Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightആ​ഗ്ര​ഹം...

ആ​ഗ്ര​ഹം തീ​വ്ര​മാ​യി, പ്ര​കൃ​തി ക​നി​ഞ്ഞു; ഹ​രി​ശ്രീ എ​ഴു​തി സ്പോ​ർ​ട്സ് ഹ​ബ്ബ്

text_fields
bookmark_border
ആ​ഗ്ര​ഹം തീ​വ്ര​മാ​യി, പ്ര​കൃ​തി ക​നി​ഞ്ഞു; ഹ​രി​ശ്രീ എ​ഴു​തി സ്പോ​ർ​ട്സ് ഹ​ബ്ബ്
cancel

തി​രു​വ​ന​ന്ത​പു​രം: ആ​ഗ്ര​ഹം തീ​വ്ര​മാ​കു​മ്പോ​ൾ, നി​ര​ന്ത​ര​മാ​യി സ്വ​പ്നം കാ​ണു​മ്പോ​ൾ അ​ത് യാ​ഥാ​ർ​ഥ്യ​മാ​കാ​ൻ പ്ര​കൃ​തി ത​ന്നെ അ​നു​കൂ​ല സാ​ഹ​ച​ര്യ​മൊ​രു​ക്കി​ത​രും. ആ​ൽ​ക്ക​മി​സ്​​റ്റി​ലൂ​ടെ പൗ​ലോ കൗ​യി​ലോ പ​റ​ഞ്ഞ​ത് യാ​ഥാ​ർ​ഥ്യ​മാ​യി​രു​ന്നു​വെ​ന്ന് പ​തി​നാ​യി​ര​ങ്ങ​ൾ തി​രി​ച്ച​റി​ഞ്ഞ ദി​വ​സ​മാ​യി​രു​ന്നു ഇ​ന്ന​ലെ. തെ​ളി​ഞ്ഞ ആ​കാ​ശ​ത്തി​ന് കീ​ഴി​ൽ പ്രി​യ​താ​ര​ങ്ങ​ളു​ടെ ബാ​റ്റി​ങ് കാ​ണാ​ൻ ആ​ഗ്ര​ഹി​ച്ച​വ​ർ, 29 വ​ർ​ഷ​ത്തെ ഇ​ട​വേ​ള​ക്ക് ശേ​ഷം സ്പോ​ർ​ട്സ് ഹ​ബ്ബി​ൽ ക്രി​ക്ക​റ്റ് ആ​വേ​ശം അ​ണ​പ്പൊ​ട്ടി ഒ​ഴു​കു​ന്ന​ത് സ്വ​പ്നം ക​ണ്ട​വ​ർ ഒ​രു മ​ന​സോ​ടെ പ്രാ​ർ​ഥി​ച്ച​പ്പോ​ൾ പ്ര​കൃ​തി ക​നി​ഞ്ഞു. 8.30 ആ​യി​രു​ന്നെ​ങ്കി​ൽ ഒ​രു​പ​ന്ത് പോ​ലും എ​റി​യാ​തെ ഉ​പേ​ക്ഷി​ക്കേ​ണ്ടി​വ​രു​മാ​യി​രു​ന്ന ഘ​ട്ട​ത്തി​ൽ 8.15ന് ​മ​ഴ നി​ല​ച്ച​തോ​ടെ സ്പോ​ർ​ട്സ് ഹ​ബ്ബ് ച​രി​ത്ര​ത്തി​ലേ​ക്ക് മി​ഴി​തു​റ​ന്നു. ഇ​ന്ത്യ​യു​ടെ 50ാം ക്രി​ക്ക​റ്റ് വേ​ദി​യാ​യി. 

ചൊ​വ്വാ​ഴ്ച്ച രാ​വി​ലെ മു​ത​ൽ പെ​യ്യാ​ൻ വെ​മ്പി​നി​ന്ന മ​ഴ​മേ​ഘ​ങ്ങ​ൾ​ക്ക് കീ​ഴെ പ്രാ​ർ​ഥ​ന​യോ​ടെ​യാ​യി​രു​ന്നു അ​ന​ന്ത​പു​രി. മൂ​ടി​ക്കെ​ട്ടി നി​ന്ന അ​ന്ത​രീ​ക്ഷ​ത്തി​ലും ടീ​മി​ന് ആ​വേ​ശം പ​ക​ര​നാ​യി ദേ​ശീ​യ​പ​താ​ക​യും ഇ​ന്ത്യ​ൻ ജേ​ഴ്സി​യും വാ​ങ്ങാ​ൻ കാ​യി​ക​പ്രേ​മി​ക​ൾ സ്​​​റ്റേ​ഡി​യം പ​രി​സ​ര​ത്തേ​ക്ക് ഒ​ഴു​കി. കോ​ഹ്​​ലി​യു​ടെ​യും ധോ​ണി​യു​ടെ​യും ജ​ഴ്സി​ക​ൾ​ക്കാ​യി​രു​ന്നു ഡി​മാ​ൻ​റ്. ഉ​ച്ച​ക്ക് ഒ​രു മ​ണി​യോ​ടു​കൂ​ടി ത​ന്നെ സ്​​റ്റേ​ഡി​യ​ത്തി​ലേ​ക്ക് ജ​ന​പ്ര​വാ​ഹം തു​ട​ങ്ങി​യി​രു​ന്നു. ഒ​ഴു​കി​യൊ​ഴു​കി അ​തൊ​രു മ​ഹാ​പ്ര​വാ​ഹ​മാ​യ​തോ​ടെ നാ​ലു​മ​ണി​ക്ക് തു​റ​ക്കാ​ൻ തി​രു​മാ​നി​ച്ചി​രു​ന്ന കോ​ട്ട വാ​തി​ലു​ക​ൾ മൂ​ന്നി​ന് ത​ന്നെ പൊ​ലീ​സി​ന് തു​റ​ക്കേ​ണ്ടി​വ​ന്നു.

