ബ്ലാസ്റ്റേഴ്സിന് സമനില

കൊല്‍ക്കത്ത: ഐ.എസ്.എല്ലിന് തയാറെടുക്കുന്ന കേരള ബ്ളാസ്റ്റേഴ്സിന് സന്നാഹ മത്സരത്തില്‍ സമനില. കൊല്‍ക്കത്ത ഫുട്ബാള്‍ ലീഗ് ടീം സതേണ്‍ സമിതിയുമായുള്ള കളിയില്‍ 1-1നാണ് സ്റ്റീവ് കോപ്പലിന്‍െറ സംഘം തുല്യതയില്‍ പിരിഞ്ഞത്. മോഹന്‍ ബഗാന്‍ ഗ്രൗണ്ടില്‍ നടന്ന മത്സരത്തില്‍ 15ാം മിനിറ്റില്‍ ബ്ളാസ്റ്റേഴ്സ് പിന്നിലായിരുന്നു. എന്നാല്‍, അഞ്ചു മിനിറ്റിനുശേഷം ഹെയ്തി താരം കെര്‍വന്‍സ് ബെല്‍ഫോര്‍ട്ടിന്‍െറ പാസില്‍ ഫാറൂഖ് ചൗധരി ബ്ളാസ്റ്റേഴ്സിനെ ഒപ്പമത്തെിച്ചു. ഒക്ടോബര്‍ ഒന്നിന് ഗുവാഹതിയില്‍ നോര്‍ത് ഈസ്റ്റ് യുനൈറ്റഡിനെതിരെയാണ് ഐ.എസ്.എല്ലില്‍ ബ്ളാസ്റ്റേഴ്സിന്‍െറ ആദ്യ മത്സരം.