ധോ​ണി​യു​ടെ നാ​ട്ടി​ൽ മി​ക​വു തെ​ളി​യി​ച്ച്​ സാ​ഹ നി​ല​യു​റ​പ്പി​ക്കു​ന്നു

ടീം ​ഇ​ന്ത്യ​യാ​കെ പ​ട​ർ​ന്നു പ​ന്ത​ലി​ച്ച മ​ഹേ​ന്ദ്ര​സി​ങ്​  ധോ​ണി​യെ​ന്ന അ​തി​കാ​യ​നു​ള്ള​പ്പോ​ൾ വൃ​ദ്ധി​മാ​ൻ  സാ​ഹ​യെ​ന്ന വി​ക്ക​റ്റ്​ കീ​പ്പ​റു​ടെ ഭാ​വി സ്വാ​ഹ​യെ​ന്ന്​  വി​ധി​യെ​ഴു​തി​യ​വ​രു​ണ്ടാ​യി​രു​ന്നു. കീ​പ്പി​ങ്ങി​ലെ  മി​ന്ന​ൽ വേ​ഗ​വും ബാ​റ്റി​ങ്ങി​ലെ ഫി​നി​ഷി​ങ്​ മി​ക​വും നാ​യ​ക​െൻറ കൗ​ശ​ല​ങ്ങ​ളു​മാ​യി പ​തി​റ്റാ​ണ്ട്​ കാ​ലം എം.​എ​സ്. ധോ​ണി ഇ​ന്ത്യ​ൻ ടീ​മി​‍െൻറ നെ​ടു​നാ​യ​ക​നാ​​യ​തോ​ടെ സാ​ഹ​യു​ടെ ദേ​ശീ​യ മോ​ഹം വെ​റും സ്വ​പ്​​നം മാ​ത്ര​മാ​യൊ​തു​ങ്ങി​യ​താ​ണ്. പ​ക്ഷേ, ടെ​സ്​​റ്റി​ൽ​നി​ന്ന്​ ധോ​ണി വി​ര​മി​ക്ക​ൽ പ്ര​ഖ്യാ​പി​ച്ച​തോ​ടെ ബം​ഗാ​ളു​കാ​ര​െൻറ മോ​ഹ​ങ്ങ​ൾ​ വീ​ണ്ടും പ​ച്ച​യ​ണി​ഞ്ഞു. ആ ​പ​ച്ച​പ്പ്​ പൂ​ത്തു​ല​യു​ക​യാ​യി​രു​ന്നു റാ​ഞ്ചി​യി​ലെ എം.​എ​സ്. ധോ​ണി​യു​ടെ മ​ണ്ണി​ൽ.
ഇ​ന്ത്യ^​ആ​സ്​​ട്രേ​ലി​യ താ​ര​ങ്ങ​ളു​ടെ വാ​ക്​​പോ​രി​നും ​ചേ​തേ​ശ്വ​ർ പു​ജാ​ര​യു​ടെ ചേ​തോ​ഹ​ര ഇ​ന്നി​ങ്​​സി​നു​മി​ട​യി​ൽ അ​വ​ഗ​ണി​ക്കാ​നാ​വാ​ത്ത ശോ​ഭ​യു​ണ്ടാ​യി​രു​ന്നു വൃ​ദ്ധി​മാ​ൻ സാ​ഹ​യു​ടെ ബാ​റ്റി​ങ്ങി​ന്​.

