യൂത്ത് ക്രിക്കറ്റ്: ഇന്ത്യ അണ്ടർ 19 ടീമിന് ജയം
text_fieldsകൊളംബോ: ശ്രീലങ്കയിൽ നടക്കുന്ന യൂത്ത് ഏകദിന ക്രിക്കറ്റ് പരമ്പരയിലെ നിർണായക മത്സരത്തിൽ അങ്കം ജയിച്ച് ഇന്ത്യ അണ്ടർ 19 ടീം. നാലാം മത്സരത്തിൽ ആതിഥേയരായ ശ്രീലങ്ക അണ്ടർ 19 ടീമിനെ 135 റൺസിന് തോൽപിച്ചു. ഇതോടെ അഞ്ചു മത്സരങ്ങളടങ്ങിയ പരമ്പരയിൽ 2-2ന് ഇന്ത്യ ഒപ്പംപിടിച്ചു. ജേതാക്കളെ നിർണയിക്കുന്ന അവസാന മത്സരം വ്യാഴാഴ്ച നടക്കും.
ആദ്യം ബാറ്റുചെയ്ത ഇന്ത്യ അണ്ടർ 19 ടീം േദവദൂത് പടിക്കൽ (71), ക്യാപ്റ്റൻ ആര്യൻ ജുയാൽ (60) എന്നിവരുടെ ബാറ്റിങ് മികവിൽ 278 റൺസെടുത്തിരുന്നു. മറുപടി ബാറ്റിങ്ങിനിറങ്ങിയ ആതിഥേയർ 143 റൺസിന് തകർന്നടിഞ്ഞതോടെയാണ് ഇന്ത്യ വീണ്ടും പരമ്പര പ്രതീക്ഷ സജീവമാക്കിയത്. ഇന്ത്യക്കായി ആയുഷ് ബദോണി, ഹാർഷ് ത്യാഗി എന്നിവർ മൂന്നു വീതം വിക്കറ്റ് വീഴ്ത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.