രണ്ടാം ടെസ്​റ്റ്​ ഇന്നുമുതൽ

ഹൈ​ദ​രാ​ബാ​ദ്​: ആ​ദ്യ ടെ​സ്​​റ്റി​ലെ കൂ​റ്റ​ൻ ജ​യ​ത്തി​​െൻറ ആ​ത്മ​വി​ശ്വാ​സ​ത്തി​ലേ​റി ഇ​ന്ത്യ ഇ​ന്ന്​ വെ​സ്​​റ്റി​ൻ​ഡീ​സി​നെ​തി​രാ​യ ര​ണ്ടാം ടെ​സ്​​റ്റി​നി​റ​ങ്ങു​ന്നു. രാ​ജ്​​കോ​ട്ടി​ൽ വി​ൻ​ഡീ​സി​നെ മൂ​ന്നു​ ദി​വ​സ​ത്തി​നി​കം ചു​രു​ട്ടി​ക്കെ​ട്ടി​യ വി​രാ​ട്​ കോ​ഹ്​​ലി​യും കൂ​ട്ട​രും ഇ​ന്നി​ങ്​​സി​നും 272 റ​ൺ​സി​നു​മാ​ണ്​ ജ​യം സ്വ​ന്ത​മാ​ക്കി​യ​ത്. ആ​സ്​​ട്രേ​ലി​യ​ൻ പ​ര്യ​ട​ന​ത്തി​നു​മു​മ്പാ​യി ആ​ധി​കാ​രി​ക ജ​യ​ത്തോ​ടെ പ​ര​മ്പ​ര തൂ​ത്തു​വാ​രാ​നാ​യി​രി​ക്കും ടീം ​ഇ​ന്ത്യ​യു​ടെ ശ്ര​മം.

മാ​റ്റ​ത്തി​ന്​ സാ​ധ്യ​ത​യി​ല്ലാ​തെ ഇ​ന്ത്യ
ആ​ദ്യ ടെ​സ്​​റ്റി​ൽ ക​ള​ത്തി​ലി​റ​ങ്ങി​യ അ​തേ ടീ​മു​മാ​യി​ത്ത​ന്നെ​യാ​വും ഇ​ന്ത്യ ഹൈ​ദ​രാ​ബാ​ദി​ലും ഇ​റ​ങ്ങു​ക എ​ന്നാ​ണ്​ ടീം ​വൃ​ത്ത​ങ്ങ​ൾ ന​ൽ​കു​ന്ന സൂ​ച​ന. രാ​ജ​്​​കോ​ട്ടി​ലെ അ​തേ 12 അം​ഗ ടീ​മി​നെ ഇ​ന്ത്യ നി​ല​നി​ർ​ത്തി​യി​ട്ടു​ണ്ട്. സ്​​പി​ന്ന​ർ കു​ൽ​ദീ​പ്​ യാ​ദ​വി​നു​പ​ക​രം പേ​സ​ർ ശ​ർ​ദു​ൽ ഠാ​കൂ​ർ ക​ളി​ക്കു​​ക​യാ​ണെ​ങ്കി​ൽ മാ​ത്ര​മേ അ​ന്തി​മ ഇ​ല​വ​നി​ൽ മാ​റ്റ​മു​ണ്ടാ​കൂ. ക​ന്നി ടെ​സ്​​റ്റി​ൽ ത​ക​ർ​പ്പ​ൻ സെ​ഞ്ച്വ​റി​യു​മാ​യി അ​ന്താ​രാ​ഷ്​​ട്ര ക്രി​ക്ക​റ്റി​ലേ​ക്കു​ള്ള ചു​വ​ടു​വെ​പ്പ്​ അ​വി​സ്​​മ​ര​ണീ​യ​മാ​ക്കി​യ പൃ​ഥ്വി ഷാ​യു​ടെ ഒാ​പ​ണി​ങ് പ​ങ്കാ​ളി ആ​ദ്യ ടെ​സ്​​റ്റി​ൽ പൂ​ജ്യ​ത്തി​ന്​ പു​റ​ത്താ​യ ലോ​കേ​ഷ്​ രാ​ഹു​ൽ ത​ന്നെ​യാ​യി​രി​ക്കും. ഇ​തോ​ടെ മാ​യ​ങ്ക്​ അ​ഗ​ർ​വാ​ളി​ന്​ അ​വ​സ​രം ല​ഭി​ക്കി​ല്ലെ​ന്നു​റ​പ്പാ​യി. ഇൗ ​വ​ർ​ഷം ടെ​സ്​​റ്റി​ൽ ക​ളി​ച്ച 16 ഇ​ന്നി​ങ്​​സു​ക​ളി​ൽ 14 ത​വ​ണ​യും രാ​ഹു​ൽ പ​രാ​ജ​യ​മാ​യി​രു​ന്നു. അ​തി​നാ​ൽ മു​ര​ളി വി​ജ​യി​​െൻറ​യും ശി​ഖ​ർ ധ​വാ​​െൻറ​യും അ​ഭാ​വ​ത്തി​ൽ രാ​ഹു​ൽ-​പൃ​ഥ്വി കൂ​ട്ടു​കെ​ട്ടാ​യി​രി​ക്കും ആ​സ്​​ട്രേ​ലി​യ​യി​ലും ഫ​സ്​​റ്റ്​ ​ചോ​യ്​​സ്​ എ​ന്ന സൂ​ച​ന​ക്ക്​ അ​ടി​വ​ര​യി​ടാ​ൻ ക​ർ​ണാ​ട​ക താ​ര​ത്തി​ന്​ ഇൗ ​മ​ത്സ​ര​ത്തി​ൽ മി​ക​ച്ച ഇ​ന്നി​ങ്​​സ്​ അ​നി​വാ​ര്യ​മാ​ണ്.

ര​ഹാ​നെ ഫോ​മി​ലാ​വു​മോ?
വൈ​സ്​ ക്യാ​പ്​​റ്റ​ൻ അ​ജി​ൻ​ക്യ ര​ഹാ​നെ​യു​ടെ ഫോ​മാ​ണ്​ ഇ​ന്ത്യ​യെ കു​ഴ​ക്കു​ന്ന ഏ​ക പ്ര​ശ്​​നം. ക​ഴി​ഞ്ഞ 14 ടെ​സ്​​റ്റു​ക​ളി​ൽ സെ​ഞ്ച്വ​റി നേ​ടി​യി​ട്ടി​ല്ലാ​ത്ത ര​ഹാ​നെ (2017 ഒാ​ഗ​സ്​​റ്റി​ൽ ശ്രീ​ല​ങ്ക​ക്കെ​തി​രെ​യാ​ണ്​ അ​വ​സാ​ന ശ​ത​കം) ഒാ​സി​സ്​ പ​ര്യ​ട​ന​ത്തി​നു​മു​മ്പ്​ ഫോം ​ക​ണ്ടെ​ത്തേ​ണ്ട​ത്​ ടീ​മി​ന്​ ഏ​റെ നി​ർ​ണാ​യ​ക​മാ​ണ്. മി​ക്ക ഇ​ന്ത്യ​ൻ താ​ര​ങ്ങ​ളി​ൽ​നി​ന്നും വ്യ​ത്യ​സ്​​ത​മാ​യി നാ​ട്ടി​ൽ പ​ത​റു​ക​യും വി​ദേ​ശ​ത്ത്​ തി​ള​ങ്ങു​ക​യും​ചെ​യ്യു​ന്ന ര​ഹാ​നെ പ​ക്ഷേ ഇ​ത്ത​വ​ണ ഇം​ഗ്ല​ണ്ടി​ൽ കാ​ര്യ​മാ​യി ശോ​ഭി​ച്ചി​രു​ന്നി​ല്ല. അ​തി​നാ​ൽ, ആ​സ്​​ട്രേ​ലി​യ​യി​ലേ​ക്ക്​ വി​മാ​നം ക​യ​റു​ന്ന​തി​നു​മു​മ്പാ​യി ഫോ​മി​ലെ​ത്തി​യാ​ൽ ര​ഹാ​നെ​ക്ക്​ അ​വി​ടെ ആ​ത്മ​വി​ശ്വാ​സ​ത്തോ​ടെ ബ​ാ​റ്റേ​ന്താം എ​ന്നാ​ണ്​ വി​ല​യി​രു​ത്ത​ൽ.

റോ​ച്ച്​ ക​ളി​ക്കും, ഹോ​ൾ​ഡ​റും ഗ​ബ്രി​യേ​ലും ഇ​റ​ങ്ങു​​മോ?
