സിംഗപ്പൂർ ഒാപ്പൺ: സെമിയിൽ സിന്ധു പുറത്ത്​

സിം​ഗ​പ്പൂ​ർ: ഇ​ന്ത്യ​യു​ടെ പി.​വി. സി​ന്ധു​വി​ന്​ മു​ന്നി​ൽ വീ​ണ്ടും ക​രു​ത്തു​​കാ​ട്ടി നൊ​സോ​മി ഒ​കു​ഹാ​ര. സിം​ഗ​പ്പൂ​ർ ഒാ​പ​ൺ ബാ​ഡ്​​മി​ൻ​റ​ൺ സെ​മി​ഫൈ​ന​ലി​ൽ പൊ​രു​താ​ൻ പോ​ലും അ​നു​വ​ദി​ക്കാ​തെ സി​ന്ധു​വി​നെ പി​ടി​ച്ചു​കെ​ട്ടി​യ ഒ​കു​ഹാ​ര ക​ലാ​ശ​പ്പോ​രാ​ട്ട​ത്തി​ന്. 7-21, 11-21 സ്​​കോ​റി​നാ​ണ്​ ലോ​ക മൂ​ന്നാം ന​മ്പ​റാ​യ ജ​പ്പാ​ൻ​താ​രം സി​ന്ധു​വി​നെ വീ​ഴ്​​ത്തി​യ​ത്.

ക​ഴി​ഞ്ഞ വ​ർ​ഷാ​വ​സാ​നം ന​ട​ന്ന ലോ​ക​ചാ​മ്പ്യ​ൻ​ഷി​പ്പി​ലും വേ​ൾ​ഡ്​ ടൂ​ർ ഫൈ​ന​ൽ​സി​ലും ഒ​കു​ഹാ​ര​യെ വീ​ഴ്​​ത്തി​യ സി​ന്ധു​വി​ന്, 2019ലെ ​ആ​ദ്യ മു​ഖാ​മു​ഖ​ത്തി​ൽ പ​ക്ഷേ, തൊ​ട്ട​തെ​ല്ലാം പി​ഴ​ച്ചു. ഇ​തോ​ടെ ഇ​രു​വ​രും ത​മ്മി​ലെ മു​ഖാ​മു​ഖം റെ​ക്കോ​ഡ്​ 7-7 എ​ന്ന നി​ല​യി​ലാ​യി.

ക​ളി​യി​ൽ ഒ​രി​ക്ക​ൽ​പോ​ലും സി​ന്ധു​വി​ന്​ ​ഇ​ടം ന​ൽ​കാ​തെ​യാ​യി​രു​ന്നു ഒ​കു​ഹാ​ര​യു​ടെ മേ​ധാ​വി​ത്വം. ഒ​ന്നാം ഗെ​യി​മി​​െൻറ ആ​ദ്യ 15 മി​നി​റ്റി​നു​ള്ളി​ൽ സി​ന്ധു കീ​ഴ​ങ്ങി​യി​രു​ന്നു. സൈ​ഡ്​ ലൈ​നി​ലും നെ​റ്റി​ലും വ​രു​ത്തി​യ പി​ഴു​വു​ക​ളു​മാ​യി പോ​യ​ൻ​റ്​ കൈ​വി​ട്ടു. ര​ണ്ടാം ഗെ​യി​മി​ൽ 1-3ൽ​നി​ന്നും 4-4​ലേ​ക്ക്​ തി​രി​ച്ചെ​ത്തി​യെ​ങ്കി​ലും നേ​രി​ട്ട്​ ആ​റു​ പോ​യ​ൻ​റു​ക​ൾ നേ​ടി​യ ഒ​കു​ഹാ​ര മു​ൻ​തൂ​ക്കം നി​ല​നി​ർ​ത്തി.

ഇ​ട​വേ​ള​യി​ൽ 11-5ന്​ ​മു​ന്നി​ൽ നി​ന്ന താ​രം, 18-8ലെ​ത്തി ക​ളി ഉ​റ​പ്പി​ച്ചു. ക്വാ​ർ​ട്ട​ർ ഫൈ​ന​ലി​ൽ സൈ​ന നെ​ഹ്​​വാ​ളി​നെ തോ​ൽ​പി​ച്ചാ​ണ്​ ഒ​കു​ഹാ​ര സെ​മി​യി​ൽ ക​ട​ന്ന​ത്. ഒ​ന്നാം ന​മ്പ​റു​കാ​രി ചൈ​നീ​സ്​ താ​യ്​​പേ​യു​ടെ താ​യ്​ സു ​യി​ങ്ങാ​ണ്​ ഫൈ​ന​ലി​ലെ എ​തി​രാ​ളി.