ചരിത്രമെഴുതി ബംഗ്ലാ കുട്ടിക്കടുവകൾ ലോക കപ്പ്​ ജേതാക്കൾ

പൊചെഫ്സ്ട്രൂം (ദക്ഷിണാഫ്രിക്ക): പുതുചരിതമെഴുതി ബംഗ്ലാദേശി​ൻറെ പുതുതലമുറ അണ്ടർ 19 ലോക കപ്പ്​ ക്രിക്കറ്റിൽ ആദ് യമുത്തമിട്ടു. മഴക്കു പോലും തടസ്സപ്പെടുത്താൻ കഴിയാതിരുന്ന വിജയം മൂന്നു വിക്കറ്റിനാണ്​ ബംഗ്ലാദേശി​ൻറെ യുവനി ര സ്വന്തമാക്കിയത്​. ക്ലൈമാക്​സിൽ പെയ്​ത മഴകാരണം ഡക്​വർത്ത്​ ലൂയിസ്​ നിയമപ്രകാരം പുതുക്കി നിശ്​ചയിച്ച 170 റൺസി​ ൻറെ മാർജിൻ ഏഴ്​ വിക്കറ്റ്​ നഷ്​ടത്തിൽ ബംഗ്ലാദേശ്​ സ്വന്തമാക്കി. ബംഗ്ലാദേശി​ൻറെ ക്രിക്കറ്റ്​ ചരിത്രത്തിലെ ആദ ്യ ലോകകപ്പ്​ വിജയം.

ഇന്ത്യൻ സ്​പിന്നിനു മുന്നിൽ വട്ടം കറങ്ങിയ ബംഗ്ലാദേശുകാർ ഒരു ഘട്ടത്തിൽ പരാജയത്തെ മുന് നിൽ കണ്ടതാണ്​. പക്ഷേ, നേരത്തെ പരിക്കേറ്റ്​ കരയ്​ക്ക്​ കയറിയ ഓപ്പണർ പർവേസ്​ ഹുസൈൻ ഇമോൺ തിരിച്ചുവന്ന്​ നടത്തിയ ഉജ്ജ്വല പോരാട്ടവും (47 റൺസ്​) 43 റണ്ണുമായി അവസാനം വരെ ഉറച്ചുനിന്ന ക്യാപ്​റ്റൻ അക്​ബർ അലിയുമാണ്​ കളിയിലേക്ക്​ ബം ഗ്ലാ ടീമിനെ തിരിച്ചുകൊണ്ടുവന്നത്​.

കിരീടം നിലനിർത്താനിറങ്ങിയ ഇന്ത്യൻ യുവനിരയെ ​എറിഞ്ഞൊതുക്കിയ ബംഗ്ലാ ദേശിന്​ അതേ നാണയത്തിൽ ഇന്ത്യ മറുപടി നൽകിയെങ്കിലും അർഹിച്ച വിജയം ബംഗ്ലാ യുവാക്കൾ അടിച്ചെടുക്കുകയായിരുന്നു.

ഇന്ത്യ ഉയർത്തിയ 178 റൺസ്​ വിജയലക്ഷ്യത്തിലേക്ക്​ ബാറ്റുമായിറങ്ങിയ ബംഗ്ലാദേശിനായി ഓപ്പണർമാർ മികച്ച തുടക്കമാണ ്​ കുറിച്ചത്​. ആദ്യ വിക്കറ്റിൽ ഓപ്പണർമാരായ പർവേസ്​ ഹുസൈൻ ഇമോണും തൻസിദ്​ ഹസനും​ ചേർന്ന്​ 50 റൺസി​ൻറെ കൂട്ടുകെട്ടുയർത്തിയെങ്കിലും ഭാവി വാഗ്​ദാനമായ ഇന്ത്യൻ സ്​പിന്നർ രവി ബിഷ്​ണോയിയുടെ കുത്തിത്തിരിഞ്ഞ പന്തുകൾക്കു മുന്നിൽ വിറച്ചുവീഴുന്ന കാഴ്​ചയാണ്​ പിന്നെ കണ്ടത്​. അതിനിടയിൽ പരിക്കേറ്റ്​ ഇമോൺ തിരിച്ചുകയറിയതും ബംഗ്ലാദേശിന്​ തിരിച്ചടിയായി.