ക​ളി​യു​ടെ എ​ല്ലാ മേ​ഖ​ല​ക​ളി​ലും ഇ​ന്ത്യ​​യു​ടെ മു​ന്നി​ൽ മു​ട്ടു​മ​ട​ക്കി​യാ​ണ്​ വി​ൻ​ഡീ​സ്​ ആ​ദ്യ ടെ​സ്​​റ്റി​ൽ തോ​റ്റ​ത്. ര​ണ്ടാം മ​ത്സ​ര​ത്തി​ൽ ഇ​തി​ൽ​നി​ന്ന്​ ക​ര​ക​യ​റ​ണ​മെ​ങ്കി​ൽ ടീ​മി​​െൻറ ഭാ​ഗ​ത്തു​നി​ന്ന്​ കാ​ര്യ​മാ​യ പു​രോ​ഗ​തി​യു​ണ്ടാ​വ​ണം. രാ​ജ്​​കോ​ട്ടി​ൽ പ്ര​ധാ​ന താ​ര​ങ്ങ​ളാ​യ ക്യാ​പ്​​റ്റ​ൻ ജാ​സ​ൺ ഹോ​ൾ​ഡ​റു​ടെ​യും കെ​മാ​ർ റോ​ച്ചി​​െൻറ​യും അ​ഭാ​വ​ത്തി​ലും ബൗ​ള​ർ​മാ​ർ വി​യ​ർ​പ്പൊ​ഴു​ക്കി പ​ന്തെ​റി​ഞ്ഞ​പ്പോ​ൾ ബാ​റ്റ്​​സ്​​മാ​ന്മാ​രു​ടെ ഭാ​ഗ​ത്തു​നി​ന്ന്​ അ​ത്ര​ത​ന്നെ അ​ർ​പ്പ​ണ​ബോ​ധം കാ​ണാ​നു​ണ്ടാ​യി​രു​ന്നി​ല്ല. പ്ര​ത്യേ​കി​ച്ച്​ ര​ണ്ടാം ഇ​ന്നി​ങ്​​സി​ൽ പ​വി​ലി​യ​നി​ൽ തി​രി​ച്ചെ​ത്താ​ൻ തി​ടു​ക്ക​മു​ള്ള​തു​പോ​ലെ​യാ​യി​രു​ന്നു വി​ൻ​ഡീ​സ്​ ബാ​റ്റ്​​സ്​​മാ​ന്മാ​രു​ടെ ക​ളി. ഇ​ത്ത​വ​ണ അ​തി​ൽ മാ​റ്റ​മു​ണ്ടാ​വു​മെ​ന്ന പ്ര​തീ​ക്ഷ​യി​ലാ​ണ്​ വി​ൻ​ഡീ​സ്​ മാ​നേ​ജ്​​മ​െൻറ്. വ്യ​ക്​​തി​പ​ര​മാ​യ ആ​വ​ശ്യ​ത്തി​ന്​ അ​ടി​യ​ന്ത​ര​മാ​യി നാ​ട്ടി​ലേ​ക്ക്​ പ​റ​ന്ന റോ​ച്ച്​ തി​രി​ച്ചെ​ത്തി​യ​ത്​ ടീ​മി​ന്​ ആ​ശ്വാ​സ​ക​ര​മാ​ണെ​ങ്കി​ലും ഹോ​ൾ​ഡ​ർ ഇൗ ​മ​ത്സ​ര​ത്തി​ലും ഇ​റ​ങ്ങു​ന്ന കാ​ര്യം ഉ​റ​പ്പാ​യി​ട്ടി​ല്ല. കൂ​നി​ന്മേ​ൽ കു​രു​പോ​ലെ ചെ​റി​യ പ​രി​ക്കു​ള്ള ഷാ​ന​ൺ ഗ​ബ്രി​യേ​ലും ക​ളി​ക്കാ​ൻ സാ​ധ്യ​ത കു​റ​വാ​ണെ​ന്നാ​ണ്​ ഒ​ടു​വി​ല​ത്തെ വി​വ​രം. ഇ​തോ​ടെ ക​രു​ത്തു​റ്റ ഇ​ന്ത്യ​ൻ ബാ​റ്റി​ങ്​ നി​ര​യെ ത​ള​ക്കു​ന്ന കാ​ര്യം വി​ൻ​ഡീ​സി​ന്​ കൂ​ടു​ത​ൽ ദു​ഷ്​​ക്ക​ര​മാ​വും.