കളിക്കാരുടെ വേതനവർധന ആവശ്യപ്പെട്ട്​ കോഹ്​ലിയും ധോണിയും

നാഗ്​പുർ: ഇന്ത്യൻ ക്രിക്കറ്റ്​ താരങ്ങളുടെ വേതനം വർധിപ്പിക്കണമെന്നാവശ്യപ്പെട്ട്​ ക്യാപ്​റ്റൻ വിരാട്​ കോഹ്​ലിയും മുൻ ക്യാപ്​റ്റൻ എം.എസ്.​ ധോണിയും രംഗത്ത്​. ​കളിക്കാരുടെ വേതനനിർണയം സംബന്ധിച്ച റിപ്പോർട്ടിന്​ അംഗീകാരം നൽകുന്നതിനായി ബി.സി.സി.​െഎ ജനറൽ ബോഡി യോഗം വെള്ളിയാഴ്​ച ചേരാനിരിക്കെ കോഹ്​ലിയും ധോണിയും ഭരണസമിതി തലവൻ വിനോദ്​ റായിയെ കാണും. ബി.സി.സി.​െഎയുടെ വരുമാന വർധനവി​​െൻറ ഗുണം കളിക്കാർക്കും വേണമെന്നാണ്​ താരങ്ങളുടെ നിലപാട്​.

​െഎ.പി.എൽ, ടെലിവിഷൻ സംപ്രേഷണാവകാശം, പരസ്യ വരുമാനം എന്നിവ വഴി ബോർഡ്​ നേടുന്ന വൻ വരുമാനത്തി​​െൻറ ആനുപാതിക വിഹിതം കളിക്കാർക്ക്​ ലഭിക്കുന്നില്ലെന്നാണ്​ പരാതി. കഴിഞ്ഞ കരാറിൽനിന്നും നൂറുമടങ്ങ്​ ഉയർത്തി വേതനം നിശ്ചയിക്കാനാണ്​ ബി.സി.സി.​െഎ നീക്കം. ഇതുപ്രകാരം ഗ്രേഡ്​ ‘എ’ താരങ്ങൾക്ക്​ വാർഷിക വരുമാനം ഒരു കോടി രൂപയിൽനിന്ന്​ രണ്ടു​ കോടിയായി ഉയരും. എന്നാൽ, ‘എ’ ഗ്രേഡ്​ താരങ്ങൾക്ക്​ അഞ്ചു കോടിയെങ്കിലും പ്രതിഫലം നൽകണമെന്ന്​ മുൻ കോച്ച്​ അനിൽ കുംബ്ലെ ഭരണസമിതി മുമ്പാകെ ആവശ്യപ്പെട്ടിരുന്നു.