ഖത്തർ കരുത്ത്​ കാലിഗ്രഫിയായി; മലയാളി ദമ്പതികൾ താരങ്ങൾ

ദോഹ: ഖത്തറി​​​​​െൻറ കാൽകരുത്ത്​ പന്തുകളിയിൽ തെളിഞ്ഞു. എന്നാൽ എല്ലാതരത്തിലുമുള്ള രാജ്യത്തി​​​​​െൻറ കരുത്ത്​ വലംകൈയിൽ ആവാഹിക്കുന്ന തരത്തിൽ​ മലയാളി ദമ്പതികൾ കാലിഗ്രഫി ചിത്രം രചിച്ചു. അത്​ സാമൂഹിക മാധ്യമങ്ങളിൽ ​ൈവറൽ. നാട്ടിലെ മിക്കവരു​െടയും വാട്​സ്​ആപ്പ്​ ​പ്രൊഫൈലിലും ഫേസ്​ബുക്കിലുമൊക്ക ഇൗ ചിത്രമാണിപ്പോൾ. സമീഹ അബ്​ദുസ്സമദും ഭർത്താവ്​ ആദിൽ മുബാറക്കും ചേർന്നാണ്​ കാലിഗ്രഫി പൂർത്തിയാക്കിയത്​.

മലപ്പുറം വളാഞ്ചേരി വടക്കുംപുറം സ്വദേശിയാണ്​ ആദിൽ. ഖത്തർ എന്ന്​ അറബിയിൽ എഴുതിയതാണ്​ ചിത്രം. ഇതിലെ ‘ത്വ’ എന്ന അറബി അക്ഷരം ഒരു കരുത്ത​​​​​െൻറ വലതു​ൈകയുടെ രൂപത്തിലാണ്​. മസിൽ പെരുപ്പിച്ചുള്ള ഇൗ വലംകൈ ഖത്തർ എന്നതിലെ ‘ത്വ’ എന്ന അക്ഷരമായി മാറുന്നു. മൂന്ന്​ അറബി അക്ഷരത്താൽ ഖത്തറെന്ന കൊച്ചുരാജ്യത്തി​​​​​െൻറ സകല കരുത്തും ആവാഹിച്ചിരിക്കുന്നു ചിത്രം.ഫ്രീലാൻസ്​ ആർക്കിടെക്​റ്റ്​ ആണ്​ സമീഹ. ബിടെക്​ ബിരുദധാരിയായ ആദിൽ ബിസിനസ്​ നടത്തുകയാണ്​. ഏഷ്യൻ കപ്പിൽ ഖത്തർ സൗദി അറേബ്യയെ തോൽപിച്ച സാഹചര്യത്തിലാണ്​ ഇവർ കാലിഗ്രഫി തീർത്തത്​. ഇൻസ്​റ്റഗ്രാം ബിസിനസ്​ പേജിൽ ആണ്​ ആദ്യം പോസ്​റ്റ്​ ചെയ്​തത്​.

അൽഖോറിൽ ഇവരുടെ ഉടമസ്​ഥതയിൽ ജ്യൂസ്​ ഷോപ്പ്​ പ്രവർത്തിക്കുന്നുണ്ട്​. ഉപഭോക്​താക്കളിൽ ഖത്തരികളുമുണ്ട്​. കാലിഗ്രഫി കണ്ട ഖത്തരികളടക്കമുള്ളവർ ചിത്രം സാഹൂഹ്യമാധ്യമങ്ങളിലൂടെ പങ്കുവെച്ചു.
ഖത്തർ കഴിഞ്ഞദിവസം ഏഷ്യൻ കപ്പ്​ സെമിയിൽ യു.എ.ഇയെ നാല്​ ഗോളിന്​ തകർത്തതോ​െട ചിത്രം മെഗാഹിറ്റായി. ഖത്തർ ഒളിമ്പിക്​ കമ്മിറ്റി പ്രസിഡൻറ്​ ശൈഖ്​ ജൂആൻ ബിൻ ഹമദ്​ ആൽഥാനി, ശൈഖ്​ ഖലീഫ ബിൻ ഹമദ്​ ആൽഥാനി തുടങ്ങി പ്രമുഖരും ചിത്രം പോസ്​റ്റുചെയ്​തു. ഏതായാലും ഇൗ മലയാളി ദമ്പതികളാണ്​ ഇപ്പോൾ താരങ്ങൾ. ഇവർക്ക്​ അർഹം ആദിൽ എന്ന മകനുമുണ്ട്​.