Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightമത്സരശേഷം ഞങ്ങളോട്​...

മത്സരശേഷം ഞങ്ങളോട്​ മാപ്പ്​ ചോദിക്കേണ്ടി വരുന്ന വിധം ഇന്ത്യയെ തോൽപ്പിച്ചിട്ടുണ്ട് -അഫ്രീദി

text_fields
bookmark_border
മത്സരശേഷം ഞങ്ങളോട്​ മാപ്പ്​ ചോദിക്കേണ്ടി വരുന്ന വിധം ഇന്ത്യയെ തോൽപ്പിച്ചിട്ടുണ്ട് -അഫ്രീദി
cancel

കറാച്ചി: മത്സരശേഷം തങ്ങളുടെ ടീമിനോട്​ മാപ്പ്​ ചോദിക്കേണ്ടി വരുന്ന വിധം ഇന്ത്യയെ പരാജയപ്പെടുത്തിയിട്ടുണ്ടെന്ന്​ പാകിസ്​താൻ ഒാൾറൗണ്ടർ ഷാഹിദ്​ അഫ്രീദി. ഇന്ത്യൻ ടീമിനെതിരെ കളിക്കുന്നതാണ്​ താൻ ഏറ്റവും ആസ്വദിക്കാറുള്ളത്​. ത​​െൻറ മികച്ച ഇന്നിങ്​സുകൾ പിറന്നിട്ടുള്ളത്​ ഇന്ത്യക്കും ആസ്​ട്രേലിയക്കും എതിരെ കളിക്കു​േമ്പാഴാണെന്നും താരം പറഞ്ഞു. യൂട്യൂബിൽ ക്രിക്​ കാസ്റ്റ്​ ഷോയിൽ പ​െങ്കടുക്കവേയാണ്​ അഫ്രീദിയുടെ അവകാശവാദം. 

ഇക്കഴിഞ്ഞ ജൂണ്‍ 13ന്​ താരത്തിന്​ കോവിഡ്​ സ്ഥിരീകരിച്ചിരുന്നു. തനിക്കും കുടുംബത്തിനും കോവിഡ്​ നെഗറ്റീവായ വിവരം കഴിഞ്ഞ ദിവസമാണ്​ താരം ലോകത്തെ അറിയിച്ചത്​. ഇതിന്​ പിന്നാലെയാണ്​ ഇന്ത്യൻ ടീമിനെതിരെ പരസ്യ പ്രസ്​താവനയുമായി താരമെത്തുന്നത്​.

‘ഇന്ത്യക്കെതിരെ കളിക്കുന്നത്​ എന്നും ഞാൻ ആസ്വദിച്ചിട്ടുണ്ട്​. അവരെ ഞാൻ ശരിക്കും പ്രഹരിച്ചിട്ടുണ്ട്​. മത്സരശേഷം ഞങ്ങളോട്​ മാപ്പ്​ പറയേണ്ടി വരുന്ന സാഹചര്യം സൃഷ്​ടിക്കുന്ന വിധത്തിൽ പാകിസ്​താൻ ടീം അവരെ പരാജയപ്പെടുത്തിയിട്ടുണ്ടെന്നും താരം അഭിമുഖത്തിൽ പറഞ്ഞു. ഇന്ത്യക്കെതിരെയും ആസ്​ട്രേലിയക്കെതിരെയുമുള്ള മത്സരങ്ങൾ രസമുള്ളതാണ്​. അവർ വളരെ വലിയ ടീമുകളാണ്​. അവർക്കനുകൂലമായ സാഹചര്യത്തിൽ പോയി കളിക്കുന്നത്​ വലിയ കാര്യം തന്നെയാണ്​. 

ഇന്ത്യക്കെതിരായ ഇന്നിങ്​സുകളിൽ തനിക്കേറ്റവും ഇഷ്​ടമുള്ളത്​ 1999ൽ ചെന്നൈ ടെസ്റ്റിൽ നേടിയ 144 റൺസാണെന്നും അഫ്രീദി പറഞ്ഞു. ആ പരമ്പരയിൽ ടീമിലിടം ലഭിക്കാതിരുന്ന സാഹചര്യത്തിലാണ്​ അതുപോലൊരു ഇന്നിങ്​സ്​ പിറവിയെടുത്തത്​. തകർച്ചയിൽ നിൽക്കെ 21 ബൗണ്ടറിയും മൂന്ന്​ കൂറ്റൻ സിക്​സറുകളും പിറന്ന അഫ്രീദിയുടെ ഇന്നിങ്​സായിരുന്നു പാക്​ ടീമിന്​ ഉണർവ്​ നൽകിയത്​. ‘അതൊരു ബുദ്ധിമു​ട്ടേറിയ പര്യടനമായിരുന്നു. ആ ഇന്നിങ്​സ്​ എനിക്ക്​ ഏറ്റവും പ്രധാനപ്പെട്ടതാണെന്നും താരം പറഞ്ഞു.

അഫ്രീദിയുടെ പരാമർശങ്ങളോട്​​ ഇന്ത്യൻ താരങ്ങളാരും തന്നെ നിലവിൽ പ്രതികരിച്ചിട്ടില്ല. സമൂഹ മാധ്യമങ്ങളിൽ താരത്തി​​െൻറ വാക്കുകളെ വിമർശിച്ചും ട്രോൾ ചെയ്​തും നിരവധി പേരാണെത്തുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:shahid afridiPakistan Cricket Team
News Summary - We have beaten India so much that they’d ask us for forgiveness after the match Shahid Afridi
Next Story