ടോട്ടനം ഡിഫൻഡർ സെർഗെ ഔറിയറുടെ സഹോദരൻ ഫ്രാൻസിൽ വെടിയേറ്റ് മരിച്ചു

പാരിസ്​: ഇംഗ്ലീഷ്​ പ്രീമിയർ ലീഗ്​ ക്ലബ്​ ടോട്ടൻഹാം ഹോട്ട്​സ്​പറി​​െൻറ പ്രതിരോധ താരം സെർഗെ ഔറിയുടെ സഹോദരൻ ക്രിസ്​റ്റഫർ ഔറി വെടിയേറ്റു മരിച്ചു. ഫ്രഞ്ച് അമച്വർ ലീഗിൽ കളിക്കുന്ന താരത്തെ തിങ്കളാഴ്​ച വെളുപ്പിന്​ ടുളൂസിലെ ഒരു നിശ ക്ലബ്ബിനു സമീപം പരിക്കേറ്റ നിലയിൽ കണ്ടെത്തുകയായിരുന്നു.

സമീപവാസികൾ ആശുപത്രിയിലെത്തിച്ചപ്പോഴേ​ക്കും മരിച്ചിരുന്നു. പോസ്​റ്റ്​മോർട്ടത്തിലാണ്​ വെടിയേറ്റതാണെന്ന്​ ഡോക്​ടറമാർ അറിയിച്ചത്​. ഐവറി കോസ്​റ്റി​​െൻറ താരങ്ങളാണ്​ ഇരുവരും. കൊലയാളിയെ ഇതുവരെ കണ്ടെത്താനായില്ല. ​

പൊലീസ്​ അന്വേഷണം നടത്തിവരുന്നുണ്ട്​. സെർഗെ ഔറിയും ക്രിസ്​റ്റഫർ ഔറിയും ഫ്രഞ്ച്​ ടീമായ ലെൻസിലൂടെയാണ്​ പ്രഫഷണൽ ഫുട്​ബാളിലേക്ക്​ കാലെടുത്തുവക്കുന്നുണ്ട്​. പിന്നീട്​ സെർഗെ 2012ൽ ടുളൂസിലേ​ക്കും പിന്നാലെ പി.എസ്​.ജിയിലേക്കും ചേക്കേറി.

2017 മുതൽ ഇംഗ്ലീഷ് ലീഗിൽ ടോട്ടനത്തിനു സെർഗെ കളിക്കുന്നു. ഇളയ സഹോദര​​െൻറ മരണ വാർത്ത എത്തിയതോടെ, സെർഗെ ന്യൂകാസിലിനെതിരായ മത്സരത്തിൽ കളിക്കുമോയെന്ന കാര്യത്തിൽ വ്യക്​തതയില്ല.