സംസ്ഥാന ക്ളബ് ഫുട്ബാള്‍: സെന്‍ട്രല്‍ എക്സൈസിനും കേരള പൊലീസിനും ജയം

പെരിന്തല്‍മണ്ണ: സംസ്ഥാന ക്ളബ് ഫുട്ബാള്‍ ചാമ്പ്യന്‍ഷിപ്പില്‍ സെന്‍ട്രല്‍ എക്സൈസ് കൊച്ചി 1-0ത്തിന് എഫ്.സി അരീക്കോടിനെ പരാജയപ്പെടുത്തി. രണ്ടാം മത്സരത്തില്‍ കേരളാ പൊലീസ് 6-1ന് യൂനിറ്റി സോക്കര്‍ തൊടുപുഴയെ തോല്‍പ്പിച്ചു. ശനിയാഴ്ചത്തെ ആദ്യ മത്സരത്തില്‍ ബസേലിയസ് കോളജ് കോട്ടയവും ബസ്കോ ഒതുക്കുങ്ങലും തമ്മില്‍ ഏറ്റുമുട്ടും. സെന്‍ട്രല്‍ എക്സൈസ് കൊച്ചിയും കേരളാ പൊലീസും തമ്മിലാണ് രണ്ടാമത്തെ മത്സരം.