റഫറി ഗോൾ കണ്ടില്ല; ബാഴ്​​സലോണക്ക്​​ നഷ്​ടമായത്​ വിലപ്പെട്ട ജയം - VIDEO

മഡ്രിഡ്​: മെസ്സിയുടെ ഷോട്ടിൽ പന്ത്​ ഗോൾലൈനും കടന്ന്​ നിലംതൊട്ടത്​ കാണികളും ബാഴ്​സ താരങ്ങളും ഒന്നടങ്കം കണ്ടിട്ടും ​റഫറി മാത്രം കണ്ടില്ല. അർഹിച്ചഗോൾ റഫറിമാരുടെ പിഴവിലൂടെ ഇല്ലാതായപ്പോൾ ബാഴ്​​സലോണക്ക്​​ നഷ്​ടമായത്​ വിലപ്പെട്ട ജയം. വലൻസി​യക്കെതിരായ മത്സരത്തിൽ ബാഴ്​സലോണ 1-1ന്​ സമനിലയിൽ കുരുങ്ങി. റോഡ്രിഗോയുടെ ഗോളിൽ ആദ്യം മുന്നിലെത്തിയ വലൻസിയക്കെതിരെ, അവസാന സമയത്ത്​ ഗോൾ നേടി ജോർഡി ആൽബയാണ്​ ബാഴ്​സക്ക്​ സമനിലയൊരുക്കുന്നത്​.

29ാം മിനിറ്റിലാണ്​ മെസ്സിയുടെ നിഷേധിക്കപ്പെട്ട ഗോൾ പിറന്നത്​. ഇവാൻ റാകിടിച്ചി​​െൻറ ക്രോസ്​ അതിവേഗം പോസ്​റ്റിലേക്ക്​ ലയണൽ മെസ്സി തിരിച്ചുവിട്ടപ്പോൾ പന്ത്​ ഗ്ലൗവിലൊതുക്കാൻ വലൻസിയ ഗോളിക്ക്​ പിഴച്ചു. കൈകൾ ചോർന്ന്​ ഇരു കാലുകൾക്കിടയിലൂടെ പന്ത്​ ഗോൾ ​ലൈനും കടന്ന്​ അകത്ത്​ ക​ുത്തി. ഞൊടിയിടയിലെ സാഹസത്തിനൊടുവിൽ ഗോളി നീറ്റോ പന്ത്​ പുറത്തേക്ക്​ തട്ടിയെങ്കിലും ബാഴ്​സ താരങ്ങൾ ഗോൾ ഉറപ്പിച്ചു ആഘോഷം തുടങ്ങിയിരുന്നു. പക്ഷേ, റഫറിയും ലൈൻ റഫറിയും പന്ത്​ വര കടന്നുപതിച്ചത്​ അറിഞ്ഞില്ല.

ഗോളിനായി വാദിച്ച്​ ബാഴ്​സ താരങ്ങൾ റഫറിക്കു പിന്നാലെ നടന്നെങ്കിലും ഫലമുണ്ടായില്ല. എന്നാൽ, ഇൗ നഷ്​ടത്തിന്​ വലിയ വിലകൊടുക്കേണ്ടിവരുമെന്ന്​ ബാഴ്​സ രണ്ടാം പകുതിയിൽ അറിഞ്ഞു. 60ാം മിനിറ്റിൽ വലൻസിയ ഉഗ്രൻ മുന്നേറ്റത്തിനൊടുവിൽ ബാഴ്​സയുടെ വലകുലുക്കി. സ്​ട്രൈക്കർ  റോഡ്രിഗോയാണ്​ സ്​കോറർ. തോൽവിയിലേക്ക്​ നീങ്ങുമെന്ന്​ തോന്നിച്ച മത്സരത്തിൽ ബാഴ്​സലോണ സമനില പിടിക്കുന്നത്​ 82ാം മിനിറ്റിലാണ്​. മെസ്സിയുടെ പാസിൽ ജോർഡി ആൽബയാണ്​ ഗോൾ നേടിയത്​. പുതിയ സീസണിൽ ഇതുവരെ തോൽക്കാതെയാണ്​ വലൻസിയയുടെ കുതിപ്പ്​. ഒന്നാം സ്​ഥാനത്തുള്ള ബാഴ്​സക്ക്​​ (35 പോയൻറ്​) നാലു ​േപായൻറ്​്​ മാത്രം (31) പിന്നിലാണ്​ അവർ.