സുബ്രതോ ഫുട്ബാള്‍ സെലക്ഷന്‍: കോഴിക്കോടും തിരുവനന്തപുരവും ജേതാക്കള്‍

ശ്രീകൃഷ്ണപുരം: സുബ്രതോ മുഖര്‍ജി കപ്പ് ഫുട്ബാള്‍ സംസ്ഥാന സെലക്ഷന്‍ ടൂര്‍ണമെന്‍റില്‍ 17 വയസ്സിന് താഴെയുള്ള ആണ്‍കുട്ടികളുടെ വിഭാഗത്തില്‍ കോഴിക്കോടും പെണ്‍കുട്ടികളുടെ വിഭാഗത്തില്‍ തിരുവനന്തപുരവും ജേതാക്കളായി. ഫൈനലില്‍ ആണ്‍കുട്ടികളുടെ വിഭാഗത്തില്‍ കോഴിക്കോട് ഒന്നിനെതിരെ മൂന്ന് ഗോളിന് കാസര്‍കോടിനെ പരാജയപ്പെടുത്തി. പെണ്‍കുട്ടികളുടെ വിഭാഗത്തില്‍ തിരുവനന്തപുരം എതിരില്ലാത്ത രണ്ട് ഗോളിന് കോഴിക്കോടിനെ പരാജയപ്പെടുത്തി. തിങ്കളാഴ്ച 14 വയസ്സിന് താഴെയുള്ള ആണ്‍കുട്ടികളുടെ സെമിഫൈനലും ഫൈനലും നടക്കും. 17 വയസ്സിന് താഴെയുള്ള വിഭാഗത്തില്‍ ജേതാക്കളായ കോഴിക്കോടിനും റണ്ണേഴ്സ് അപ്പായ കാസര്‍കോടിനും പി.കെ. ശശി എം.എല്‍.എ ട്രോഫികള്‍ സമ്മാനിച്ചു.