ഇന്ന് ചിലി x മെക്സികോ

കോപ അമേരിക്കയിലെ അവസാന ക്വാര്‍ട്ടര്‍ ഫൈനലില്‍ ചിലിയും മെക്സികോയും നേര്‍ക്കുനേര്‍. നിലവിലെ ചാമ്പ്യന്മാര്‍ക്കെതിരെ ഇന്ത്യന്‍ സമയം രാവിലെ 7.30നാണ് മെക്സികോ കളത്തിലിറങ്ങുന്നത്. ഗ്രൂപ് ഡിയില്‍ രണ്ടു ജയവുമായി രണ്ടാം സ്ഥാനക്കാരായിരുന്നു ചിലിയെങ്കില്‍, ‘സി’യിലെ ചാമ്പ്യന്മാരാണ് മെക്സികോ. ഉറുഗ്വായ്യെ 3-1നും ജമൈക്കയെ 2-0ത്തിനും കീഴടക്കിയ മെക്സികന്‍ തിരമാല അവസാന അങ്കത്തില്‍ വെനിസ്വേലക്കു മുന്നില്‍മാത്രം പതറി. മത്സരം 1-1ന് സമനിലയില്‍ പിരിയുകയായിരുന്നു.