മോശം പരാമര്‍ശം: ബഗാന്‍ കോച്ചിന് വിലക്കും പിഴയും

ന്യൂഡല്‍ഹി: അഖിലേന്ത്യാ ഫുട്ബാള്‍ ഫെഡറേഷനെതിരെ (എ.ഐ.എഫ്.എഫ്) മോശം പരാമര്‍ശം നടത്തിയതിന് മോഹന്‍ ബഗാന്‍ പരിശീലകന് വിലക്കും പിഴയും. സഞ്ജയ് സെന്നിനാണ് എട്ടു കളികളില്‍ വിലക്കും പത്ത് ലക്ഷം രൂപ പിഴയും ശിക്ഷ വിധിച്ചത്. എ.എഫ്.സി കപ്പിന്‍െറ തിരക്കിനിടെ ഐ ലീഗ് തങ്ങളുടെ മത്സരം മാറ്റിവെക്കണമെന്ന് സഞ്ജയ് ആവശ്യപ്പെട്ടിരുന്നു. എന്നാല്‍, എ.ഐ.എഫ്.എഫ് ഇക്കാര്യം നിരസിച്ചതിന്‍െറ നിരാശയില്‍ പ്രതികരിച്ചതിനാണ് ശിക്ഷ. ഐ ലീഗിനിടെ റഫറിയെ തെറിവിളിച്ച ഷില്ളോങ് ലജോങ് ഗോള്‍കീപ്പിങ് കോച്ച് ഗംപെ റിമ്മിന് നാലു മത്സരങ്ങളില്‍ വിലക്കും 30000 രൂപ പിഴയും വിധിച്ചു.