ക്രീസിന്​ പുറത്തിറങ്ങിയാൽ മങ്കാദിങ്​ ഉറപ്പെന്ന്​ അശ്വി​െൻറ മുന്നറിയിപ്പ്​

പന്തെറിയുന്നതിനു മ​ുന്നേ നോൻ സ്​ട്രൈക്കർ ക്രീസ്​ വിട്ടാൽ ഈ സീസണിലും മങ്കാദിങ്​ നടത്തിയേക്കുമെന്ന്​ ഇന്ത് യന്‍ സ്പിന്നര്‍ രവിചന്ദ്രന്‍ അശ്വിന്‍. ട്വിറ്ററിൽ ഒരു ആരാധകന്​ നൽകിയ മറുപടിയിലാണ്​ മങ്കാദിങ്​ സംബന്ധിച്ച്​ അശ്വിൻ നിലപാട്​ വ്യക്തമാക്കിയത്​. ഇത്തവണ ഐ.പി.എല്ലില്‍ താങ്കള്‍ മങ്കാദിങ്​ നടത്താന്‍ സാധ്യതയുള്ള ബാറ്റ്‌സ്മാന്മാര്‍ ആരൊക്കയെന്ന ആരാധക​​​​​െൻറ ചോദ്യത്തിന്​ ‘ക്രീസിന് പുറത്തെത്തുന്ന ആരും’ എന്നായിരുന്നു അശ്വി​​​​​െൻറ മറുപടി.

Anyone that goes out of the crease. ✅

— Ashwin Ravichandran (@ashwinravi99) December 30, 2019

ബൗളര്‍ പന്ത് കൈയില്‍ നിന്ന് വിടും മുമ്പെ ക്രീസ് വിടുന്ന നോണ്‍ സ്​ട്രൈക്കിങ്​ എൻറിലുള്ള ബാറ്റ്‌സ്മാനെ റണ്ണപ്പിനൊടുവില്‍ പന്തെറിയാതെ ബെയില്‍സ് തെറുപ്പിച്ച്​ റണ്ണൗട്ടാക്കുന്ന രീതിയാണ് മങ്കാദിങ്​. ഇന്ത്യന്‍ താരമായിരുന്ന വിനു മങ്കാദാണ് ഈ രീതി ആദ്യമായി പ്രയോഗിച്ചത്. ഇതോടെ ഈ രീതിയിൽ പുറത്താക്കുന്നതിനെ പരിഹാസ രൂപേണ മങ്കാദിങ്​ എന്ന് വിളിച്ചു തുടങ്ങുകയായിരുന്നു.

കഴിഞ്ഞ സീസണില്‍ കിങ്‌സ് ഇലവന്‍ പഞ്ചാബ് ക്യാപ്റ്റനായിരിക്കെ ജോസ് ബട്‌ലറെ അശ്വിൻ മങ്കാദിങ്ങിലൂടെ പുറത്താക്കിയത് വലിയ വിവാദത്തിന്​ വഴി വെച്ചിരുന്നു. ജയത്തിലേക്ക് നീങ്ങുകയായിരുന്ന രാജസ്ഥാന്‍ റോയല്‍സ് 14 റണ്‍സിന് പഞ്ചാബിനോട് തോല്‍ക്കുന്നതിന്​ ഇൗ മങ്കാദിങ്​ ഇടയാക്കി. അശ്വി​​​​​െൻറ പ്രവർത്തിയെ അനുകൂലിച്ചും പ്രതികൂലിച്ചും പലരും രംഗത്തെത്തിയിരുന്നു.

ക്രിക്കറ്റിലെ നിയമപ്രകാരം മങ്കാദിങ്​ അനുവദനീയമാണ്​. എന്നാൽ പൊതുവെ ഇത്തരത്തിൽ ബാറ്റ്​സ്​മാനെ പുറത്താക്കുന്നതിനെ ഒരു ചതിപ്രയോഗമായാണ് പലരും നോക്കി കാണുന്നത്.