Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightതിരുവനന്തപുരം ഏകദിനം:...

തിരുവനന്തപുരം ഏകദിനം: ഓണ്‍ലൈന്‍ ടിക്കറ്റ്‌ വില്‍പന തുടങ്ങി

text_fields
bookmark_border
തിരുവനന്തപുരം ഏകദിനം: ഓണ്‍ലൈന്‍ ടിക്കറ്റ്‌ വില്‍പന തുടങ്ങി
cancel

തിരുവനന്തപുരം: നവംബർ ഒന്നിന്​ തിരുവനന്തപുരത്ത് നടക്കുന്ന ഇന്ത്യ-വെസ്​റ്റിന്‍ഡീസ് ഏകദിന ക്രിക്കറ്റ് മത്സരത്തി​​െൻറ ഓണ്‍ലൈന്‍ ടിക്കറ്റ്‌ വില്‍പനക്ക്​ തുടക്കം. കാര്യവട്ടം സ്‌പോർട്​സ് ഹബ്ബില്‍ മന്ത്രി ഇ.പി. ജയരാജന്‍ ഉദ്​ഘാടനം ചെയ്​തു. 1000 രൂപ (അപ്പര്‍ ടിയര്‍), 2000 രൂപ (ലോവര്‍ ടിയര്‍ ചെയര്‍), 3000 രൂപ (സ്‌പെഷല്‍ ചെയര്‍) എന്നിങ്ങനെയാണ് നിരക്ക്​. പേ ടിഎം വഴിയും insider.in വഴിയും (www.paytm.com, www.insider.in) മാത്രമേ വാങ്ങാനാകൂ. സ്​റ്റേഡിയത്തിൽ പ്രവേശിക്കാന്‍ ഡിജിറ്റൽ ടിക്കറ്റോ പ്രിൻറൗ​േട്ടാ ഉപയോഗിക്കാം. ഓണ്‍ലൈന്‍ ലിങ്ക് കെ.സി.എ വെബ്​സൈറ്റിലും ലഭ്യമാണ്. പേ ടിഎം വഴി രണ്ട്​ ടിക്കറ്റ് വാങ്ങുന്നവര്‍ക്ക് 150 രൂപയുടെ സിനിമ ടിക്കറ്റ് ലഭിക്കും.

സ്​റ്റേഡിയത്തിന് അകത്ത് പ്രവേശിക്കാന്‍ ടിക്കറ്റിന് പുറമെ പ്രൈമറി ടിക്കറ്റ് ഹോള്‍ഡറുടെ തിരിച്ചറിയല്‍ രേഖ നിര്‍ബന്ധമാണ്. വിദ്യാർഥികള്‍ സ്‌കൂൾ/ കോളജ്​ തിരിച്ചറിയൽ കാര്‍ഡ് ഹാജരാക്കണം. വിദ്യാർഥികള്‍ക്ക് 1000 രൂപയുടെ ടിക്കറ്റില്‍ 50 ശതമാനം കിഴിവുണ്ട്​. 1000 രൂപയുടെ ടിക്കറ്റിന് പ്രത്യേകം സീറ്റ് നീക്കിവെക്കുന്നതല്ല. 2000ത്തി​​െൻറയും 3000ത്തി​​െൻറയും ടിക്കറ്റുകള്‍ക്കുള്ള സീറ്റ്​ പേ ടിഎം ആപ്പിലെ ലേഔട്ട് നോക്കി ബുക്ക് ചെയ്യാം. ഒരാള്‍ക്ക് ഒരു യൂസർ ​െഎ.ഡിയില്‍നിന്ന്​ പരമാവധി ആറ്​ ടിക്കറ്റ് ബുക്ക് ചെയ്യാം. ആദ്യമായാണ് വില്‍പനക്കുള്ള 100 ശതമാനം ടിക്കറ്റും ഓണ്‍ലൈന്‍ വഴി വിറ്റ്​ ഡിജിറ്റല്‍ എന്‍ട്രി നടപ്പാക്കുന്നത്.

ചടങ്ങില്‍ മേയര്‍ അഡ്വ. വി.കെ. പ്രശാന്ത്, കെ.സി.എ പ്രസിഡൻറ്​ സജന്‍ കെ.വര്‍ഗീസ്, സെക്രട്ടറി അഡ്വ. ശ്രീജിത്ത് വി.നായര്‍, ട്രഷറര്‍ കെ.എം. അബ്​ദുറഹ്​മാന്‍, ഓര്‍ഗനൈസിങ്ങ് കമ്മിറ്റി ചെയര്‍മാനും ബി.സി.സി.ഐ അംഗവുമായ ജയേഷ്‌ ജോര്‍ജ്, തിരുവനന്തപുരം ജില്ല ക്രിക്കറ്റ് അസോസിയേഷന്‍ സെക്രട്ടറി വിനോദ് എസ്.കുമാര്‍, പേ ടിഎം പ്രതിനിധി ഹരി ഗുണ്ട്‌ലപ്പള്ളി എന്നിവര്‍ പങ്കെടുത്തു.

Show Full Article
TAGS:Greenfield Stadium West Indies vs India West Indies tour of India Test matches Cricket sports news malayalam news 
News Summary - West Indies vs India- Sports news
Next Story