ഗ്രൗണ്ടിൽ വീണ്ടും അഫ്രീദി ഷോ; മത്സര ശേഷം മാപ്പ്​ പറഞ്ഞ്​ താരം VIDEO

വെടിക്കെട്ട്​ ബാറ്റിങ് കൊണ്ടും പ്രകോപനപരമായ പെരുമാറ്റം കൊണ്ടും എന്നും വാർത്തകളിൽ ഇടം നേടിയ താരമായിരുന്നു പാകിസ്​താ​​​​െൻറ മുൻ നായകനായ ഷാഹിദ്​ അഫ്രീദി. ദേശീയ ടീമി​​​​െൻറ ഭാഗമല്ലെങ്കിലും അഫ്രീദിക്ക്​ ഇപ്പോഴും തിരക്കാണ്​. പാകിസ്​താൻ സൂപ്പർ ലീഗിൽ കറാച്ചി കിങ്​സ്​ മുൽതാൻ സുൽതാൻസ്​ മത്സരത്തിനിടെയുള്ള താരത്തി​​​െൻറ പെരുമാറ്റം ഇപ്പോൾ ചർച്ചയായിരിക്കുകയാണ്​.

ലീഗിൽ കറാച്ചി കിങ്​സിന്​ വേണ്ടി കളിക്കുന്ന താരം​ മുൽതാൻ​ ടീമി​​​​െൻറ താരവും19 വയസ്സുകാരനുമായ ബദറിനെ പുറത്താക്കിയ സമയത്ത്​ ഡ്രസ്സിങ് റൂമിലേക്കുള്ള വഴി കാണിച്ച്​ പുറത്തു​ പോവാൻ ബദറിനോട്​ ആവശ്യപ്പെടുകയായിരുന്നു. 

Shahid Afridi "there's the dressing room" #PSL2018 #KKvMS pic.twitter.com/mS0TlvAhw1

— Saj Sadiq (@Saj_PakPassion) March 10, 2018

Still love you Shahid bhai #legend https://t.co/BhscumlPz0

— Saif Badar (@imSbadar) March 10, 2018

Im sorry what happened that was momentum of the game..I always support my youngester.Good luck

— Shahid Afridi (@SAfridiOfficial) March 11, 2018

എന്നാൽ അഫ്രീദിയുടെ പെരുമാറ്റത്തിൽ യുവതാരം ബദർ സങ്കടപ്പെടുന്നതിന്​ പകരം ഇതിഹാസ നായകനെ ഇപ്പോഴും ഇഷ്​ടമാണെന്ന്​ ട്വിറ്ററിൽ പോസ്​റ്റ്​ ചെയ്യുകയാണുണ്ടായത്​. ഇതിന്​ മറുപടിയായി അഫ്രീദി ബദറിനോട്​ ക്ഷമാപണം നടത്തുകയും ചെയ്​തു. ലീഗിൽ മികച്ച ഫോമിലുള്ള താരം കറാച്ചിയെ 63 റൺസിന്​ വിജയിപ്പിക്കുന്നതിൽ നിർണായക പങ്കുവഹിച്ചിരുന്നു.