ഒറ്റക്കൈയിൽ പടുകൂറ്റൻ സിക്സ്; സ്റ്റാറായി വിഷ്ണു- VIDEO
text_fields
എടപ്പാൾ: പ്രതിസന്ധികളെ അതിർത്തിവര കടത്തിയ വട്ടംകുളം സ്വദേശി വിഷ്ണു സ്റ്റാറായി. ദാറുൽ ഹിദായ പൂക്കരത്തറ ഗ്രൗ ണ്ടിൽ ക്രിക്കറ്റ് കളിക്കുന്നതിനിടെയാണ് ഒരു കൈ മാത്രമുള്ള വിഷ്ണു പടുകൂറ്റൻ സിക്സർ പറത്തുന്നത് സുഹൃത്തുക്കൾ വ ിഡിയോ എടുത്ത് സമൂഹ മാധ്യമങ്ങളിൽ പോസ്റ്റ് ചെയ്യുന്നത്. ആരെയും അമ്പരപ്പിക്കുന്ന പ്രകടനം നിമിഷങ്ങൾക്കകം വൈറല ായി. പ്രതിപക്ഷ നേതാവ് രമേശ് ചെന്നിത്തല വിഷ്ണുവിനെ അഭിനന്ദിച്ച് ഫേസ്ബുക്കിൽ പോസ്റ്റിട്ടു.
നാലാം വയസ്സിലുണ്ടായ അപകടത്തിലാണ് ഇടംകൈ നഷ്ടപ്പെടുന്നത്. പക്ഷേ, മനക്കരുത്തിെൻറ പിൻബലത്തിൽ ജീവിതത്തോട് പൊരുതാനുറച്ച വിഷ്ണു ഇടതുകൈയുടെ കരുത്തുകൂടി വലതുകൈക്ക് നൽകി. ഭിന്നശേഷിക്കാരനാണെന്ന ധാരണ വെടിഞ്ഞ് ഇരുകൈയുമുള്ളവർക്കൊപ്പം എല്ലാ കായിക- കലാമത്സരങ്ങളിലും പങ്കെടുത്തു. സ്കൂൾതലം മുതൽ ക്രിക്കറ്റ്, കബഡി, ഫുട്ബാൾ തുടങ്ങിയ ഇനങ്ങളിൽ പങ്കെടുത്ത് വിജയം കൈമുതലാക്കി.
പൊതുപ്രവർത്തന രംഗത്തും സജീവമായ വിഷ്ണു കെ.എസ്.യു വട്ടംകുളം മണ്ഡലം പ്രസിഡൻറ് കൂടിയാണ്. ഡിസംബറിൽ കോഴിക്കോട്ട് നടക്കുന്ന ഭിന്നശേഷിക്കാരുടെ സംസ്ഥാന ക്രിക്കറ്റ് മത്സരത്തിൽ പങ്കെടുക്കാനുള്ള തയാറെടുപ്പിലാണ്. പടിഞ്ഞാറങ്ങാടി മൈനോറിറ്റി കോളജ് രണ്ടാം വർഷ ബി.കോം വിദ്യാർഥിയാണ്.