ടെ​സ്​​റ്റ്​ ടീ​മി​ൽ അ​ര​ങ്ങേ​റ്റം കു​റി​ച്ച്​ ഏ​ഴു വ​ർ​ഷം ക​ഴി​ഞ്ഞെ​ങ്കി​ലും ടീം ​ഇ​ന്ത്യ​യു​ടെ​ വി​ക്ക​റ്റി​ന്​  മു​ന്നി​ലെ​യും പി​ന്നി​ലെ​യും ച​ങ്കു​റ​പ്പു​ള്ള ക​ര​മാ​യി  സാ​ഹ വേ​രു​റ​പ്പി​ക്കു​ന്ന​ത്​ ഇ​പ്പോ​ഴാ​ണ്. ധോ​ണി  നി​റ​ഞ്ഞാ​ടു​േ​മ്പാ​ൾ ആ​ഭ്യ​ന്ത​ര ക്രി​ക്ക​റ്റി​ൽ റ​ൺ​വേ​ട്ട​യും കീ​പ്പി​ങ്​ മി​ടു​ക്കു​മാ​യി സാ​ഹ​യു​ണ്ടാ​യി​രു​ന്നു. ദേ​ശീ​യ ടീ​മി​ൽ അ​വ​സ​രം ല​ഭി​ച്ച​പ്പോ​ഴൊ​ക്കെ മി​ക​വു​തെ​ളി​യി​ച്ചെ​ങ്കി​ലും ക​ന​പ്പെ​ട്ട ഇ​ന്നി​ങ്​​സി​നാ​യി ആ ​ബാ​റ്റ്​ കാ​ത്തി​രു​ന്നു. 24 ടെ​സ്​​റ്റ്​ ക​ളി​ച്ച താ​ര​ത്തി​െൻറ ക​രി​യ​റി​ലെ മൂ​ന്നാം ശ​ത​ക​മാ​യി​രു​ന്നു റാ​ഞ്ചി​യി​ൽ പി​റ​ന്ന​ത്. അ​താ​വ​െ​ട്ട, പു​ജാ​ര​യു​ടെ ഇ​ര​ട്ട സെ​ഞ്ച്വ​റി​യു​ടെ അ​തേ തൂ​ക്ക​മു​ള്ള ഇ​ന്നി​ങ്​​സ്. 233 പ​ന്തി​ൽ സാ​ഹ നേ​ടി​യ 117 റ​ൺ​സ്​ ഇ​ന്ത്യ​ക്ക്​ ലീ​ഡ്​ നേ​ടു​ന്ന​തി​ലും നി​ർ​ണാ​യ​ക​മാ​യി.

2014 ഡി​സം​ബ​റി​ലെ ആ​സ്​​ട്രേ​ലി​യ പ​ര്യ​ട​ന​ത്തി​‍െൻറ പാ​തി​വ​ഴി​യി​ൽ ധോ​ണി ടെ​സ്​​റ്റ്​ ക്രി​ക്ക​റ്റി​ൽ​നി​ന്ന്​ വി​ര​മി​ക്ക​ൽ പ്ര​ഖ്യാ​പി​ച്ച​പ്പോ​ൾ സാ​ഹ​യ​ല്ലാ​തെ മ​റ്റൊ​രു പ​ക​ര​ക്കാ​ര​നി​ല്ലാ​യി​രു​ന്നു. ആ​ഭ്യ​ന്ത​ര ക്രി​ക്ക​റ്റി​ലെ മി​ക​വ്​ അ​തി​നു​ള്ള ന്യാ​യീ​ക​ര​ണ​വു​മാ​യി. പ​ക്ഷേ, വാ​ല​റ്റ​ത്ത്​ പാ​ഡ​ണി​ഞ്ഞെ​ത്തു​േ​മ്പാ​ൾ കാ​ര്യ​മാ​യൊ​ന്നും സം​ഭാ​വ​ന ചെ​യ്യാ​ൻ ക​ഴി​ഞ്ഞി​ല്ല. ഇ​തി​നു പു​റ​മെ​യാ​യി​രു​ന്നു പാ​ർ​ഥി​വ്​ പ​േ​ട്ട​ലും ദി​നേ​ശ്​​ കാ​ർ​ത്തി​കും ഉ​യ​ർ​ത്തി​യ വെ​ല്ലു​വി​ളി​ക​ൾ. ധോ​ണി​യി​റ​ങ്ങി​യ ഒ​ഴി​വി​ൽ ഇ​വ​ർ മൂ​വ​രും  മാ​റി​മാ​റി​യെ​ത്തി. പ​ക്ഷേ, 2016 ആ​ഗ​സ്​​റ്റി​ൽ  വി​ൻ​ഡീ​സ്​ പ​ര്യ​ട​ന​ത്തി​ൽ ഇ​ന്ത്യ​ൻ ജ​യ​ത്തി​ലെ ന​െ​ട്ട​ല്ലാ​യി മാ​റി​യ സെ​ഞ്ച്വ​റി​യോ​ടെ (104) സാ​ഹ  തൂ​വെ​ള്ള​ക്കു​പ്പാ​യ​ത്തി​ൽ ഇ​ട​മു​റ​പ്പി​ക്കു​ക​യാ​യി​രു​ന്നു.  

