ഷാഹിദ്​ അഫ്രീദിക്ക്​ കോവിഡ്​

ലാഹോർ: മുൻ പാക്​ ഓൾ റൗണ്ടർ ഷാഹിദ്​ അഫ്രീദിക്ക്​ കോവിഡ്​ സ്ഥിരീകരിച്ചു. അഫ്രീദി തന്നെയാണ്​ രോഗബാധ സ്ഥിരീകരിച്ച വിവരം അറിയിച്ചത്​. 

വ്യാഴാഴ്​ച മുതൽ തനിക്ക്​ ശാരീരിക അസ്വസ്ഥതകളുണ്ടായിരുന്നുവെന്ന്​ അഫ്രീദി പറഞ്ഞു. കടുത്ത ചുമയായിരുന്നു ഉണ്ടായിരുന്നത്​. പിന്നീട്​ നടത്തിയ പരിശോധനയിൽ കോവിഡ്​ സ്ഥിരീകരിക്കുകയായിരുന്നു. കോവിഡ്​ മുക്​തമാകുന്നതിനായി എല്ലാവരും പ്രാർഥിക്കണമെന്നും അഫ്രീദി ട്വിറ്ററിൽ കുറിച്ചു.

27 ടെസ്​റ്റുകളിലും 398 ഏകദിനങ്ങളിലും 99 ട്വൻറി 20 മൽസരങ്ങളിലും അഫ്രീദി പാകിസ്​താനായി പാഡണിഞ്ഞിട്ടുണ്ട്​.