പെരുമാറ്റച്ചട്ടലംഘനം; കോഹ്ലിക്ക് െഎ.സി.സിയുടെ താക്കീതും ഒരു ഡീമെറിറ്റ് പോയൻറും ശിക്ഷ
text_fieldsബംഗളൂരു: പെരുമാറ്റച്ചട്ടലംഘനത്തിന് ഇന്ത്യൻ നായകൻ വിരാട് കോഹ്ലിക്ക് െഎ.സി.സിയുടെ താക്കീതും ഒരു ഡീമെറിറ ്റ് പോയൻറും ശിക്ഷ. ഞായറാഴ്ച ദക്ഷിണാഫ്രിക്കക്കെതിരായ മൂന്നാം ട്വൻറി20 മത്സരത്തിെൻറ അഞ്ചാം ഒാവറിൽ റൺസെട ുക്കാൻ ശ്രമിക്കുന്നതിനിെട സന്ദർശക ബൗളർ ബ്യൂറൻ ഹെൻറിക്സിനെ തോളുകൊണ്ടിടിച്ചതാണ് കോഹ്ലിക്ക് വിനയായത്. പെരുമാറ്റച്ചട്ടത്തിലെ വകുപ്പ് 2.12 ലംഘിച്ചെന്ന് കാണിച്ചാണ് കോഹ്ലിയെ ശിക്ഷിച്ചത്. മത്സരത്തിൽ ഇന്ത്യ ഒമ്പതുവിക്കറ്റിന് തോറ്റിരുന്നു.
നേരേത്ത 2018 ജനുവരിയിൽ ദക്ഷിണാഫ്രിക്കക്കെതിരെയും 2019 ജൂണിൽ ഏകദിന ലോകകപ്പിനിടെ അഫ്ഗാനിസ്താനെതിരെയും പെരുമാറ്റദൂഷ്യത്തിന് ഡീമെറിറ്റ് പോയൻറുകൾ സമ്പാദിച്ച കോഹ്ലിയുടെ പോക്കറ്റിൽ ഇതോടെ മൂന്ന് ഡീമെറിറ്റ് പോയൻറുകളായി. ഐ.സി.സി നിയമപ്രകാരം ഒരു താരത്തിന് 24 മാസത്തിനുള്ളില് നാല് ഡീമെറിറ്റ് പോയൻറ് ലഭിച്ചാല് സസ്പെൻഷൻ പോയൻറാകും. ഒരു മത്സരത്തില് വിലക്കും വീഴും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.