ബി.സി.സി.​െഎ ഭരണസമിതിയെ സുപ്രീംകോടതി ഇന്ന്​ പ്രഖ്യാപിക്കും

ന്യൂഡൽഹി: ബി.സി.സി.​െഎയുടെ ഭരണസമിതിയെ സുപ്രീംകോടതി ഇന്ന്​ പ്രഖ്യാപിക്കും. ലോധ കമ്മിറ്റി ശിപാർശകളനുസരിച്ചാണ്​ പുതിയ ഭരണസമിതി​യെ തീരുമാനിക്കുക. അമിക്കസ്​ക്യൂരിയോട്​ ഭരണസമിതി അംഗങ്ങളുടെ പേരുകൾ ജനുവരി 20നകം നൽകാൻ സുപ്രീംകോടതി നിർദ്ദേശിച്ചിരുന്നു.

 70 വയസ്സ്​ കഴിഞ്ഞവർ എങ്ങിനെ  അമിക്കസ്​ക്യൂറി സമർപ്പിച്ച ലിസ്​റ്റിൽ ഉൾപ്പെട്ടുവെന്ന്​ സുപ്രീംകോടതി ചോദിച്ചിരുന്നു. ബി.സി.സി.​െഎയുടെ ഭരണസമിതിയിലേക്ക്​ എത്താൻ ഒമ്പത്​ വർഷമെങ്കിലും സംസ്ഥാന ഭരണസമിതികളിലും ബി.സി.സി.​െഎയിലും പ്രവർത്തിക്കണമെന്ന വ്യവസ്​ഥയും സുപ്രീംകോടതി ഏർപ്പെടുത്തിയിരുന്നു.

സുപ്രീംകോടതി പ്രഖ്യാപിക്കുന്ന ലിസ്​റ്റിൽ ബി.സി.സി.​െഎയിലെ പല പ്രമുഖർക്കും സ്ഥാനമുണ്ടാകില്ലെന്ന വാർത്തകൾ പുറത്ത്​ വരുന്നുണ്ട്​. മുൻ ഇന്ത്യൻ ക്രിക്കറ്റ്​ ക്യാപ്​റ്റൻ സൗരവ്​ ഗാംഗുലി, വിനോദ്​ റായി എന്നിവരിലാരെങ്കിലും ബി.സി.സി.​െഎയുടെ തലപ്പത്തേക്ക്​ എത്തുമെന്നാണ്​ സൂചന.