2022 ഖത്തര്‍ ലോകകപ്പ്: ഫിഫ തീയതി പ്രഖ്യാപിച്ചു

സൂറിക്: വിവാദങ്ങളിലൂടെ ഏറെ ചര്‍ച്ചാവിഷയമായ 2022 ഖത്തര്‍ ലോകകപ്പിന്‍െറ തീയതികള്‍ ഫിഫ പ്രഖ്യാപിച്ചു. 2022 നവംബര്‍ 21ന് തുടങ്ങുന്ന ലോകകപ്പ് ഡിസംബര്‍ 18ന് അവസാനിക്കും. വെള്ളിയാഴ്ച സൂറിക്കില്‍ ചേര്‍ന്ന എക്സിക്യൂട്ടിവ് കമ്മിറ്റി മീറ്റിങ്ങിനു ശേഷമാണ് ഇക്കാര്യം പ്രഖ്യാപിച്ചത്. ഫൈനല്‍ ഡിസംബര്‍ 18ന് നടക്കുമെന്ന് കഴിഞ്ഞ മാര്‍ച്ചില്‍ തന്നെ ഫിഫ അറിയിച്ചിരുന്നു. സാധാരണ ലോകകപ്പുകളില്‍നിന്ന് നാലു ദിവസങ്ങള്‍ കുറവുള്ള ഖത്തര്‍ ലോകകപ്പ് 28 ദിവസം നീളും.
കൂടാതെ, ഗള്‍ഫ് മേഖലയിലെ ചൂടു കാലാവസ്ഥ കണക്കിലെടുത്താണ് ജൂണ്‍-ജൂലൈ മാസങ്ങളില്‍ നടക്കുക എന്ന സ്ഥിരം ഷെഡ്യൂളിന് മാറ്റംവരുത്തിയത്. 2010ലാണ് ഖത്തറിനെ ലോകകപ്പ് വേദിയായി തെരഞ്ഞെടുത്തത്.