യൂത്ത് ഫുട്ബാള്‍: തിരുവനന്തപുരത്തിന് കിരീടം

കൊച്ചി:18ാമത് സംസ്ഥാന യൂത്ത് ഫുട്ബാള്‍ ചാമ്പ്യന്‍ഷിപ്പില്‍ മലപ്പുറത്തെ 2-0ത്തിന് തോല്‍പിച്ച് തിരുവനന്തപുരം കിരീടം നേടി. എറണാകുളം അംബേദ്കര്‍ സ്റ്റേഡിയത്തില്‍ നടന്ന ഫൈനലില്‍ കിരണ്‍ദാസ്, റോബിന്‍ റിച്ചാര്‍ഡ് എന്നിവരുടെ ഗോളുകളിലൂടെയാണ് തിരുവനന്തപുരം ജേതാക്കളായത്.  
ലൂസേഴ്സ് ഫൈനലില്‍ 6-1 എന്ന സ്കോറിന് കോട്ടയത്തെ തോല്‍പിച്ച് ഇടുക്കി മൂന്നാം സ്ഥാനക്കാരായി. ഇടുക്കി നിരയില്‍ അഭിരാം, ജിതിന്‍ എന്നിവര്‍ ഹാട്രിക് നേടി. പ്രെയിസ് പി. വര്‍ഗീസാണ് കോട്ടയത്തിന്‍െറ ആശ്വാസഗോള്‍ നേടിയത്. ഹൈബി ഈഡന്‍ എം.എല്‍.എ ട്രോഫികള്‍ സമ്മാനിച്ചു.