Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightഒടുക്കം തർക്കം...

ഒടുക്കം തർക്കം തീർത്ത്​ കോഹ്​ലി; ഇന്ത്യൻ ടീമിലെ മികച്ച ഫീൽഡർ ആ താരം

text_fields
bookmark_border
ഒടുക്കം തർക്കം തീർത്ത്​ കോഹ്​ലി; ഇന്ത്യൻ ടീമിലെ മികച്ച ഫീൽഡർ ആ താരം
cancel

ന്യൂഡൽഹി: എം.എസ്​. ധോണിയിൽ നിന്ന്​ ഇന്ത്യൻ ക്രിക്കറ്റ്​​ ടീമിൻെറ കടിഞ്ഞാൺ ഏറ്റെടുത്ത ശേഷം ടീമിനെ ലോകത്തിലെ ഏറ്റവും മികച്ച ഫീൽഡിങ്​ സംഘമാക്കി മാറ്റിയ നായകനാണ്​ വിരാട്​ കോഹ്​ലി. മികച്ച ഫീൽഡർ കൂടിയായ കോഹ്​ലി ഗ്രൗണ്ടിൽ തകർപ്പൻ ക്യാചുകളിലൂടെയും നിർണായക റണ്ണൗട്ടുകളിലൂടെയും ടീമിലെ മറ്റുതാരങ്ങൾക്ക്​ മാതൃകയായി മുന്നിൽ തന്നെയുണ്ട്​.

ഇന്ത്യൻ ടീമിലെ ഏറ്റവും മികച്ച ഫീൽഡറാരെന്ന തർക്കം കഴിഞ്ഞ ദിവസങ്ങളിൽ സമൂഹമാധ്യമങ്ങളിൽ ഉടലെടുത്തിരുന്നു. ഇതിന്​​ പരിഹാരം കണ്ടെത്തിയിരിക്കുകയാണ്​ കോഹ്​ലി. ഇൻസ്​റ്റഗ്രാമിൽ സ്​റ്റാർ സ്​പോർട്​സാണ്​ താരത്തോട്​ കോഹ്​ലിയാണോ രവീന്ദ്ര ജദേജയാണോ മികച്ച ഫീൽഡർ എന്ന്​ ചോദിച്ചത്​. എന്നാൽ കോഹ്​ലി സംശയമേതുമില്ലാതെ ഉത്തരം പറഞ്ഞു ജദേജ. 

വിരാട് കോഹ്​ലിയുടെ ഇൻസ്​റ്റഗ്രാം കമൻറിൻെറ സ്​ക്രീൻഷോട്ട്​
 

ഇന്ത്യൻ ഫീൽഡിങ്​ കോച്ച്​ ആർ. ശ്രീധർ വ്യഴാഴ്​ച നീലപ്പടയിലെ ഏറ്റവും മികച്ച ഫീൽഡർ ജദേജയാണെന്ന്​ അഭിപ്രായപ്പെട്ടിരുന്നു. ഇതിന്​ പിന്നാലെയാണ്​ കോഹ്​ലിയാണോ ജദേജയാണോ മികച്ച ഫീൽഡറെന്ന ചർച്ചക്ക്​ ചൂടുപിടിച്ചത്​. ഒടുവിൽ വിഷയം കോഹ്​ലി തന്നെ ഒത്തുതീർക്കുകയായിരുന്നു. 

ഇന്ത്യയുടെ ഏറ്റവും മികച്ച ഓൾറൗണ്ടർമാരിൽ ഒരാളായ ജദേജ ഉന്നം തെറ്റാത്ത, ചാട്ടുളി​ കണക്കെയുള്ള ഏറുകൾ കൊണ്ടും ഫീൽഡിങ്​ മികവ്​ കൊണ്ടും ടീമിന്​ നിർണായക ബ്രേക്ക്ത്രൂ നൽകിയ സന്ദർഭങ്ങൾ നിരവധിയാണ്​​​. 

Show Full Article
TAGS:indian cricket team virat kohli Ravindra Jadeja Cricket malayalam sports news 
Next Story