'സഹോദരൻ' ഡിവില്ലിയേഴ്സിന് വൈകാരികമായ സന്ദേശമയച്ച് കോഹ്ലി

ബംഗളൂരു: അന്താരാഷ്ട്ര ക്രിക്കറ്റിൽ നിന്ന് വിരമിച്ച എബി ഡിവില്ലിയേഴ്സിന് വൈകാരികമായ യാത്രയയപ്പ് സന്ദേശമയച്ച് ഇന്ത്യൻ ക്രിക്കറ്റ്​ ടീം ക്യാപ്​റ്റൻ കോഹ്ലി. "എന്‍റെ സഹോദരന് എല്ലാ വിധ ആശംസകളും നേരുന്നു. നിങ്ങളുടെ അന്താരാഷ്ട്ര ക്രിക്കറ്റിലെ കളി കാണുന്നത് എ​​െൻറ ബാറ്റിങ്ങിന്‍റെ രീതി തന്നെ മാറ്റി. അത്ഭുതകരമായ മുന്നോട്ടുള്ള ഈ യാത്രയിൽ നിങ്ങൾക്കും കൂടുംബത്തിനും എന്‍റെ ആശംസകൾ നേരുന്നതായി കോഹ്ലി ട്വീറ്റ് ചെയ്തു. 

കോഹ്ലിയും ഡിവില്ലിയേഴ്സും ദീർഘ കാലമായി ​െഎ.പി.എൽ ടീമായ റോയൽ ചലഞ്ചേഴ്സ് ബാംഗ്ലുരിൽ ഒരുമിച്ചാണ് കളിച്ചിരുന്നത്. ബുധനാഴ്​ച്ചയാണ് ഡിവില്ലിയേഴ്സ് അന്താരാഷ്ട്ര ക്രിക്കറ്റിൽ നിന്ന്​ വിരമിക്കുന്നതായി പ്രഖ്യാപിച്ചത്​.