ലോകകപ്പിൽ പാകിസ്താനെ ഒരിക്കൽ കൂടി തോൽപ്പിക്കേണ്ട സമയമായി- സചിൻ
text_fieldsമുംബൈ: ക്രിക്കറ്റ് ലോകകപ്പിൽ പാകിസ്താനെ ഒരിക്കൽ കൂടി തോൽപ്പിക്കേണ്ട സമയമായിരിക്കുന്നുവെന്ന് മുൻ ഇന്ത ്യൻ ക്രിക്കറ്റ് താരം സചിൻ തെൻഡുൽക്കർ. പാകിസ്താന് സൗജന്യമായി രണ്ട് പോയിൻറ് നൽകുന്നതിനെ വ്യക്തപരമായി താൻ അനുകൂലിക്കുന്നില്ലെന്നും സചിൻ പറഞ്ഞു.
എങ്കിലും താൻ രാജ്യത്തിനാണ് പ്രഥമ പരിഗണന നൽകുന്നത്. പാകിസ്താനുമായുള്ള മൽസരത്തെ കുറിച്ച് ഇന്ത്യ എന്ത് തീരുമാനമെടുത്താലും താൻ ഹൃദയം കൊണ്ട് അതിനെ പിന്തുണക്കുമെന്നും താരം വ്യക്തമാക്കി. ട്വിറ്ററിലുടെയാണ് ലോകകപ്പിലെ ഇന്ത്യ-പാക് മൽസരത്തെ കുറിച്ച് സചിൻ പ്രസ്താവന നടത്തിയത്.
പല മുൻ ഇന്ത്യൻ ക്രിക്കറ്റ് താരങ്ങളും ബി.സി.സി.െഎയിലെ ഒരു വിഭാഗവും ഇന്ത്യ-പാക് ലോകകപ്പ് ക്രിക്കറ്റ് മൽസരത്തിനെതിരെ രംഗത്തെത്തിയിരുന്നു. ഇതിന് പിന്നാലെയാണ് ഇക്കാര്യത്തിൽ പ്രതികരണവുമായി സചിനും രംഗത്തെത്തുന്നത്. നേരത്തെ സുനിൽ ഗവാസ്കറും ഇന്ത്യ പാകിസ്താനെതിരെ കളിക്കണമെന്ന് ആവശ്യപ്പെട്ടിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.