ഇനിയസ്റ്റ രാജ്യാന്തര ഫുട്ബാളിൽ നിന്നും വിരമിച്ചു

മോസ്കോ: സ്പെയിനിന്റെ ഇതിഹാസ താരം ആന്ദ്രേസ് ഇനിയസ്റ്റ രാജ്യാന്തര ഫുട്ബോളില്‍ നിന്നും വിരമിച്ചു. ലോകകപ്പിലെ പ്രീക്വാര്‍ട്ടര്‍ മത്സരത്തില്‍ റഷ്യക്കെതിരായ തോൽവിക്ക് പിന്നാലെയാണ് ഇനിയസ്റ്റയുടെ രാജി. 

റഷ്യക്കെതിരെ ആദ്യ ഇലവനിൽ ഇനിയസ്റ്റയില്ലായിരുന്നു. പിന്നീട് ആദ്യ പകുതിക്ക് ശേഷം ഇനിയസ്റ്റ വന്നതോടെയാണ് സ്പെയിൻ കളി മികവ് പുറത്തെടുത്തത്. ലോക ഫുട്ബാളിലെ ഒന്നാം നമ്പർ മിഡ്ഫീൽഡർ ആയ ഇനിയസ്റ്റ ഈയിടെ ബാഴ്സലോണയിൽ നിന്നും വിരമിച്ചിരുന്നു.