അഹ്മദ് മൂസക്ക് ഡബ്ൾ; ​ഐസ്​​ല​ൻ​ഡ് കീഴടക്കി നൈ​ജീ​രി​യ

മോസ്​കോ: ​ആരാധക ലോകം അദ്​ഭുതങ്ങൾക്ക്​ കാത്തിരിക്കുന്ന ഗ്രൂപ്​ ഡിയിൽ മെസിപ്പടയുടെ​ നെഞ്ചിടിപ്പേറ്റി ​െഎസ്​ലൻഡിനെതിരെ നൈജീരിയക്ക്​ ആധികാരിക ജയം. ​രണ്ടാം പകുതിയിൽ ലെസ്​റ്റർ താരം അഹ്​മദ്​ മൂസ നേടിയ മനോഹരമായ ഇരട്ട ഗോളുകളുടെ മികവിലാണ്​ ആ​ഫ്രിക്കൻ കഴുകന്മാർ വിലപ്പെട്ട മൂന്നുപോയൻറുമായി ഗ്രൂപ്പിൽ രണ്ടാം സ്​ഥാനത്തേക്കുയർന്നത്​. കളി തുടങ്ങുംവരെ ഗ്രൂപ്പിൽ ഇത്തിരിക്കുഞ്ഞന്മാരായി മാറ്റിനിർത്തപ്പെട്ട രണ്ടു ടീമുകള​ുടെ ശരാശരി മത്സരമാകുമായിരുന്ന വെള്ളിയാഴ്​ച, പേരുകേട്ട ​െഎസ്​ലൻഡ്​ പ്രതിരോധത്തെ നെടുകെ പിളർത്തിയാണ്​ നൈജീരിയ ജയം സ്വന്തമാക്കിയത്​. 

49ാം മിനിറ്റ്​ അഹ്​മദ്​ മൂസ(നൈജീരിയ)
ആദ്യ പകുതിയിലെ ലക്ഷ്യബോധമില്ലായ്മ പവിലിയനിൽ തിരികെയേൽപിച്ച്​ രണ്ടാം പകുതിക്ക്​ ബൂട്ടുകെട്ടിയിറങ്ങിയ നൈജീരിയ കാത്തിരുന്ന മുഹൂർത്തമെത്തുന്നത്​ 49ാം മിനിറ്റിൽ. ​െഎസ്​ലൻഡ് താരത്തിൽനിന്ന്​ തട്ടിയെടുത്ത പന്തുമായി കുതിച്ച വിക്​ടർ മോസസ്​ പോസ്​റ്റിൽ കാത്തുനിന്ന അഹ്​മദ്​ മൂസക്ക്​ മറിച്ചുനൽകുന്നു. കാലിൽ സ്വീകരിച്ച്​ പായിച്ച വോളി ഗോളിയെ കബളിപ്പിച്ച്​ പോസ്​റ്റിൽ. ഇതോടെ, കളി ഏറ്റെടുത്ത ആഫ്രിക്കൻ കഴുകന്മാർ തകർത്തുമുന്നേറുന്നതായിരുന്നു പിന്നീട്​ മൈതാനം കണ്ടത്​. 

76ാം മിനിറ്റ്​ അഹ്​മദ്​ മൂസ (നൈജീരിയ)
ഇൗ ടൂർണമ​െൻറിലെ ഏറ്റവും മികച്ച സോളോ ഗോളിനായിരുന്നു ഏറെ വൈകാതെ​ ഗാലറി സാക്ഷ്യംവഹിച്ചത്​. നൈജീരിയൻ പെനാൽറ്റി ഏരിയക്കു സമീപത്തുനിന്ന്​ നീട്ടിലഭിച്ച ലോങ്​ പാസ്​ ​െഎസ്​ലൻഡ്​ പകുതിയിൽ വീണ്ടും മൂസയുടെ കാലുകളിൽ. പിടികൂടാൻ കാത്തുനിന്ന പ്രതിരോധ​െത്തയും ഗോളിയെയും മനോഹരമായി കബളിപ്പിച്ച്​ മൂസ ഗോളിലേക്ക്​ ചെത്തിയിട്ടു. ഇനിയൊരിക്കലും ഭേദിക്കാനാവാത്ത ലീഡുമായി കളിച്ച ​നൈജീരിയക്കെതിരെ ‘വാർ’ തുണച്ച്​ ലഭിച്ച പെനാൽറ്റി പക്ഷേ, ​െഎസ്​ലൻഡ്​ പുറത്തേക്കടിച്ച്​ പാഴാക്കി.