ജര്മനിയില് ജയിച്ച് ഇന്ത്യ അണ്ടര് 17 ഫുട്ബാള് ടീം
text_fields
ഫ്രാങ്ക്ഫൂര്ട്: അണ്ടര് 17 ഇന്ത്യന് ടീമിന് ജര്മന് ക്ളബിനെതിരെ ജയം. എഫ്.എസ്.വി ഫ്രാങ്ക്ഫൂര്ട് യൂത്ത് ടീമിനെ മറുപടിയില്ലാത്ത രണ്ടു ഗോളിനാണ് ഇന്ത്യന് ബോയ്സ് തോല്പിച്ചത്. രണ്ടുവര്ഷം കഴിഞ്ഞ് നടക്കുന്ന അണ്ടര് 17 ലോകകപ്പിന്െറ തയാറെടുപ്പിന്െറ ഭാഗമായാണ് നികോളായ് ആഡമിനു കീഴില് ഇന്ത്യന് ടീം ജര്മനിയിലേക്ക് പറന്നത്. സമ്മര്ദം കൂടാതെ കളിച്ച കൗമാരതാരങ്ങള് കളിയുടെ രണ്ടു പകുതികളിലായാണ് സ്കോര് ചെയ്തത്. 31ാം മിനിറ്റില് അമര്ജീത് പെനാല്റ്റി കിക്കിലൂടെയും, പകരക്കാരനായിറങ്ങിയ അങ്കിത് ഇഞ്ചുറി ടൈമില് നേടിയ ഗോളിലൂടെയുമാണ് ഇന്ത്യന് ടീമിന്െറ ജയം. 40 മിനിറ്റുള്ള രണ്ടു പകുതികളായാണ് സൗഹൃദ മത്സരം നടന്നത്. ജര്മനിയില് ഇന്ത്യയുടെ ആറാം മത്സരമായിരുന്നു ഇത്.
ജര്മന് പര്യടനം പൂര്ത്തിയാക്കിയ ടീം അണ്ടര് 16 എ.എഫ്.സി കപ്പ് യോഗ്യതാ മത്സരത്തില് പങ്കെടുക്കാനായി ഇറാനിലേക്ക് പറക്കും. സെപ്റ്റംബര് 12, 20 തീയതികളില് ലബനാനും ബഹ്റൈനുമെതിരെയാണ് ഇന്ത്യയുടെ മത്സരങ്ങള്. മൂന്നു മലയാളി താരങ്ങളടങ്ങിയതാണ് ടീം ഇന്ത്യ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.