പി​ന്നാ​ലെ ന്യൂ​സി​ല​ൻ​ഡി​നെ​തി​രെ ഇൗ​ഡ​ൻ​ഗാ​ർ​ഡ​ൻ​സി​ൽ ര​ണ്ട്​ ഇ​ന്നി​ങ്​​സി​ലും  പു​റ​ത്താ​വാ​തെ നേ​ടി​യ അ​ർ​ധ​സെ​ഞ്ച്വ​റി​ക​ൾ (54, 58) സം​ശ​യം അ​വ​ശേ​ഷി​ച്ച​വ​ർ​ക്കു​ള്ള മ​റു​പ​ടി​യാ​യി. ഇ​ത്​ മ​തി​യാ​യി​രു​ന്നു ഇം​ഗ്ല​ണ്ടി​നെ​തി​രാ​യ ടെ​സ്​​റ്റ്​ ടീ​മി​ൽ ഒ​ന്നാം ന​മ്പ​ർ വി​ക്ക​റ്റ്​ കീ​പ്പ​റാ​വാ​ൻ. എ​ന്നാ​ൽ, ആ​ദ്യ ര​ണ്ടു ടെ​സ്​​റ്റി​ലും നി​രാ​​ശ​പ്പെ​ടു​ത്തി​യ​പ്പോ​ൾ പാ​ർ​ഥി​വ്​ പ​േ​ട്ട​ൽ സാ​ഹ​യു​ടെ സ്​​ഥാ​നം റാ​ഞ്ചി. ക​ഴി​ഞ്ഞ  ഫെ​ബ്രു​വ​രി​യി​ൽ ബം​ഗ്ലാ​ദേ​ശി​നെ​തി​രാ​യ ഏ​ക ടെ​സ്​​റ്റി​ൽ ര​ണ്ടാം സെ​ഞ്ച്വ​റി (106 നോ​ട്ടൗ​ട്ട്)  കു​റി​ച്ചാ​യി​രു​ന്നു ത​െൻറ ഇ​ടം വീ​ണ്ടു​മു​റ​പ്പി​ച്ച​ത്. ബാ​റ്റു​കൊ​ണ്ട്​ മാ​ത്ര​മ​ല്ല, വി​ക്ക​റ്റി​നു പി​ന്നി​ലെ അ​സാ​മാ​ന്യ മി​ക​വു​മാ​യും സാ​ഹ സെ​ല​ക്​​ട​ർ​മാ​രു​ടെ ക​ണ്ണു​തു​റ​പ്പി​ച്ചു.

