ഒാപണിങിൽ 320 റ​ണ്‍സ്; ഇന്ത്യൻ വനിതകൾ റെക്കോർഡിട്ടു

കേപ് ടൗൺ: വ​നി​താ ക്രി​ക്ക​റ്റി​ല്‍ ഇ​ന്ത്യ​ക്കു ലോ​ക റെ​ക്കോ​ര്‍ഡുകൾ പെയ്തിറങ്ങിയ ദിവസമായിരുന്നു ഇന്നലെ. ദ​ക്ഷി​ണാ​ഫ്രി​ക്ക​യി​ലെ പോചെ ഫ്സ്ഫ്രുമിൽ ന​ട​ക്കു​ന്ന ച​തു​ര്‍രാ​ഷ്‌ട്ര ടൂ​ര്‍ണ​മെ​ന്‍റി​ൽ അയർലൻഡിനെതിരെ ഇന്ത്യൻ ഓപണർമാരായ ദീ​പ്തി ശ​ര്‍മ​യും പൂ​നം റൗ​ത്തും അടിച്ചെടുത്തത് 320 റ​ണ്‍സി​ന്‍റെ ലോ​ക റെക്കാ​ര്‍ഡ്. മത്സരത്തിൽ ഇന്ത്യ 249 റൺസിന്‍റെ വൻ ജയം സ്വന്തമാക്കുകയും ചെയ്തു. 

ടോ​സ് നേ​ടി ആ​ദ്യം ബാ​റ്റ് ചെ​യ്ത ഇ​ന്ത്യ 50 ഓ​വ​റി​ല്‍ മൂ​ന്നു വി​ക്ക​റ്റി​ന് 358 റ​ണ്‍സെടുത്തു. ഇന്ത്യയുടെ ഏറ്റവും വലിയ ടീം ടോട്ടലാണിത്. 2004ൽ വെസ്റ്റിൻഡീസിനെതിരെയെടുത്ത 298 റൺസ് ഇതോടെ രണ്ടാമതായി. മറുപടി ബാറ്റിങ്ങിൽ അയർലൻഡ് 40 ഓവറിൽ 109 റൺസിന് എല്ലാവരും പുറത്തായി. 

160 പ​ന്ത് നേ​രി​ട്ട് 188 റ​ണ്‍സെടുത്ത ​ദീ​പ്തി 27 ഫോ​റും ര​ണ്ടു സി​ക്‌​സും പ​റ​ത്തി. വനിതാ ക്രിക്കറ്റിലെ മികച്ച രണ്ടാമത്തെ വ്യക്തിഗത സ്കോറാണിത്. 116 പ​ന്തി​ല്‍ 109 റ​ണ്‍സ് നേ​ടി​യ പൂ​നം ഔ​ട്ടാ​യി. ദീ​പ്തി-​പൂ​നം കൂ​ട്ടു​കെ​ട്ട് 45.3 ഓ​വ​റി​ലാ​ണ് പി​രി​ഞ്ഞ​ത്. 11 ഫോ​റാ​ണ് പൂ​നം പാ​യി​ച്ച​ത്. അ​വ​സാ​ന ഓ​വ​റു​ക​ളി​ല്‍ ശി​ഖ പാ​ണ്ഡെ (27)യും സ്കോറുയർത്തി.

വനിതാ ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോർ ബെലിൻഡ ക്ലാർക്കിന്റെ (229 നോട്ടൗട്ട്) പേരിലാണ്. ഡെൻമാർക്കിനെതിരെയായിരുന്നു ആസ്ട്രേലിയൻ താരത്തിൻെറ നേട്ടം. പരമ്പരയിൽ നേരത്തേ ഇന്ത്യൻ താരം ജുലാൻ ഗോസ്വാമി ഏകദിന വിക്കറ്റ് വേട്ടക്കാരിൽ ഒന്നാമതെത്തിയിരുന്നു.