ഐ ലീഗിൽ ബംഗളൂരു എഫ്.സി രണ്ടാമതെത്തി

ബംഗളൂരു: മലയാളി സ്ട്രൈക്കര്‍ സി.കെ. വിനീത് രണ്ടാം പകുതിയില്‍ നേടിയ ഗോളിന്‍െറ മികവില്‍ ഐ ലീഗില്‍ ഐസോള്‍ എഫ്.സിയെ ബംഗളൂരു എഫ്.സി 1-0ത്തിന് തോല്‍പിച്ചു. ഈ ജയത്തോടെ പോയന്‍റ് പട്ടികളില്‍ രണ്ടാം സ്ഥാനത്തേക്ക് കയറാനും ബംഗളൂരുവിനായി. ഒമ്പത് മത്സരങ്ങളില്‍ ആറു ജയം നേടിയ ടീമിന് 18 പോയന്‍റാണുള്ളത്. ഐ ലീഗില്‍ ആദ്യ സീസണ്‍ കളിക്കുന്ന ഐസോളാകട്ടെ അഞ്ചാം തോല്‍വിയുമായി ഏഴാം സ്ഥാനത്താണ്. 48ാം മിനിറ്റില്‍ കീഗന്‍ പെരേരയുടെ മനോഹരമായൊരു ഫ്രീകിക്ക് ഹെഡറിലൂടെ വിനീത് വലയിലേക്ക് തിരിച്ചുവിടുകയായിരുന്നു.