Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightഅതിർത്തിയിലെ...

അതിർത്തിയിലെ ‘പരിപാടികൾ’ നിർത്തി ആ പണം കൊണ്ട്​ ആശുപത്രി പണിയൂ- അക്​തറിനോട്​ കപിൽ

text_fields
bookmark_border
അതിർത്തിയിലെ ‘പരിപാടികൾ’ നിർത്തി ആ പണം കൊണ്ട്​ ആശുപത്രി പണിയൂ- അക്​തറിനോട്​ കപിൽ
cancel

ന്യൂഡൽഹി: കായിക മൈതാനങ്ങൾ തുറക്കുന്നതിനെക്കുറിച്ചുള്ള ചർച്ചകളും പ്രതിരോധ പ്രവർത്തനങ്ങൾക്കായി പണം സമ്പാദി ക്കാൻ ഇന്ത്യ- പാകിസ്​താൻ ക്രിക്കറ്റ്​ പരമ്പര നടത്തണമെന്നുമുള്ള ചർച്ചകൾ തുടരുന്നതിനിടെ തൻെറ നിലപാട്​ ഒരിക്കൽ കൂടി വ്യക്​തമാക്കി ഇന്ത്യൻ ക്രിക്കറ്റ്​ ഇതിഹാസം കപിൽ ദേവ്​.

വികാരത്തിൻെറ പുറത്ത്​ ഇന്ത്യ- പാക്​ മത്സരങ്ങൾ നടത്താൻ പറയാം. എന്നാൽ ക്രിക്കറ്റ്​ കളിക്കാനുള്ള സമയമല്ലിത്​. പണമാണ്​ വേണ്ടതെങ്കിൽ അതിർത്തിയിലെ ‘പരിപാടികൾ’ നിർത്തി പകരം ആ പണം കൊണ്ട്​ ആശുപത്രികളും സ്​കൂളുകളും പണിതുയർത്തണമെന്ന്​ പാക്​ ക്രിക്കറ്റ്​ താരം ശുഐബ്​ അക്​തർ അടക്കമുള്ളവരോട്​ ഒരിക്കൽ കൂടി അദ്ദേഹം മറുപടി പറഞ്ഞു.

ക്രിക്കറ്റ്​ ഗ്രൗണ്ടുകൾ തുറക്കുന്നതിനെ കുറിച്ചല്ല, മറിച്ച്​ സ്​കൂളുകളിലും കോളജിലും പോകാൻ സാധിക്കാത്ത പുതുതലമുറയുടെ കാര്യത്തിലാണ്​ തനിക്ക്​ വേവലാതി. ക്രിക്കറ്റ്​, ഫുട്​ബാൾ മത്സരങ്ങൾക്ക്​ മുമ്പ്​ സ്​കൂളുകൾ തുറക്ക​ണമെന്നും കപിൽ ആവശ്യപ്പെട്ടു.

നമുക്ക്​ പണമാണ്​ വേണ്ടതെങ്കിൽ രാജ്യത്ത്​ നിരവധി സാമുദായിക സംഘടനകളുണ്ട്​. അവർ സർക്കാറിനെ സഹായിക്കുന്നതിനായി മുന്നോട്ടുവരും- കപിൽ ദേവ്​ പറഞ്ഞു. കോവിഡ്​ പ്രതിരോധ പ്രവർത്തനങ്ങൾക്ക്​ ധനം സമാഹരിക്കാൻ ഇന്ത്യ- പാക്​ ക്രിക്കറ്റ്​ പരമ്പര സംഘടിപ്പിക്കണമെന്ന്​ ആവശ്യപ്പെട്ട മുൻ പാക്​ താരം നേരത്തെ രംഗത്തെത്തിയിരു​ന്നു.

Show Full Article
TAGS:kapil dev india-pak series schools college covid corona virus 
News Summary - stop activities at border, use it to build hospitals’-Kapil Dev- sports news
Next Story