വേഗത്തിൽ 20000; റെക്കോർഡിലേക്ക്​ കോഹ്​ലിക്ക്​ വേണ്ടത്​ 37 റൺസ്​ മാത്രം

  • സചിനേയും ലാറയേയും മറികടക്കും

11:57 AM
26/06/2019
virat-kohli

മാഞ്ചസ്​റ്ററിലെ ഓൾഡ്​ ട്രഫോൾഡ്​ മൈതാനത്ത് നാളെ​ ലോകകകപ്പിൽ ഇന്ത്യ വെസ്​റ്റ്​ ഇൻഡീസിനെ നേരിടാനിറങ്ങുമ്പോൾ എല്ലാ കണ്ണുകളും ഇന്ത്യൻ നായകൻ വിരാട്​ കോഹ്​ലിയിലേക്കായിരിക്കും. ആ ബാറ്റിൽ നിന്ന്​ 37 റൺസ്​ പിറന്നു കിട്ടാനുള്ള കാത്തിരിപ്പാകുമത്​. കാരണം മറ്റൊന്നുമല്ല. അന്താരാഷ്​ട്ര ക്രിക്കറ്റിൽ ഏറ്റവും വേഗതയിൽ 20000 റൺസ്​ നേടുന്ന താരമെന്ന റെക്കോർഡ്​ സ്വന്തം പേരിൽ ക​ുറിക്കാൻ കോഹ്​ലിക്ക്​ മുമ്പിൽ 37 റൺസിൻെറ ദൂരം മാത്രമാണുള്ളത്​. 131 ടെസ്​റ്റുകളും 223 ഏകദിനങ്ങളും 62 ട്വൻറി 20 മത്സരങ്ങളും ഉൾപ്പെടെ 416 ഇന്നിങ്​സുകളാണ് കോഹ്​ലി​ പൂർത്തിയാക്കിയത്​​. 

ഈ നേട്ടം സ്വന്തമാക്കുന്നതോടെ നിലവിൽ ഈ റേക്കോർഡിൽ ഒന്നാമതുള്ള ക്രിക്കറ്റ്​ ഇതിഹാസം സചിൻ തെണ്ടുൽക്കറിനേയും ബ്രയൻ ലാറയേയും കോഹ്​ലി മറി കടക്കും. 11 പേരാണ്​ നിലവിൽ 20,000 റൺസ്​ പൂർത്തിയാക്കിയത്​. 

453 ഇന്നിങ്​സുകളിൽ നിന്ന്​ 20000 റൺസ്​ പൂർത്തിയാക്കിയ സചിനു​ം ബ്രയൻ ലാറക്കും തൊട്ടു പിന്നിൽ 468 ഇന്നിങ്​സുകളിൽ ഈ നേട്ടം സ്വന്തമാക്കിയ മുൻ ആസ്​​േത്രലിയൻ ക്യാപ്​റ്റൻ റിക്കി പോണ്ടിങ്​ ആണുള്ളത്​. സചിനെ കൂടാതെ ദ്രാവിഡ്​ മാത്രമാണ്​ 20000 റൺസ്​ പൂർത്തിയാക്കിയ ഇന്ത്യൻ താരം.

നിലവിൽ 19,963 റൺസാണ്​ കോഹ്​ലിയുടെ പേരിലുള്ളത്​. ഏകദിന മത്സരങ്ങളിൽ വേഗത്തിൽ 11000 റൺസ്​ നേടിയ ബാറ്റസ്​മാൻ എന്ന റെക്കോർഡ്​ കോഹ്​ലി നേരത്തെ സ്വന്തം പേരിൽ കുറിച്ചിരുന്നു. ഏകദിനത്തിൽ 11087 റൺസും ടെസ്​റ്റ്​ മത്സരങ്ങളിൽ 6613 റൺസും ട്വൻറി 20യിൽ 2263 റൺസുമാണ്​ കോഹ്​ലി അടിച്ചെടുത്തത്​. 

അതേസമയം, ഷെൽഡൻ കോട്രൽ, കെമാർ റോച്ച്, തുടങ്ങിയ ശക്തരായ പേസർമാരുമായി ഇറങ്ങുന്ന ജെയ്​സൺ ഹോൾഡറിൻെറ നേതൃത്വത്തിലുള്ള വിൻഡീസ്​ ടീം കോഹ്​ലിക്ക്​ ശക്തമായ വെല്ലുവിളി ഉയർത്തുമെന്നതിൽ തർക്കമില്ല. 

Loading...
COMMENTS