Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightന്യൂസിലൻഡിനെ 202...

ന്യൂസിലൻഡിനെ 202 റൺസിന്​ തോൽപിച്ച്​ അഫ്​ഗാൻ

text_fields
bookmark_border
ന്യൂസിലൻഡിനെ 202 റൺസിന്​ തോൽപിച്ച്​ അഫ്​ഗാൻ
cancel

ക്രൈസ്​റ്റ്​ ചർച്ച്​: തുടർ സ്​ഫോടനങ്ങളുടെ നടുവിൽ വിറങ്ങലിച്ചു നിൽക്കുന്ന അഫ്​ഗാൻ ജനതക്ക്​ താൽക്കാലിക ആ​ശ്വാസമേകി കൗമാര ക്രിക്കറ്റ്​ ടീമി​​​​െൻറ ചരിത്രനേട്ടം. അണ്ടർ^19 ലോകകപ്പ്​ ക്വാർട്ടറിൽ ആത​ിഥേയരായ ന്യൂസിലൻഡിനെ അട്ടിമറിച്ച്​ അഫ്​ഗാൻ കുട്ടികൾ ചരിത്രത്തിലാദ്യമായി ക്രിക്കറ്റ്​ ലോകകപ്പി​​​​െൻറ സെമി​ൈഫനലിൽ ഇടംപിടിച്ചു.

രണ്ട്​ ദിവസം മുമ്പ്​ ജലാലാബാദിലും കാബൂളിലുമുണ്ടായ സ്​ഫോടനങ്ങളിൽ ഇരയാക്കപ്പെട്ടവർക്ക്​ തങ്ങളുടെ ജയം സമർപ്പിക്കുന്നുവെന്ന്​ അഫ്​ഗാൻ നായകൻ നവീൻ ഉൾ ഹഖ്​ പറഞ്ഞു. മത്സരത്തി​​​​െൻറ സകല മേഖലയിലും ആധിപത്യം പുലർത്തിയ അഫ്​ഗാനിസ്​താൻ 202 റൺസിനാണ്​ കിവീസിനെ തകർത്തെറിഞ്ഞത്​. സ്​കോർ: അഫ്​ഗാൻ: 309/6, ന്യൂസിലൻഡ്​: 107ന്​ ഒാൾഒൗട്ട്​. തിങ്കളാഴ്​ച നടക്കുന്ന സെമിയിൽ ആസ്​ട്രേലിയയാണ്​ അഫ്​ഗാ​​​​െൻറ എതിരാളികൾ. 

ഒാപണർമാരായ റഹ്​മാനുല്ല ഗുർബാസി​​​​െൻറയും (67 പന്തിൽ 69) ഇബ്രാഹിം സദ്​രാ​​​​െൻറയും (98 പന്തിൽ 68) മിന്നുന്ന തുടക്കം, മധ്യനിരയിൽ ബാഹിർ ഷായുടെ (72 പന്തിൽ 67) ധീരമായ ചെറുത്തുനിൽപ്​​, അവസാന ഒാവറുകളിൽ അസ്​മത്തുല്ല ഒമർസായിയുടെ (23 പന്തിൽ 66) മാസ്​മരിക വെടിക്കെട്ട്​, മറുപടി ബൗളിങ്ങിൽ സ്​പിൻവല എറിഞ്ഞ്​ മുജീബ്​ സദ്​രാ​​​​െൻറയും ഖൈസ്​ അഹ്​മദി​​​​െൻറയും നാല്​ വിക്കറ്റ്​ പ്രകടനം തോൽവിയറിയാ​െത മുന്നേറിയ ന്യൂസിലൻഡിനെ തകർത്തെറിയാൻ ഇൗ പ്രകടനങ്ങൾ അധികമായിരുന്നു.

ഒന്നാം വിക്കറ്റിലെ 117 റൺസ്​ കൂട്ടുകെട്ടിൽ തുടങ്ങിയതാണ്​ അഫ്​ഗാൻ ആധിപത്യം. അവസാന ആറ്​ ഒാവറിൽ 83 റൺസ്​ അടിച്ചാണ്​ അഫ്​ഗാൻ ഇന്നിങ്​സ്​ അവസാനിപ്പിച്ചത്​. അവസാന ഒാവറുകളിൽ കത്തിക്കയറിയ അസ്​മത്തുല്ലയാണ്​ അഫ്​ഗാനെ 300 കടത്തിയത്​. ഏഴ്​ സിക്​സും മൂന്ന്​ ഫോറും നേടിയ അസ്​മത്തുല്ല 18 പന്തിൽ അർധസെഞ്ച്വറി പിന്നിട്ടു.

അണ്ടർ 19 ക്രിക്കറ്റിലെ ഏറ്റവും വേഗതയേറിയ അർധസെഞ്ച്വറിയാണിത്​. കഴിഞ്ഞ ലോകകപ്പിൽ ഇന്ത്യയുടെ റിഷഭ്​​ പന്ത്​ 18 പന്തിൽ അർധസെ​ഞ്ച്വറി നേടിയിരുന്നു. തുടക്കം മുതൽ തകർന്ന ന്യൂസിലൻഡ്​ 20 റൺസെടുക്കുന്നതിനിടെ ആദ്യ നാല്​ വിക്കറ്റും 21 റൺസ്​ എടുക്കുന്നതിനിടെ അവസാന ആറ്​ വിക്കറ്റും കളഞ്ഞുകുളിച്ചു.

Show Full Article
TAGS:afghanistan Cricket under 19 world cup sports news malayalam news 
News Summary - Under 19 world cup afghanistan in semi finals - sports news
Next Story