റ​യ​ൽ മ​ഡ്രി​ഡി​നെ മ​ല​ർ​ത്തി​യ​ടി​ച്ച് അ​ത്​​ല​റ്റി​കോക്ക്​ സൂപ്പർ കപ്പ്​

ത​ളി​ൻ (എ​സ്​​തോ​ണി​യ): യൂ​റോ​പ്പി​ലെ സൂ​പ്പ​ർ ക്ല​ബി​നെ ക​ണ്ടെ​ത്താ​നു​ള്ള പോ​രാ​ട്ട​ത്തി​ൽ ന​ഗ​ര​വൈ​രി​ക​ളാ​യ റ​യ​ൽ മ​ഡ്രി​ഡി​നെ മ​ല​ർ​ത്തി​യ​ടി​ച്ച്​ അ​ത്​​ല​റ്റി​കോ മ​ഡ്രി​ഡി​​​െൻറ വി​ജ​യ​ഭേ​രി. ചാ​മ്പ്യ​ൻ​സ്​ ലീ​ഗ്​ ജേ​താ​ക്ക​ളും യൂ​റോ​പ ക​പ്പ്​​ ചാ​മ്പ്യ​ന്മാ​രും ത​മ്മി​ലു​ള്ള പോ​രാ​ട്ട​മാ​യ യൂ​റോ​പ്യ​ൻ സൂ​പ്പ​ർ ക​പ്പി​ൽ 4-2നാ​യി​രു​ന്നു അ​ത്​​ല​റ്റി​കോ​യു​ടെ വി​ജ​യം. സ്​​പാ​നി​ഷ്​ വ​മ്പ​ന്മാ​രു​ടെ പോ​ര്​ നി​ശ്ചി​ത സ​മ​യ​ത്ത്​ 2-2ന്​ ​സ​മ​നി​ല​യി​ലാ​യ​തി​നെ തു​ട​ർ​ന്ന്​ അ​ധി​ക​സ​മ​യ​ത്താ​യി​രു​ന്നു അ​ത്​​ല​റ്റി​കോ ര​ണ്ടു വ​ട്ടം​കൂ​ടി എ​തി​ർ​വ​ല കു​ലു​ക്കി കി​രീ​ട​ത്തി​ൽ മു​ത്ത​മി​ട്ട​ത്.

സ്​​റ്റാ​ർ സ്​​ട്രൈ​ക്ക​ർ ഡീ​ഗോ കോ​സ്​​റ്റ (1, 79), സൗ​ൾ നി​ഗ്വ​സ്​ (98), കോ​കെ (104) എ​ന്നി​വ​ർ അ​ത്​​ല​റ്റി​കോ​ക്കാ​യി വ​ല​കു​ലു​ക്കി​യ​പ്പോ​ൾ റ​യ​ലി​നു​വേ​ണ്ടി ക​രിം ബെ​ൻ​സേ​മ (27), സെ​ർ​ജി​യോ റാ​മോ​സ്​ (63) എ​ന്നി​വ​രാ​ണ്​ സ്​​കോ​ർ ചെ​യ്​​ത​ത്. 

സൂ​പ്പ​ർ കോ​ച്ച്​ സി​ന​ദി​ൻ സി​ദാ​നും സൂ​പ്പ​ർ താ​രം ക്രി​സ്​​റ്റ്യാ​നോ റൊ​ണാ​​ൾ​ഡോ​യും ക്ല​ബ്​ വി​ട്ട​ശേ​ഷ​മു​ള്ള ആ​ദ്യ മ​ത്സ​ര​ത്തി​ൽ, അ​തും സ്വ​ന്തം ന​ഗ​ര​ത്തി​ൽ​നി​ന്നു​ള്ള എ​തി​രാ​ളി​ക​ളോ​ട്​ തോ​റ്റ​ത്​ പു​തി​യ കോ​ച്ച്​ യൂ​ല​ൻ ലോ​പ​റ്റ്​​ഗു​യി​ക്ക്​ തി​രി​ച്ച​ടി​യാ​യി. 

ക​ളി തു​ട​ങ്ങി മൈ​താ​നം ഉ​ണ​രും​മു​മ്പ്​ ആദ്യ മിനിറ്റിൽ റ​യ​ൽ വ​ല​യി​ൽ കോസ്​റ്റ പ​ന്തെ​ത്തിച്ചു. ഗോ​ൾ വ​ഴ​ങ്ങി​യ​തോ​ടെ പ​തി​യെ താ​ളം ക​ണ്ടെ​ടു​ത്ത റ​യ​ലി​നാ​യി താ​മ​സി​യാ​തെ ബെ​ൻ​സേ​മ ഗോ​ൾ തി​രി​ച്ച​ടി​ച്ചു. ര​ണ്ടാം പ​കു​തി​യി​ൽ യു​വാ​ൻ ഫ്രാ​നി​​​െൻറ കൈ​യി​ൽ പ​ന്ത്​ ത​ട്ടി​യ​തി​നെ തു​ട​ർ​ന്ന്​ ല​ഭി​ച്ച പെ​നാ​ൽ​റ്റി ല​ക്ഷ്യ​ത്തി​ലെ​ത്തി​ച്ച റാ​മോ​സ്​ ലീ​ഡ്​ ന​ൽ​കി​യ​തോ​ടെ റ​യ​ൽ ജ​യം ഉ​റ​പ്പി​ച്ച മ​ട്ടാ​യി​രു​ന്നു. എ​ന്നാ​ൽ, അ​ത്​​ല​റ്റി​കോ തു​ട​ങ്ങി​യി​േ​ട്ട ഉ​ണ്ടാ​യി​രു​ന്നു​ള്ളൂ. അ​ധി​കം താ​മ​സി​യാ​തെ ക്ലോ​സ്​ റേ​ഞ്ച്​ ഫി​നി​ഷി​ങ്ങി​ലൂ​ടെ കോ​സ്​​റ്റ​യു​ടെ ​ര​ണ്ടാം ഗോ​ൾ. അ​ത്​​ല​റ്റി​കോ സ​മ​നി​ല പി​ടി​ച്ചു. 

അ​വ​സാ​ന നി​മി​ഷ​ങ്ങ​ളി​ൽ ടീ​മി​​​െൻറ ര​ക്ഷ​ക്കെ​ത്താ​റു​ള്ള റൊ​ണാ​ൾ​ഡോ​യു​ടെ അ​ഭാ​വ​ത്തി​ൽ റ​യ​ൽ പ​ക​ച്ചു​നി​ന്ന​പ്പോ​ൾ  അ​ധി​ക​സ​മ​യ​ത്തേ​ക്ക്​ നീ​ണ്ട ക​ളി​യി​ൽ തു​ട​രെ വെ​ടി​പൊ​ട്ടി​ച്ച്​ അ​ത്​​ല​റ്റി​കോ വി​ജ​യ​ത്തി​ലേ​ക്ക്​ കു​തി​ച്ചു. പ​ക​ര​ക്കാ​ര​ൻ തോ​മ​സ്​ പാ​ർ​തെ​യു​ടെ പാ​സി​ൽ ​ഉ​ജ്ജ്വ​ല വോ​ളി​യു​മാ​യി സൗ​ൾ ല​ക്ഷ്യം​ക​ണ്ട​പ്പോ​ൾ ഫ​സ്​​റ്റ്​ ടൈം ​ഫി​നി​ഷി​ങ്ങി​ലൂ​ടെ കോ​കെ ടീ​മി​​​െൻറ ജ​യ​മു​റ​പ്പി​ച്ചു.