എ​ന്നാ​ൽ 3.15 ഓ​ടെ തു​ള്ളി​ക്കൊ​രു​കു​ടം​പോ​ലെ മ​ഴ എ​ത്തി​യ​തോ​ടെ ഗാ​ല​റി ഒ​ന്നാ​കെ നി​രാ​ശ​യി​ലാ​യി. എ​ങ്കി​ലും പ്ര​തീ​ക്ഷ​യോ​ടെ അ​വ​ർ കാ​ത്തി​രു​ന്നു. മൊ​ബൈ​ൽ ഫോ​ണ​ല്ലാ​തെ മ​റ്റൊ​ന്നും ക​ട​ത്തി​വി​ടി​ല്ലെ​ന്ന സു​ര​ക്ഷാ നി​ർ​ദേ​ശ​മു​ള്ള​തി​നാ​ൽ ചി​ല​ർ വാ​ഴ​യി​ല​യു​മാ​യി ഗാ​ല​റി​യി​ലെ​ത്തി​യ​ത് കൗ​തു​ക​മാ​യി. പ​ക്ഷേ മ​ഴ ക​ടു​ത്ത​തോ​ടെ കു​ട​യു​ള്ള​വ​രെ​യും അ​ക​ത്തേ​ക്ക് ക​ട​ത്തി​വി​ടാ​ൻ പൊ​ലീ​സ് നി​ർ​ബ​ന്ധി​ത​രാ​യി. പെ​രു​മ​ഴ ത​ല​യി​ലേ​റ്റു​വാ​ങ്ങി ആ​വേ​ശം ചോ​രാ​തെ ടീ​മു​ക​ളു​ടെ വ​ര​വി​നാ​യി ഗാ​ല​റി കാ​ത്തി​രു​ന്നു. 4.30ഓ​ടെ ന്യൂ​സി​ല​ൻ​ഡ് ടീം ​സ്​​റ്റേ​ഡി​യ​ത്തി​ലെ​ത്തി. അ​ഞ്ചു​മ​ണി​യോ​ടെ ഇ​ന്ത്യ​ൻ ടീ​മു​മെ​ത്തി​യ​തോ​ടെ അ​തു​വ​രെ അ​ട​ക്കി​വെ​ച്ച ആ​വേ​ശം ഒ​ന്നാ​കെ പ​ച്ച​പ്പാ​ട​ത്തേ​ക്ക് അ​ണ​പൊ​ട്ടി ഒ​ഴു​കി.

അ​ഞ്ചു​മ​ണി​യോ​ടെ മ​ഴ കു​റ​ഞ്ഞ​ത് ക​ണ്ട് ഗ്രൗ​ണ്ട് സ്​​റ്റാ​ഫു​ക​ൾ ക​വ​റു​ക​ൾ മാ​റ്റാ​ൻ തു​ട​ങ്ങി​യ​തോ​ടെ കു​ട്ടി​ക​ളും സ്ത്രീ​ക​ളു​മ​ട​ക്ക​മു​ള്ള​വ​ർ സ്​​റ്റേ​ഡി​യ​ത്തി​ലെ പാ​ട്ടി​നൊ​പ്പം മ​തി​മ​റ​ന്ന് ആ​ടി. മ​ഴ​വെ​ള്ളം നീ​ക്കാ​നു​ള്ള ഗ്രൗ​ണ്ട് സ്​​റ്റാ​ഫി​​​െൻറ പ്ര​വ​ർ​ത്ത​നം ആ​രാ​ധ​ക​ർ കൈ​യ​ടി ന​ൽ​കി പ്രോ​ത്സാ​ഹി​പ്പി​ച്ചു​കൊ​ണ്ടി​രു​ന്നു. സ്പോ​ഞ്ച് ബെ​ഡും സൂ​പ്പ​ർ സോ​പ്പ​റു​മാ​യി 20 മി​നി​റ്റ്​ കൊ​ണ്ട്​ ക​വ​റു​ക​ൾ നീ​ക്കി തു​ട​ങ്ങി​യ​തും വീ​ണ്ടും  മ​ഴ ചാ​റി തു​ട​ങ്ങി. ഇ​തോ​ടെ മാ​റ്റി​യ ടാ​ർ​പോ​ളി​നു​ക​ൾ വീ​ണ്ടും ഗ്രൗ​ണ്ടി​ലേ​ക്ക് നീ​ക്കി. അ​വ​സാ​നം ഡെ​ഡ്​​ലൈ​നാ​യ 8.30ന്​ 15 ​മി​നി​റ്റ്​ മു​മ്പ് ആ​രോ പി​ടി​ച്ചു​നി​റു​ത്തി​യ​പ്പോ​ലെ മ​ഴ അ​വ​സാ​നി​ക്കു​ക​യാ​യി​രു​ന്നു. തു​ട​ർ​ന്ന് മ​ഴ​വെ​ള്ളം അ​പ്പാ​ടെ തു​ട​ച്ചു​നീ​ക്കി 9.30ഓ​ടെ പ​ച്ച​പ്പാ​ട​ത്ത് നീ​ല​പ്പ​ട ബാ​റ്റി​ങ്ങി​നി​റ​ങ്ങി. 

Show Full Article
TAGS:Twenty20 Match green field stadium Cricket sports news malayalam news 
News Summary - Twenty20 Match in Trivandrum Green Field Stadium -Sports News
Next Story