കൊസോവയും ജിബ്രാള്‍ട്ടറും ഫിഫയില്‍

മെക്സികോ സിറ്റി: രാജ്യാന്തര ഫുട്ബാള്‍ ഫെഡറേഷനിലെ (ഫിഫ) 210ഉം 211ഉം അംഗങ്ങളായി കൊസോവക്കും ജിബ്രാള്‍ട്ടറിനും അംഗീകാരം. മെക്സികോ സിറ്റിയില്‍ ചേര്‍ന്ന വാര്‍ഷിക കോണ്‍ഗ്രസ് യോഗത്തിലാണ് ഇരു രാജ്യങ്ങള്‍ക്കും അംഗത്വം നല്‍കാന്‍ തീരുമാനമായത്. അയല്‍രാജ്യങ്ങളുടെ എതിര്‍പ്പിനെ മറികടന്ന് കൊസോവ 86 ശതമാനവും ജിബ്രാള്‍ട്ടര്‍ 93 ശതമാനവും വോട്ട് സ്വന്തമാക്കി ലോക ഫുട്ബാളിലെ പുതിയ അംഗങ്ങളായി. 2008ല്‍ സ്വാതന്ത്ര്യം പ്രഖ്യാപിച്ച കൊസോവ പഴയ മാതൃരാജ്യമായ സെര്‍ബിയയുടെ രൂക്ഷമായ എതിര്‍പ്പ് മറികടന്നാണ് ഫിഫയിലെ സമ്പൂര്‍ണ അംഗരാഷ്ട്രമായി മാറിയത്. 300 വര്‍ഷക്കാലം ബ്രിട്ടീഷ് കോളനിയായിരുന്ന ജിബ്രാള്‍ട്ടര്‍ അയല്‍ക്കാരായ സ്പെയിനിന്‍െറ അവകാശവാദം മറികടന്നാണ് ഫിഫയില്‍ അംഗമായത്. ഒരാഴ്ച മുമ്പ് ശക്തമായ എതിര്‍പ്പ് മറികടന്നുകൊണ്ടായിരുന്നു കെസോവ യുവേഫ അംഗത്വം നേടിയത്. 28-24 വോട്ടിനായിരുന്നു ജയം.