ശ്രീശാന്ത്​ ഇപ്പോഴും ഉജ്വലമായി പന്തെറിയുന്നു -സചിൻ ബേബി

കോഴിക്കോട്​: വിലക്ക്​ അവസാനിച്ച്​ സജീവ ക്രിക്കറ്റിൽ തിരിച്ചുവരാനൊരുങ്ങുന്ന മുൻ ഇന്ത്യൻ താരം എസ്​. ശ്രീശാന്ത്​ നെറ്റ്​സിൽ ഇപ്പോഴും ​ഒന്നാന്തരമായി പന്തെറിയുന്നുവെന്ന്​ കേരള താരം സചിൻ ​േബബി. രഞ്​ജി ട്രോഫി ക്രിക്കറ്റിൽ കേരളത്തിനുവേണ്ടി കളിച്ച്​ മികവു തെളിയിക്കാനും അതുവഴി ഇന്ത്യൻ ടീമിൽ തിരിച്ചെത്താനും കൊതിക്കുന്ന ശ്രീശാന്ത്​ നെറ്റ്​സിൽ സ്വതസിദ്ധമായ സ്വിങ്ങും സീമും കൂട്ടിച്ചേർത്ത്​ ബാറ്റ്​സ്​മാന്മാരെ കുഴക്കുന്ന രീതിയിൽ  പ​െന്തറിയുന്നുവെന്നും വിക്കറ്റെടുക്കുന്നുവെന്നും സാമൂഹിക മാധ്യമത്തിലൂടെ നൽകിയ ഒരു സ്വകാര്യ അഭിമുഖത്തിൽ മുൻ കേരള ക്യാപ്​റ്റൻ കൂടിയായ സചിൻ ബേബി പറഞ്ഞു. 

37കാരനായ ശ്രീശാന്തി​​െൻറ തിരിച്ചുവരവ്​ ശ്രമങ്ങളെ പിന്തുണക്കുന്ന സചിൻ ബേബി, അദ്ദേഹം മത്സരക്രിക്കറ്റിലേക്ക്​ തിരിച്ചുവരാൻ കഠിനാധ്വാനം ചെയ്യുന്നുണ്ടെന്നും കൂട്ടിച്ചേർത്തു. ‘സഹോദര തുല്യനായ അദ്ദേഹം കളത്തിലേക്ക്​ തിരിച്ചുവരുന്നതിൽ എനിക്ക്​ സന്തോഷമുണ്ട്​. കഴിഞ്ഞ ഏഴു വർഷമായി കേരള ടീമിലേക്ക്​ ശ്രീശാന്ത്​ തിരിച്ചുവരുന്നതും മികവുകാട്ടുന്നതും കാത്തിരിക്കുകയാണ്​ ഞാൻ. ഉന്നത തലത്തിൽ അദ്ദേഹം വീണ്ടും പന്തെറിയുന്നത്​ ഞങ്ങളെല്ലാം ആഗ്രഹിക്കുന്നുണ്ട്​. കഴിഞ്ഞ രണ്ടു വർഷമായി ഞങ്ങൾ ഒന്നിച്ച്​ പരിശീലിക്കുന്നു​. ക്രിക്കറ്ററെന്ന നിലയിൽ എന്നെ അദ്ദേഹം ഏ​െറ സഹായിച്ചിട്ടുണ്ട്​. അടുത്ത ബന്ധമാണ്​ ഞങ്ങൾക്കിടയിലുള്ളത്​. 

നെറ്റ്​സിൽ അദ്ദേഹം നന്നായി പന്തെറിയുന്നുണ്ട്​. കഴിഞ്ഞ വർഷം എനി​െക്കതിരെ ​നെറ്റ്​സിൽ പന്തെറിഞ്ഞതി​​െൻറ വിഡിയോ ​ൈവറലായിരുന്നു. അ​േദ്ദഹത്തി​​െൻറ പന്ത്​ നേരിടു​േമ്പാഴൊക്കെ, പേസും സ്വിങ്ങും കാരണം പുറത്താകുമോ എന്ന തോന്നലുണ്ടാകും. ഇപ്പോഴും കളിക്കാൻ ബുദ്ധിമുട്ടുള്ള ബൗളറാണ്​ ശ്രീ. 

മാച്ച്​ ഫിറ്റ്​നസ്​ ആർജിക്കാനുള്ള അദ്ദേഹത്തി​​െൻറ ശ്രമം ഊർജിതമായി മുന്നോട്ടുപോകുന്നുണ്ട്​. ബൗളിങ്ങിൽ കഠിന പരിശീലനം നടത്തുന്നു. മഴക്കാലം കഴിഞ്ഞ്​ ഗ്രൗണ്ടിൽ തിരിച്ചെത്തുന്ന നാളു​കളാണ്​ ഞങ്ങൾ ഉറ്റുനോക്കുന്നത്​. കളിക്കാതിരുന്ന സമയത്തും കേരളത്തിനുവേണ്ട ഉപദേശ നിർദേശങ്ങൾ അദ്ദേഹം നൽകിയിരുന്നതായും സചിൻ ബേബി പറഞ്ഞു. ഈ സീസണിൽ കേരളത്തി​​െൻറ രഞ്​ജി ടീമിൽ ശ്രീശാന്തിനെ ഉൾപെടുത്തിയേക്കും. ഫിറ്റ്​നസ്​ തെളിയിച്ചാൽ ശ്രീശാന്തിനെ ടീമിലേക്ക്​ പരിഗണിക്കുമെന്ന്​ പുതിയ കോച്ച്​ ടിനു യോഹന്നാൻ വ്യക്​തമാക്കിയിട്ടുണ്ട്​. 

2013ൽ ഒത്തുകളി വിവാദത്തെ തുടർന്ന്​ ശ്രീശാന്തിന്​ ആജീവനാന്ത വിലക്ക്​ നേരിട്ടിരുന്നു. വിലക്ക്​ പിന്നീട്​  ഏഴു വർഷമായി ചുരുക്കിയതോടെ 2020 സെപ്​റ്റംബറിൽ ശ്രീശാന്തിന്​ കളത്തിൽ തിരിച്ചെത്താം.