‘ഡം ഡം ഡീഗ ഡീഗ, മോസം ഭീഗ ഭീഗ....’; മഴ നനഞ്ഞ്​ സചിൻ -Video

മുംബൈ: എത്ര വളർന്നാലും മഴ നനയാൻ കൊതിക്കുന്നൊരു കൊച്ചുകുട്ടി എല്ലാവരുടെയും മനസിനുള്ളിലുണ്ടാകുമെന്ന്​ തെളിയിക്കുകയാണ്​ മാസ്​റ്റർ ബ്ലാസ്​റ്റർ സചിൻ ടെണ്ടുൽക്കർ. മുംബൈയിലെ വീട്ടുമുറ്റത്ത്​ മഴ നനയുന്ന സചി​​െൻറ വിഡിയോ ആരാധകർ ഏറ്റെടുത്തിരിക്കുകയാണ്​. ഇൻസ്​റ്റഗ്രാമിലൂടെ സചിൻ തന്നെയാണ്​ വിഡിയോ ആരാധകർക്കായി പുറത്തുവിട്ടത്​. പകർത്തിയതാക​ട്ടെ സചി​​െൻറ ‘പ്രിയപ്പെട്ട കാമറ വുമൺ’ ആയ മകൾ സാറയും.

‘എ​​െൻറ ഏറ്റവും പ്രിയപ്പെട്ട കാമറ വുമൺ സാറ ടെണ്ടുൽക്കർ ആണ്​ ജീവിതത്തിലെ ഏറ്റവും ലളിതമായ ആനന്ദങ്ങൾ ആസ്വദിക്കുന്ന ഈ വിഡിയോ പകർത്തിയത്​. മഴത്തുള്ളികൾ എക്കാലവും എന്നിൽ ബാല്യകാല സ്​മരണകൾ നിറക്കുന്നു’- വിഡിയോ പങ്കുവെച്ച്​ സചിൻ കുറിച്ചു. 

സചിൻ മഴ ആസ്വദിച്ച്​ നനയുന്നതും വീട്ടുവളപ്പി​ലെ ടാങ്കിൽ വീണ ഇലകൾ വാരിയെടുത്തു മാറ്റുന്നതുമൊക്കെയാണ്​ വിഡിയോയിലുള്ളത്​.  ലോക്​ഡൗൺകാലത്ത്​ വീട്ടിലിരുന്ന്​ പകർത്തി സചിൻ സമൂഹ മാധ്യമങ്ങളിൽ പങ്കു​വെച്ച വിഡിയോകൾ ഇതിനുമുമ്പും ​വൈറലായിട്ടുണ്ട്​.