ആഫ്രിക്കൻ കരുത്തർക്ക്​ ജപ്പാ​െൻറ സമനിലപ്പൂട്ട്​

റഷ്യൻ ലോകകപ്പ്​ ഗ്രൂപ്പ്​ എച്ചിലെ ജപ്പാൻ-സെനഗൽ ആവേശപ്പോര്​ ഇരു ടീമുകളും രണ്ട്​ ഗോൾ വീതമടിച്ച്​ സമനിലയിൽ അവസാനിച്ചു. സാദിയോ മാനെ, മൂസാ വാഗു എന്നിവർ സെഗനലിന്​ വേണ്ടി വല കുലുക്കിയപ്പോൾ തകാഷി ഇനൂയിയും പകരക്കാരനായി ഇറങ്ങിയ കെയ്‌സുക്കി ഹോണ്ടയുമാണ് ഏഷ്യൻ പ്രതീക്ഷകളായ ജപ്പാന്​ വേണ്ടി ഗോൾ മടക്കിയത്​.

ആദ്യ പകുതിയിൽ ഒാരോ ഗോളുകളടിച്ച്​ തുല്യത പാലിച്ച ഇരു ടീമുകളും രണ്ടാം പകുതിയിലും മത്സരിച്ച്​ കളിച്ച്​ ഒാരോ ഗോൾ വീതം നേടുകയായിരുന്നു. 71ാം മിനിറ്റിൽ മൂസ വാഗി​​​​​​​​​​െൻറ കൂറ്റനൊരു ഷോട്ടിലൂടെ​ 2-1 എന്ന ലീഡ്​ സ്വന്തമാക്കിയ സെനഗലിന്​ 79ാം മിനിറ്റിലാണ്​ ഹോണ്ടയിലൂടെ ജപാൻ മറുപടി നൽകിയത്​​. സെനഗൽ ഗോളിയുടെ പിഴവാണ്​ ഹോണ്ട ഗോളാക്കിയത്​. പന്തിനായി മുന്നോട്ട്​ വന്ന ഗോളിയെ ജപ്പാൻ മുന്നേറ്റം ബോക്​സിനകത്ത്​ കബളിപ്പിച്ച്​ കാര്യം സാധിക്കുകയായിരുന്നു.

12ാം മിനിറ്റിൽ സൂപ്പർതാരം സാദിയോ മാനെയുടെ ഗോളിൽ മുന്നിട്ട്​ നിന്ന സെനഗലിന്​ 32ാം മിനിറ്റിൽ ജപ്പാൻ തിരിച്ചടി നൽകിയിരുന്നു. അപ്രതീക്ഷിതമായി വഴങ്ങിയ ഗോളിന്​ ശേഷം ടീം കൂടുതൽ ഉണർന്ന്​ കളിക്കുകയായിരുന്നു. ബോക്​സിനകത്ത്​ യൂഗോ നഗാമോ​േട്ടായും തകാശിയും ചേർന്ന്​ നടത്തിയ മികച്ച നീക്കങ്ങൾക്കൊടുവിൽ തകാശി ഇൻയുവാണ്​ ജപ്പാന്​​ വേണ്ടി വലകുലുക്കിയത്​. ജപ്പാ​​​​​​​​​​​​​െൻറ പ്രതിരോധത്തി​​​​​​​​​​​​​​െൻറയും ഗോളി കവാഷിമയുടെയും വീഴ്​ച മുതലെടുത്തായിരുന്നു സെനഗലി​​​​​​​​​​​​​​െൻറ ഗോൾ. ജപ്പാൻ ഗോൾ മുഖത്ത്​ സെനഗല്‍ നിരന്തരം അപകടം വിതച്ചെങ്കിലും പന്ത് കൂടുതൽ നേരം കൈവശം വെച്ചത്​ ജപ്പാനായിരുന്നു. 

ഏഷ്യൻ പ്രതിനിധിയായ ദക്ഷിണ കൊറിയ ക്വാർട്ടർ കാണാതെ പുറത്തുപോയതോടെ ജപ്പാനിലാണ്​​ ഇനി പ്രതീക്ഷ. ആദ്യ മത്സരത്തിൽ പോളണ്ടിനെ പരാജയപ്പെടുത്തിയ കരുത്തിൽ സെനഗലും ലാറ്റിനമേരിക്കൻ ശക്​തികളായ കൊളമ്പിയയെ 2-1ന്​ തറപറ്റിച്ച്​ ജപ്പാനും ഇന്ന്​ ജയിച്ചാൽ ക്വാർട്ടർ ഉറപ്പിക്കാമായിരുന്നു. സമനിലയിലായതോടെ ഗ്രൂപ്പ്​ എച്ചിൽ ഇരുവർക്കും നാല്​ വീതം പോയിൻറായി.