ഒാ​സീ​സി​നെ​തി​രാ​യ ടീ​മി​ൽ ഇ​ട​മു​റ​പ്പി​ക്കാ​ൻ ഇ​ത്​  ധാ​രാ​ള​മാ​യി​രു​ന്നു. ടീം ​മാ​നേ​ജ്​​മെൻറി​െൻറ​യും ക്യാ​പ്​​റ്റ​ൻ വി​രാ​ട്​ കോ​ഹ്​​ലി​യു​ടെ​യും  പി​ന്തു​ണ​യെ​ത്തി​യ​തോ​ടെ സാ​ഹ​യു​ടെ  തി​രി​ച്ചു​വ​ര​വി​ന്​ കാ​ത്തി​രി​ക്കേ​ണ്ടി​വ​ന്നി​ല്ല. ആ​ദ്യ ര​ണ്ട്​ ടെ​സ്​​റ്റി​ലും ബാ​റ്റി​ങ്ങി​ൽ തി​ള​ങ്ങാ​നാ​യി​ല്ലെ​ങ്കി​ലും വി​ക്ക​റ്റി​നു പി​ന്നി​ൽ സാ​ഹ​യു​ടെ അ​തി​മാ​നു​ഷി​ക​ത ക​ണ്ട​വ​ർ ധോ​ണി​യെ​ക്കാ​ൾ കേ​മ​നെ​ന്ന്​ പ​ല​ത​വ​ണ പ​റ​ഞ്ഞു. പു​ണെ​യി​ൽ സ്​​റ്റീ​വ​ൻ ഒ​കീ​ഫെ​യെ പു​റ​ത്താ​ക്കി​യ ഫ്ല​യി​ങ്​ ക്യാ​ച്ച്​ സ​മീ​പ​കാ​ല ക്രി​ക്ക​റ്റി​ലെ ത​ന്നെ വി​സ്​​മ​യ​മാ​യി​രു​ന്നു. ബാ​റ്റി​ൽ​നി​ന്ന്​ റ​ൺ​സ്​ പി​റ​ന്നി​ല്ലെ​ങ്കി​ലും അ​തു​മാ​ത്രം മ​തി​യാ​യി​രു​ന്നു സ​ഹ​താ​ര​ങ്ങ​ളു​ടെ​യും ആ​രാ​ധ​ക​രു​ടെ​യും മ​ന​സ്സു​നി​റ​ക്കാ​ൻ. പ​ക്ഷേ, അ​തു​കൊ​ണ്ടൊ​ന്നും അ​ദ്ദേ​ഹം അ​ട​ങ്ങി​യി​ല്ല. നി​ർ​ണാ​യ​ക ഘ​ട്ട​ത്തി​ൽ ടീം  ​പ്ര​ക​ട​ന​മാ​വ​ശ്യ​പ്പെ​ട്ട​പ്പോ​ൾ ​പു​ജാ​ര​ക്കൊ​പ്പം ഏ​ഴാം വി​ക്ക​റ്റി​ലെ റെ​ക്കോ​ഡ്​ കൂ​ട്ടു​കെ​ട്ട്​ (199)  പ​ടു​ത്തു​യ​ർ​ത്തി കൈ​യ​ടി നേ​ടി. ഇ​ക്ക​ഴി​ഞ്ഞ ഇ​റാ​നി ട്രോ​ഫി​യി​ൽ ഇ​തേ  പു​ജാ​ര​ക്കൊ​പ്പം കൂ​​ട്ടു​ണ്ടാ​ക്കി നേ​ടി​യ ക​ന്നി ഇ​ര​ട്ട  സെ​ഞ്ച്വ​റി​യു​ടെ (203) ആ​വ​ർ​ത്ത​ന​മാ​യി​രു​ന്നു  റാ​ഞ്ചി​യി​ൽ. വി​ക്ക​റ്റ്​ കീ​പ്പി​ങ്ങി​ലെ വ​ട​വൃ​ക്ഷ​ത്തി​ന്​ മ​ണ്ണും വ​ള​വു​മാ​യ അ​തേ മ​ണ്ണി​ൽ നി​ന്നു​ത​ന്നെ വൃ​ദ്ധി​മാ​ൻ സാ​ഹ​യും യാ​ത്ര​തു​ട​ങ്ങു​ന്നു​വെ​ന്ന പ്ര​ത്യേ​ക​ത​കൂ​ടി​യു​ണ്ട്.