Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right62 പന്ത്​; 125 റൺസ്​;...

62 പന്ത്​; 125 റൺസ്​; ലൂയിസിനു മുന്നിൽ തോറ്റ്​ ഇന്ത്യ

text_fields
bookmark_border
62 പന്ത്​; 125 റൺസ്​; ലൂയിസിനു മുന്നിൽ തോറ്റ്​ ഇന്ത്യ
cancel

കിങ്​സ്​റ്റൺ: ട്വൻറി20 ക്രിക്കറ്റിൽ വിൻഡീസ്​ എന്നും കരുത്തരാണ്​​. എത്ര കൂറ്റൻ സ്​​േകാറും എത്തിപ്പിടിക്കാൻ മിടുക്കുള്ള യുവതാരങ്ങളുടെ നിര. 2016 ട്വൻറി20 ലോകകപ്പ്​ സെമിഫൈനലിൽ ഇന്ത്യ​യുടെ വമ്പൻ സ്​കോറിനെ (192) മറികടന്നത്​ ലെൻഡി സിമ്മൺസ്​, ആ​േന്ദ്ര റസൽ എന്നിവരുടെ വെടിക്കെട്ട്​ ബാറ്റിങ്ങിലായിരുന്നു. കഴിഞ്ഞ ദിവസം വിൻഡീസിനെതിരായ ഏക ട്വൻറി20 മത്സരത്തിലും വിൻഡീസ്​ ബാറ്റിങ്ങി​​െൻറ വീര്യം ഇന്ത്യൻ ബൗളർമാർ നന്നായറിഞ്ഞു. എവിൻ ലൂയിസ്​ എന്ന യുവതാരമായിരുന്നു ഇക്കുറി ഇന്ത്യയുടെ കഥകഴിച്ചത്​. 191 റൺസ്​ വിജയലക്ഷ്യം ലൂയിസി​​െൻറ സെഞ്ച്വറി പ്രകടനത്തിൽ കരീബിയൻ പട മറികടന്നു. 62 പന്തിൽ 12 സിക്​സും ആറ്​ ഫോറും അതിർത്തികടത്തിയാണ്​ ലൂയിസ്​ ഇന്ത്യൻ ബൗളർമാരെ കരയിച്ചത്​. 

നിർണായക അവസരങ്ങൾ തുലച്ചതാണ്​ ഇന്ത്യയെ തോൽവിയിലേക്ക്​ നയി​ച്ചത്​. ക്യാപ്​റ്റൻ കോഹ്​ലിക്കും മത്സരശേഷം പറയാനുണ്ടായിരുന്നത്​ അതു​ മാത്രമാണ്​. കളി ഗതിതിരിച്ചുവിട്ട ലൂയിസി​​െൻറ രണ്ടു ക്യാച്ചുകൾ ഇന്ത്യ ​വിട്ടുകളഞ്ഞു. അവസരങ്ങൾ നഷ്​ടപ്പെടുത്തിയവർക്ക്​ വിജയമുണ്ടാവില്ല. ഇന്ത്യക്ക്​ 230 റൺസ് ​​വരെ അടിച്ചെടുക്കാമായിരുന്നു. എന്നാൽ, അവസാനം സ്​കോർ ഉയർത്താനായില്ല. ട്വൻറി20യിൽ വിൻഡീസ്​ എന്നും തിളങ്ങിയ രാജ്യമാണ്​. സെഞ്ച്വറി നേടിയ യുവതാരം എവിൻ ലൂയിസി​​െൻറ ഇന്നിങ്​സ്​ മനോഹരമായിരുന്നെന്നും കോഹ്​ലി മത്സരശേഷം പറഞ്ഞു.

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ഇന്ത്യക്ക്​ ഒാപണർമാരായ വിരാട്​ കോഹ്​ലിയും (39) ശിഖർ ധവാനും (23) 64 റൺസി​​െൻറ കൂട്ടുകെ​േട്ടാടെ മികച്ച തുടക്കം നൽകി. ശേഷം ഋഷഭ്​ പന്തും (38) ദിനേഷ്​ കാർത്തികും (48) ചേർന്ന്​ സ്​കോർ ഉയർത്തി. 190 റൺസെടുത്തപ്പോൾ ഇന്ത്യ വിജയിക്കുമെന്ന്​ കണക്കുകൂട്ടിയവർക്കു മുന്നിൽ എവിൻ ലൂയിസ്​ നിറഞ്ഞാടി. വെടിക്കെട്ടുവീരൻ ക്രിസ്​ ഗെയ്​ലിനെ (18) സാക്ഷിയാക്കിയായിരുന്നു ലൂയിസ്​ ബാറ്റിങ്​ വീര്യം പുറത്തെടുത്തത്​. 53 പന്തിലായിരുന്നു താരത്തി​​െൻറ സെഞ്ച്വറി. 

Show Full Article
TAGS:West Indies v India sports news malayalam news madhyamam 
News Summary - West Indies v India, Only T20I sports news, malayalam news, madhyamam
Next Story