏ​ഴു​ ​േപാ​യ​ൻ​റ്​ വ്യ​ത്യാ​സ​ത്തി​ൽ ഒ​ന്നാ​മ​താ​ണ്​ ബ​യേ​ൺ മ്യൂ​ണി​ക്​ (64). ര​ണ്ടാം സ്​​ഥാ​ന​ത്തു​ള്ള ​ബൊ​റൂ​സി​യ​ക്ക്​ 57 പോ​യ​ൻ​റാ​ണു​ള്ള​ത്.

മ​റ്റൊ​രു മ​ത്സ​ര​ത്തി​ൽ ബ​യ​ർ ലെ​വ​ർ​കൂ​സ​നെ വോ​ൾ​ഫ്​​സ്​​ബ​ർ​ഗ്​ 4-1ന്​ ​ത​ക​ർ​ത്തു. നാ​ലാം സ്​​ഥാ​ന​ത്താ​യി​രു​ന്ന ലെ​വ​ർ​കൂ​സ​ൻ അ​പ്ര​തീ​ക്ഷി​ത തോ​ൽ​വി വ​ഴ​ങ്ങി​യ​തോ​ടെ അ​ഞ്ചി​ലേ​ക്കു​ വീ​ണു. മ​രി​ൻ പൊ​ഗ്രാ​സി​ച്​ ഇ​ര​ട്ട ഗോ​ൾ നേ​ടി​യ​േ​പ്പാ​ൾ റെ​നോ സ്​​റ്റീ​ഫ​ൻ, മാ​ക്​​സി​മി​ലി​യാ​ൻ അ​ർ​നോ​ൾ​ഡ്​ എ​ന്നി​വ​ർ ​ഓ​രോ ഗോ​ളും നേ​ടി. വെ​ർ​ഡ​ർ ബ്ര​മ​ൻ-​മൊ​ൻ​ഷ​ൻ​ഗ്ലാ​ഡ്​​ബാ​ഹ്​ മ​ത്സ​രം ഗോ​ൾ​ര​ഹി​ത സ​മ​നി​ല​യി​ൽ പി​രി​ഞ്ഞു.