തൻസിദ്​ ഹസൻ (17), മുഹമ്മദുൽ ഹസൻ ജോയി (8), തൗഹിദ്​ ഹൃദോയി (0), ഷഹാദത്ത്​ ഹുസൈൻ (1) എന്നിവരുടെ വിക്കറ്റുകളാണ്​ ബിഷ്​ണോയി വീഴ്​ത്തിയത്​. ഒരു ഘട്ടത്തിൽ അഞ്ച്​ വിക്കറ്റിന്​ 85 എന്ന നിലയിൽ പരുങ്ങലിലായപ്പോൾ ഇമോൺ തന്നെ വീണ്ടും കളത്തിലിറങ്ങി. ഒപ്പം കൂട്ടായെത്തിയ ക്യാപ്​റ്റനും വിക്കറ്റ്​ കീപ്പർ ബാറ്റ്​സ്​മാനുമായ അക്​ബർ അലിയും എത്തിയപ്പോൾ കളി വീണ്ടും ബംഗ്ലാദേശി​ൻറെ വരുതിയിലായി. ബിഷ്​ണോയിയുടെ ശേഷിച്ച ഓവറുകൾ പരുക്കില്ലാതെ കടത്തിവിട്ട ഇരുവരും കിട്ടിയ മോശം പന്തുകൾ റണ്ണുമാക്കി. സ്​പിന്നർ യശ്വസി ജയ്​സ്വാളിനെ ഉയർത്തിയടിക്കാനുള്ള ഇമോണിൻറെ ശ്രമം പാഴായപ്പോൾ ആകാശ്​ സിങ്ങി​ൻറെ കൈയിലൊതുങ്ങി. 79 പന്തിലായിരുന്നു ഇമോണി​ൻറെ 47 റൺസ്​. ഇതിൽ ഏഴ്​ ബൗണ്ടറികളും അടങ്ങുന്നു.

ഏഴാമനായാണ്​ പർവേസ്​ ഹുസൈൻ ഇമോൺ പുറത്തായത്​. അപ്പോഴേ​ക്കും ജയത്തിനരികിൽ ബംഗ്ലാദേശ്​ എത്തിയിരുന്നു. 54 പന്തിൽ 15 റൺസ്​ എന്ന ലക്ഷ്യത്തിനരികിൽ നിൽക്കെയാണ്​ മഴ പെയ്​തത്​. പിന്നീട്​ മഴ നിയമമനുസരിച്ച്​ 30 പന്തിൽ ഏഴ്​ റൺസെന്ന നിലയിലായി. നാല്​ പന്തിനുള്ളിൽ റകീബുൽ ഹസനും അക്​ബർ അലിയും ചേർന്ന്​ വിജയം കുറിച്ചപ്പോൾ ചരിത്രം ബംഗ്ലാദേശി​ൻറെ പുതുതലമുറയ്​ക്കു മുന്നിൽ വഴിമാറി. അവസാനം വരെ ഉറച്ചുനിന്ന്​ ക്ഷമയോടെ വിജയത്തിലേക്ക്​ ടീമിനെ നയിച്ച നായകൻ അക്​ബർ അലി തന്നെയാണ്​ മാൻ ഓഫ്​ ദ മാച്ച്​. ടൂർണമ​െൻറി​ൻറെ താരമായി ഇന്ത്യൻ ഓപ്പണർ യശസ്വി ജയ്​സ്വാളിനെ തെരഞ്ഞെടുത്തു.

നേരത്തെ ടോസ്​ നേടി കലാശപോരിൽ ഇന്ത്യയെ ബാറ്റു ചെയ്യാനിറക്കിയ ബംഗ്ലാദേശ്​ 21 റൺസിനുള്ളിൽ എട്ടു വിക്കറ്റുകൾ വീഴ്​ത്തിയായിരുന്നു ഇന്ത്യൻ കുതിപ്പിന്​ കടിഞ്ഞാണിട്ട്​ 177 റൺസിനു പുറത്താക്കിയത്​. മൂന്നിന്​ 156 എന്ന ശക്​തമായ നിലയിൽ നിന്ന്​ 10 ഓവറിനുള്ളിലായിരുന്നു 177 റൺസിൽ ഇന്ത്യ നിലംപതിച്ചത്​. ആദ്യമായി ലോക കപ്പ്​ ഫൈനലിൽ കടന്ന ബംഗ്ലാദേശിനും കപ്പിനുമിടയിൽ 178 റൺസി​​​​​​െൻറ ദൂരം. സെമി ഫൈനലിൽ പാകിസ്​താനെതിരെ സെഞ്ച്വറി ​നേടിയ യശ്വസി ജയ്​സ്വാളിൻറെ അർധ സെഞ്ച്വറി മാത്രമായിരുന്നു ഇന്ത്യൻ ഇന്നിങ്​സിലെ സവിശേഷത.

ബാറ്റിങ്ങിനിറങ്ങിയ ഇന്ത്യൻ സ്​കോർ ബോർഡിൽ ഒമ്പത്​ റൺസെത്തിയപ്പോൾ തന്നെ രണ്ട്​ റൺസുമായി ദിവ്യാൻശ്​ സക്​സേന ഷറഫുൾ ഇസ്​ലാമി​​​​​​െൻറ പന്തിൽ തൻസിദ്​ ഹസൻ പിടിച്ച്​ പുറത്തായി.
മൂന്നാമനായെത്തിയ തിലക്​ വർമയുമായി ചേർന്ന്​ ഓപ്പണർ യശ്വസി ജയ്​സ്വാൾ ഇന്ത്യയെ പിടിച്ചുയർത്തി. പാകിസ്​താനെതിരെ നിർത്തിയിടത്തു നിന്നായിരുന്നു യശസ്വിയുടെ തുടർച്ച. തിലക്​ വർമ നങ്കൂരമിട്ട്​ കളിച്ച്​ 65 പന്തിൽ 38 റൺസെടുത്ത്​ തൻസിം ഹസൻ സാക്കിബി​​​​​​െൻറ പന്തിൽ ഷറഫുൾ ഇസ്​ലാം പിടിച്ച്​ പുറത്തായത്​ ഇന്ത്യക്ക്​ തിരിച്ചടിയായി. രണ്ടാം വിക്കറ്റിൽ ഇരുവരും ചേർന്ന്​ 94 റൺസാണ്​ കൂട്ടിചേർത്തത്​.
പിന്നീട്​ കാറ്റടിച്ചപോലെയായിരുന്നു വിക്കറ്റ്​വീഴ്​ച. അ​പ്പോഴ​ും ഒരറ്റത്ത്​ പിടിച്ചുനിന്ന ജയ്​സ്വാളിലായിരുന്നു ഇന്ത്യ​ൻ പ്രതീക്ഷ. ക്യാപ്​റ്റൻ പ്രിയം ഗാർഗ്​ ഏഴ്​ റൺസിന്​ പുറത്തായി. തുടർച്ചയായ രണ്ടാം സെഞ്ച്വറിയിലേക്ക്​ കുതിക്കുമെന്ന്​ തോന്നിച്ച ജയ്​സ്വാൾ 88 റൺസെടുത്തപ്പോൾ ഷറഫുൾ ഇസ്​ലാമി​ൻറെ പന്തിൽ തൻസിദ്​ ഹസൻ പിടിച്ച്​ പുറത്തായതോടെ ഇന്ത്യയുടെ കഥ ഏതാണ്ട്​ കഴിഞ്ഞപോ​െലയായി. ജയ്​സ്വാൾ പുറത്താകുമ്പോൾ നാലിന്​ 156 റൺസായിരുന്നു ഇന്ത്യൻ സ്​കോർ. പിന്നെയെല്ലാം ചടങ്ങുപോലെയായി.

സിദ്ധീഷ്​ വീർ റണ്ണെടുക്കാതെ തിരിച്ചെത്തിയപ്പോൾ 22 റൺസെടുത്ത ധ്രുവ്​ ജുറൽ റണ്ണൗട്ടായതും ഇന്ത്യക്ക്​ തിരിച്ചടിയായി. അഥർവ ​അ​ങ്കോൽക്കർ (3), രവി ബിഷ്​ണോയി (2), കാർത്തിക്​ ത്യാഗി (0), സുശാന്ത്​ മിശ്ര (3) എന്നിവരാണ്​ പുറത്തായ മറ്റ്​ ബാറ്റ്​സ്​മാൻമാർ.

ബംഗ്ലാദേശിനുവേണ്ടി അവിഷേക്​ ദാസ്​ മൂന്നും ഷറഫുൾ ഇസ്​ലാം, തൻസിം ഹസൻ സാക്കിബ്​ എന്നിവർ രണ്ടു വീതവും റാകിബുൾ ഹസൻ ഒന്നും വിക്കറ്റ്​ വീഴ്​ത്തി.

സെമി ഫൈനലിൽ കളിച്ച ടീമിൽ മാറ്റമില്ലാതെയാണ് ഇന്ത്യ ഇന്നിറങ്ങിയത്.